ജങ്ക് ഫുഡ്സിനു പകരം കൊറിക്കാം പ്രൊട്ടീൻ ബോൾസ്

ചുമ്മാ ഇരുന്ന് എന്തെങ്കിലും കൊറിക്കാതെ കുറച്ച് പ്രൊട്ടീൻ ലഡ്ഡു തയാറാക്കിയാലോ? മധുരപലഹാരങ്ങൾ കൈയും കണക്കുമില്ലാതെ കഴിക്കുന്ന ശീലം പെട്ടെന്ന് മാറ്റാൻ ബുദ്ധിമുട്ടുള്ളവർക്ക് പ്രൊട്ടീൻ നിറഞ്ഞ ഡ്രൈ ഫ്രൂട്ട്സ് ലഡ്ഡു തയാറാക്കാം. ആരോഗ്യകരമായ ഈ പലഹാരം പെട്ടെന്ന് തയാറാക്കി എടുക്കാം. പ്രസിദ്ധ ഫിറ്റ്നസ് പരിശീലക യാസ്മിൻ കറാച്ചിവാലയാണ് ഈ രുചിക്കൂട്ട് തയാറാക്കിയത്.

പ്രൊട്ടീൻ ബോൾസ്  ചേരുവകൾ

• ചുവന്ന ഈന്തപ്പഴം – 120 ഗ്രാം (ചെറുതാക്കിയത്)
• ബദാം പൊടിച്ചത് – 2 ടേബിൾസ്പൂൺ
• ഫ്ലാക്സ് സീഡ് – 2 ടേബിൾസ്പൂൺ 
• ചിയാ സീഡ് പൗഡർ – 2 ടേബിൾസ്പൂൺ
• കോക്കോ പൗഡർ – 2 ടേബിൾസ്പൂൺ 
• ഉണക്ക മുന്തിരി –  2 ടേബിൾസ്പൂൺ  
• ഇഞ്ചി നീര് – 1 ടേബിൾസ്പൂൺ 
• ഏലയ്ക്കായ പൊടിച്ചത് – 1/2 ടീസ്പൂൺ
• ആൽമണ്ട് ഓയിൽ – 1 ടീസ്പൂൺ 
• സിനമൺ പൗഡർ – 1/4 ടീസ്പൂൺ 

തയാറാക്കുന്ന വിധം

എല്ലാ ചേരുവകളും യോജിപ്പിച്ച്, ചെറിയ ഉരുളകളാക്കി എടുക്കുക. ഇത് ഡെസിക്കേറ്റഡ് കോക്കനട്ടിൽ റോൾ ചെയ്ത് എടുക്കാം. 15 മിനിറ്റ് ഫ്രിഡ്ജിൽ വച്ച് തണുപ്പിച്ച് ഉപയോഗിക്കാം.

English Summary : Special Laddu Recipe In Malayalam