നരയെ പ്രതിരോധിക്കാം; മുടിയുടെ കറുപ്പഴകിന് നാടൻ വിദ്യകൾ

കറുത്ത, തിളക്കമുള്ള മുടിയിഴകൾ എല്ലാവരുടെയും ആഗ്രഹമാണ്. അതുകൊണ്ടു തന്നെ നരയെ ആശങ്കയോടെയാണ് പലരും കാണുന്നത്. പ്രായമാകുന്നത് ആർക്കും തടയാനാകില്ല. അതൊരു സ്വാഭാവിക പ്രക്രിയയാണ്. അതോടനുബന്ധിച്ച് പല മാറ്റങ്ങളും ശരീരത്തിലുമുണ്ടാകും. അതിലൊന്നു മാത്രമാണ് നര. അതിനെ ഇല്ലാതാക്കാനാകില്ല. എന്നാൽ നരയുടെ വേഗം കുറയ്ക്കാനും മുടിയുടെ കറുപ്പഴക് സംരക്ഷിക്കാനുമാകും. അതിനായി വീട്ടിലിരുന്ന് ചെയ്യാവുന്ന ചില സൂത്രങ്ങളുണ്ട്. അവയിതാ...

ചിരട്ട കനലിൽ മൈലാഞ്ചി ഇഴ വിതറി കരിഞ്ഞ ഇലയും ചിരട്ടക്കരിയും നന്നായി പൊടിച്ചത് ചേർത്ത് എണ്ണ കാച്ചിയെടുക്കാം. ഇത് പതിവായി തലയിൽ തേച്ചു കുളിക്കുന്നത് മുടിയുടെ കറുപ്പുനിറം നിലനിർത്താൻ സഹായിക്കും.

കുളിക്കുന്നതിനു മുമ്പ് കടുക്കയും മൈലാഞ്ചിയും അരച്ച് മുടിയിൽ പുരട്ടുക. മുടിയുടെ കരുത്ത് കൂട്ടാനും കറുപ്പ് നിറമേകാനും ഇതു നല്ലതാണ്.

കഞ്ഞിവെള്ളം ഉപയോഗിച്ച് തല കഴുകുന്നത് അഴുക്കും താരനും അകറ്റാൻ സഹായിക്കും.

English Summary : Home Remedies to Get Black Hair Naturally