Manoramaonline.com no longer supports Internet Explorer 8 or earlier. Please upgrade your browser.  Learn more »

അസിന് രാഹുൽ ശർമയുടെ സർപ്രൈസ് സമ്മാനം

Asin

ബോളിവുഡ് താരവും മലയാളിയുമായ അസിൻ തോട്ടുങ്കൽ വിവാഹിതയാകുന്നുവെന്ന വാർത്ത അടുത്തിടെയാണ് പുറത്തു വന്നത്. മൈക്രോമാക്സ് സഹസ്ഥാപകന്‍ രാഹുൽ ശർമയാണ് അസിന്റെ പ്രതിശ്രുതവരൻ എന്നു കേട്ടതോടെ ഗജിനി നായികയ്ക്ക് സിനിമ പോലൊരു വിവാഹവുമായി. ഇപ്പോഴിതാ അസിന് സർപ്രൈസ് സമ്മാനം അയച്ചിരിക്കുകയാണ് രാഹുൽ. പിങ്ക് നിറത്തിലുള്ള നിറയെ പൂക്കുടകളാണ് രാഹുൽ അസിനു സമ്മാനിച്ചിരിക്കുന്നത്. ഫ്ലോറൽ സർപ്രൈസ് ഫം ദ മാൻ എന്ന തലക്കെട്ടോടെ അസിൻ തന്നെയാണ് ചിത്രം ഇൻസ്റ്റഗ്രാമിൽ പങ്കുവച്ചത്.

ഇരുവരും പ്രണയത്തിലാണെന്ന് നേരത്തെ ഗോസിപ്പുകൾ ഉണ്ടായിരുന്നു. രാഹുലിന്റെ ജീവിതസഖിയാകാൻ പോകുന്ന വിവരം അസിൻ തന്നെയാണ് വെളിപ്പെടുത്തിയത്. വരുന്ന നവംബർ 21നാണ് വിവാഹം. പുതിയ ചിത്രം ആൾ ഈസ് വെല്ലിന്റെ പ്രചരണാർഥം ഡൽഹിയിലുള്ള അസിൻ ഏറ്റെടുത്ത കരാറുകളെല്ലാം പൂർത്തിയാക്കുന്നതിന്റെ തിരക്കിലാണിപ്പോൾ.

ലോകത്തിലെ തന്നെ പ്രായം കുറഞ്ഞ സമ്പന്നരായ ബിസിനസ്സുകാരിൽ ഒരാളാണ് രാഹുല്‍ ശർമ്മ(36). നടൻ അക്ഷയ്‌കുമാറിന്റെ അടുത്ത സുഹൃത്തുകൂടിയായ രാഹുലിനെ അസിനു പരിചയപ്പെടുത്തിയതും അക്ഷയ് തന്നെയാണ്.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.