സ്വീഡിഷ് രാജസിംഹാസത്തിന്റെ മൂന്നാമത്തെ അവകാശിയാണെന്നു പറഞ്ഞിട്ടു കാര്യമുണ്ടോ, കാൾ ഫിലിപ്പിനും അൾത്താരയിൽ നിന്നപ്പോൾ ചങ്കിടിച്ചു. പരിഭ്രമമേറിയതു കാരണം, സോഫിയയുടെ വിരലിൽ വിവാഹമോതിരം അണിയിക്കാൻ വരെ രാജകുമാരൻ ബുദ്ധിമുട്ടുന്ന കാഴ്ച ഒന്നു കാണേണ്ടതായിരുന്നു. സ്റ്റോക്കോം രാജകൊട്ടാരത്തിലെ ചാപ്പലിലായിരുന്നു കാൾ ഫിലിപ് രാജകുമാരന്റെയും സോഫിയ ഹെൽക്വിസ്റ്റിന്റെയും വിവാഹം.
സാധാരണക്കാരിൽനിന്നു വരനെ കണ്ടെത്തിയ സഹോദരിമാരുടെ പാത പിന്തുടർന്നാണ് മുൻ മോഡലും ടിവി താരവുമായ സോഫിയയെ കാൾ ജീവിതസഖിയാക്കിയത്. ജപ്പാനിലെ റ്റക്കമാഡോ രാജകുമാരിയും ബെൽജിയത്തിലെ രാജ്ഞി മെത്തിൽഡെയുമുൾപ്പെടെ ലോകമെമ്പാടുനിന്നുമുള്ള ‘രാജപ്പട’യാണു സ്വീഡിഷ് വിവാഹത്തിനു സാക്ഷ്യം വഹിക്കാനെത്തിയത്.
സ്വീഡിഷ് നാവിക സേനയിൽ മേജറാണ് 36 വയസുള്ള കാൾ ഫിലിപ് രാജകുമാരൻ. കാറോട്ടത്തിൽ കമ്പം. കിരീടാവകാശിയായി ജനിച്ച രാജകുമാരന്, പിന്തുടർച്ചാവകാശ നിയമം മാറിയപ്പോഴാണു ചേച്ചി വിക്ടോറിയയ്ക്കു വഴി മാറിക്കൊടുക്കേണ്ടി വന്നത്. മെദെലീൻ രാജകുമാരിയാണ് മറ്റൊരു സഹോദരി. സിംഹാസനത്തിലേക്കുള്ള അവകാശിനിരയിൽ വിക്ടോറിയ രാജകുമാരിയുടെ മകൾ എസ്റ്റേലിനും പിന്നിലാണ് ഇപ്പോൾ രാജകുമാരന്റെ സ്ഥാനം.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.