നീന
ഈ മുഖം ഓർക്കണം, നീന എന്ന പേരും.. ട്രെയിലർ ഇറങ്ങിയതേ ഉള്ളൂ, ലാൽ ജോസിന്റെ പുതിയ നായികയെയും സിനിമയെയും ജനം ഏതാണ്ട് ഏറ്റെടുത്ത മട്ടാണ്. നീന എന്ന പേര് മാത്രമല്ല നീനയുടെ സ്റ്റൈൽ തന്നെ തരംഗമാവുകയാണ്. ഇടതൂർന്ന മുടി നീനയ്ക്ക് വേണ്ടി വെട്ടാൻ മനസ് കാണിച്ചപ്പോൾ ദീപ്തി സതിയ്ക്ക് ഉറപ്പുണ്ടായിരുന്നു സിനിമ ഇറങ്ങിയാൽ തന്റെ ഹെയർ സ്റ്റൈൽ സൂപ്പർ ഹിറ്റാവുമെന്ന്. പക്ഷേ, ട്രെയിലർ ഇറങ്ങിയപ്പോൾ തന്നെ നീന ഹെയർസ്റ്റൈൽ സൂപ്പർ ഡ്യൂപ്പർ ഹിറ്റ്.
ദീപ്തി സതി നീനയിൽമൈ ന്യൂ നീന ലുക്ക് എന്ന് എഴുതി പുതിയ ഹെയർസ്റ്റൈലിൽ പെൺകുട്ടികൾ പേസ്ബുക്കിൽ പോസ്റ്റോട് പോസ്റ്റാണ്. ഇപ്പോഴേ ഇങ്ങനെയെങ്കിൽ സിനിമ ഇറങ്ങി കഴിയുന്പോഴേക്കും ഇവിടെ നീനമാരെ കൊണ്ട് നിറയുന്ന ലക്ഷണമാണ്.
കഴുത്ത് വരെ വെട്ടിയ മുടി നമ്മൾ നേരത്തെയും കണ്ടിട്ടുണ്ട്. അതെല്ലാം തരംഗമായിട്ടുമുണ്ട്. അപർണ ഗോപിനാഥിന്റെ ഹോയർസ്റ്റൈൽ ഇപ്പോഴും കൊണ്ട് നടക്കുന്നവരുണ്ട്. ബാംഗ്ളൂർ ഡേയ്സിലെ സാറയുടെ സ്റ്റൈലായിരുന്നു പിന്നീട് തരംഗം. പക്ഷേ, സിനിമ ഇറങ്ങുന്നതിന് മുൻപ് തന്നെ ആ കഥാപാത്രത്തെ അനുകരിക്കാൻ ശ്രമിക്കുന്നത് ഇതാദ്യമാണ്. ഇടതൂർന്ന മുടിയുള്ള ദീപ്തി സതിയേക്കാൾ മുടി വെട്ടി നീനയായ ദീപ്തിയെയാണ് എല്ലാവർക്കും കൂടുതൽ ഇഷ്ടപ്പെട്ടത്. ഇത് ദീപ്തി സതി തന്നെയാണോ എന്ന് അതിശയിച്ചു നോക്കുന്നവരാണ് ഏറെയും. നീനയുടെ ഈ വ്യത്യസ്തത തന്നെയാവാം പെൺകുട്ടികളെ ആകർഷിച്ചതും.
ദീപ്തി സതി മുടി മുറിക്കുന്നതിനു മുൻപ്
