എല്ജിയുടെ മുന്നിര ഫോണുകളിലൊന്നായ എല്ജി നെക്സസ് 5 എക്സ് ഇന്ത്യന് വിപണിയില് എത്തിയശേഷം 7000 രൂപയുടെ വമ്പന് വിലക്കുറവുമായി കൂടുതല് ഉപഭോക്താക്കളെ ആകര്ഷിക്കാന് രംഗത്തെത്തിയിരിക്കുകയാണ്. ഹുവായ് പുറത്തിറക്കിയ നെക്സസ് ഫോണിന്റെ പോരായ്മകളും എല്ജി ഇപ്പോള് നല്കിയിരിക്കുന്ന ഈ വിലക്കുറവും പരിഗണിക്കുമ്പോള് എല്ജി നെക്സസ് 5 എക്സ് ഫോണ് നെക്സസ് ഫോണുകളിലെ മുന്നിരക്കാരനാകുമെന്നതില് സംശയമില്ല.
1080 x1920 പിക്സല് റെസല്യൂഷന് നല്കുന്ന 5.2 ഇഞ്ച് റെസല്യൂഷന് ഡിസ്പ്ലേയുമായെത്തുന്ന എല്ജി നെക്സസ് 5 എക്സ് സ്മാര്ട്ട് ഫോണ് 1.44 ജിഗാ ഹെട്സ് വേഗത നല്കുന്ന കോര്ടെക്സ് എ 53, 1.82 ജിഗാ ഹെട്സ് വേഗതയുള്ള കോര്ടെക്സ് എ 57 എന്നീ പ്രോസസറുകളിലാണ് പ്രവര്ത്തിക്കുന്നത്. അഡ്രീനോ 418 ജി.പി.യു ഈ സ്മാര്ട്ട് ഫോണിനെ മികച്ച ഗെയിമിംഗിനും പ്രാപ്തമാക്കുന്നു.ആന്ഡ്രോയ്ഡിന്റെ ഏറ്റവും പുതിയ വെര്ഷനായ് 6.0 മാഷ്മല്ലോയില് പ്രവര്ത്തിക്കുന്ന ഫോണിന് 12 എം.പി പ്രധാന ക്യാമറയും 5എം.പി. സെല്ഫി ഷൂട്ടറുമാണുള്ളത്.
7000 രൂപയുടെ വിലക്കുറവ് നല്കുന്നതോടെ 31,9000 രൂപയ്ക്ക് വിപണിയിലെത്തിച്ച എല്.ജി നെക്സസ് 5 എക്സ് സ്മാര്ട്ട് ഫോണിന്റെ 16 ജി ബി വേരിയന്റ് 24,573 രൂപയ്ക്കാകും ലഭ്യമാകുക, 327 രൂപയുടെ അധിക വിലക്കിഴിവ് ഉള്പ്പെടെയാണ് ഈ വിലയ്ക്ക് എല്.ജി നെക്സസ് 5 എക്സ് ലഭ്യമാകുന്നത്. അതോടൊപ്പം 35,900 രൂപയ്ക്ക് എല്.ജി വിപണിയിലെത്തിച്ച നെക്സസ് 5 എക്സ് 32 ജി ബി വേരിയന്റ് 4350 രൂപ വിലക്കുറവില് 31550 രൂപയ്ക്കും ലഭ്യമാകും.
നിലവില് ആമസോണ് വഴി വാങ്ങുന്ന ഫോണുകള്ക്കാണ് എല്.ജി നെക്സസ് 5എക്സ് ഫോണുകള്ക്കായുള്ള ഈ വിലക്കുറവ് ആസ്വദിക്കാന് കഴിയുക. എല്.ജി നെക്സസ് 5 എക്സിന്റെ കാര്ബണ് ബ്ലാക്ക് കളര് വേരിയന്റിലാകും ഈ വിലക്കുറവ് ലഭ്യമാകുക എന്നാല് ഈ ഫോണിന്റെ ഐസ് ബ്ലൂ വേരിയന്റിന് ഈ വിലക്കുറവ് ബാധകമാവില്ല. എല്ജി നെക്സസ് 5 എക്സിന്റെ ഈ വിലക്കുറവിനെത്തുടര്ന്ന് ഹുവായ് നെക്സസ് 6 സി ഫോണിനും താമസിയാതെ വിലകുറക്കാന് ഹുവായ് തയ്യാറാകുമെന്നാണ് കരുതുന്നത്.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.