പെണ്ണുങ്ങളെപ്പോലെ കരയുക എന്ന് ഒരിക്കലെങ്കിലും പരിഹാസം കേൾക്കാത്തവരുണ്ടോ. പക്ഷേ കരച്ചിൽ അത്ര നിസാര കാര്യമല്ല. അതിലുണ്ട് രസകരമായ സംഗതികൾ. ∙ഓരോ ഭാഷയിലും കുഞ്ഞുങ്ങൾ കരയുന്നത് ഓരോ തരത്തിലായിരിക്കും.
∙പണവും സൗകര്യങ്ങളുമൊക്കെയുള്ള വീടുകളിലെ സ്ത്രീകൾക്കു കരച്ചിൽ കൂടും. കഷ്ടപ്പെട്ടു ജീവിക്കുന്ന പെണ്ണുങ്ങൾക്കാവട്ടെ കരയാൻ പോലും നേരമുണ്ടാവില്ല.
∙ കണ്ണീർ മൂന്നു തരമുണ്ടെന്നു ഡോക്ടർമാർ. കണ്ണിനു നനവും ലൂബ്രിക്കേഷനും പകരുന്ന കണ്ണീർ. ഉള്ളി അരിയുമ്പോഴും മറ്റും വരുന്ന കണ്ണീർ. പിന്നെ സന്തോഷവും സങ്കടവുമൊക്കെ സൃഷ്ടിക്കുന്ന കണ്ണീർ.
∙ചിലർക്കു കരച്ചിൽ ജന്മസിദ്ധമാണ്. ചിലർക്കാകട്ടെ എന്തൊക്കെ സംഭവിച്ചാലും ഒരിറ്റു കണ്ണീർ വീഴില്ല.
∙ന്യൂറോൺ തകരാർ ഉള്ളവർക്കു കരച്ചിലും ചിരിയും നിയന്ത്രിക്കാൻ കഴിയാതെ വരും.
∙മദ്യപിച്ചു ഫിറ്റായാൽ ചിലർ കരയും. ചിലർ ചിരിച്ചുകൊണ്ടിരിക്കും.
∙കണ്ണീരിൽ മൂന്നു പാളികളുണ്ട്. ഓയിൽ ലേയർ, വാട്ടർ ലേയർ, മ്യൂക്കസ് ലേയർ.
∙പ്രോട്ടീൻ, സോൾട്ട്, ഹോർമോൺ എന്നിവയാണ് ഉമിനീരിലെ ഘടകങ്ങൾ. കണ്ണീരിലും ഇവ തന്നെ അടങ്ങിയിരിക്കുന്നു.
∙പെണ്ണുങ്ങൾ കരയുന്നത് കാണുന്നത് ആണുങ്ങൾക്ക് എന്തൊരു ദേഷ്യമാണ്. കാരണം എന്താണെന്നല്ലേ. കരച്ചിൽ കണ്ടാൽ ആണുങ്ങൾക്കു സെക്സിനോടു താൽപര്യം തോന്നില്ല. അതാണത്രേ അവർ ഇത്ര ദേഷ്യപ്പെടുന്നത്. ഒരു പഠനത്തിൽ കണ്ടെത്തിയതാണിത്.
∙ആര് എന്തൊക്കെ പറഞ്ഞാലും കരയുന്നത് പലർക്കും ആശ്വാസകരം തന്നെ.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.