യുവത്വത്തിന് പ്രായഭേദമെന്യേ ആളുകൾ നൽകുന്ന പ്രാധാന്യം ഏറിവരുകയാണ്, പ്രത്യേകിച്ചും പ്രഫഷണലിസത്തിന്റെതായ ഇൗ കാലഘട്ടത്തിൽ. ചർമം കണ്ടാൽ പ്രായം തോന്നുകേയില്ല. പരസ്യവാചകം യാഥാർഥ്യമായെങ്കിലെന്ന് ഒരിക്കലെങ്കിലും തോന്നിയിട്ടില്ലേ.
ശരിയായി ഉറങ്ങൂ. നിങ്ങളുടെ ചർമത്തിനും പ്രായമാകുകയില്ല. നമ്മൾ ആവശ്യത്തിന് ഉറങ്ങാതിരിക്കുമ്പോൾ അത് കോർട്ടിസോൾ എന്ന ഹോർമോണിന്റെ അളവ് വർധിപ്പിക്കുന്നു. കോർട്ടിസോൺ ശരീരത്തിന് ആവശ്യമായ ഹോർമോൺ ആണെങ്കിലും ഇതിന്റെ അമിത സാന്നിദ്ധ്യത്തിന് ഒരു ഓമനപ്പേരുണ്ട്. മരണ ഹോർമോൺ. ഒരുപാട് പാർശ്വഫലങ്ങളുള്ള ഹോർമോണാണിത്.കോർട്ടിസോൺ അമിതമായാൽ അതു കോശങ്ങളുടെ നാശത്തിനു കാരണമാകും. ഇതിലൂടെ ചർമത്തിൽ ചുളിവുകൾ ഉണ്ടാകുകയും ചെയ്യും
നന്നായി ഉറങ്ങുന്നതിലൂടെ ഹ്യൂമൻ ഗ്രോത്ത് ഹോർമോൺ എന്ന ഹോർമോണാണ് ശരീരം ഉത്പാദിപ്പിക്കുന്നത്. ഇത് കോർട്ടിസോളിന്റെ വിപരീതദിശയിലാണു പ്രവർത്തിക്കുന്നത്. അതായത് കോശങ്ങളെ നശിപ്പിക്കുന്നതിനുപകരം ശക്തിപ്പെടുത്തുന്നു. അങ്ങനെ നിങ്ങൾ കൂടുതൽ യുവത്വമുള്ളയാളായി മാറുന്നു.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.