ഗോകുലത്തിന് വൻജയം
Mail This Article
കൊൽക്കത്ത∙ ഗോകുലത്തിനു മുന്നിൽ മണിപ്പുർ ടീം നെറോക്ക എഫ്സി തകർന്നു തരിപ്പണമായി. നെരോക്കയെ 4–1ന് തകർത്ത ഗോകുലം കേരള എഫ്സി ഐ ലീഗ് ഫുട്ബോളിൽ വിജയവഴിയിലേക്കു തിരിച്ചെത്തി.
മലയാളി താരം ജസ്റ്റിൻ ജോർജ്, ഫിലിപ് അഡ്ജ, ഷരീഫ് മുഹമ്മദ് എന്നിവരാണു ഗോകുലത്തിനായി ഗോൾ നേടിയത്. ഒരെണ്ണം സെൽഫ് ഗോളായിരുന്നു. വിജയത്തോടെ 6 പോയിന്റ് നേടിയ ഗോകുലം നാലാം സ്ഥാനത്തെത്തി.
തുടക്കം മുതൽ ആക്രമിച്ചു കളിച്ച ഗോകുലം 23ാം മിനിറ്റിൽ നെരോക്ക താരത്തിന്റെ സെൽഫ് ഗോളിലൂടെ അക്കൗണ്ട് തുറന്നു. 31ാം മിനിറ്റിൽ ഘാനയുടെ മുൻനിരതാരം ഫിലിപ് അഡ്ജയുടെ ഷോട്ട് ഗോൾവലയുടെ മുകൾതട്ടിൽ പതിച്ചതോടെ 2–0. 39ാം മിനിറ്റിൽ മലയാളി താരം ജസ്റ്റിൻ ജോർജ് ഹെഡറിലൂടെ ഗോൾവല കുലുക്കി. 84ാം മിനിറ്റിൽ പെനൽറ്റി ലക്ഷ്യത്തിലെത്തിച്ച അഫ്ഗാൻ താരം ഷരിഫ് മുഹമ്മദ് ഗോകുലത്തിനായി നാലാം ഗോൾ നേടി. നെരോക്കയ്ക്ക് ആശ്വാസഗോൾ നേടാനായത്88ാം മിനിറ്റിൽ. സോങ്പു സിങാണ് ലക്ഷ്യം കണ്ടത്.