വ്യാഴം രണ്ടാം ഭാവത്തിൽ സഞ്ചരിക്കുന്നതു കൊണ്ട് സാമ്പത്തിക പുരോഗതിയും പഠന പുരോഗതിയും പരീക്ഷയിൽ ഉന്നത വിജയവും, ഉപരിപഠനത്തിനുള്ള അവസരവും ഉണ്ടാകും. ലേഖകന്മാർക്കും സാഹിത്യകാരന്മാർക്കും അധ്യാപകർക്കും നേട്ടങ്ങൾ പ്രതീക്ഷിക്കാവുന്ന കാലമാണ്.
12ൽ സഞ്ചരിച്ചിരുന്ന വ്യാഴം ജന്മത്തിലേക്ക് വരുന്നത് അല്പം ആശ്വാസം നൽകുന്നതാണ്. എന്നാൽ അലച്ചിലുകൾ വർധിക്കുകയും ചെയ്യും. കുടുംബ ജീവിതം സന്തോഷകരമാകും.
11ൽ നിന്ന് 12ലേക്ക് മാറുന്ന വ്യാഴം ചിലവുകളും ദുരിതങ്ങളും വർധിപ്പിക്കും. പ്രാർത്ഥനകളും വഴിപാടുകളും മുടങ്ങാതെ നോക്കുക. പുതിയ സംരംഭങ്ങൾക്ക് കാലം അനുകൂലമല്ല.
വ്യാഴം 11ൽ സഞ്ചരിക്കുന്ന കാലം കഴിഞ്ഞ 12 വർഷത്തിലേക്കും വച്ച് ഏറ്റവും ഉത്തമമായുള്ളതാണ്. ഏറെക്കാലമായി അലട്ടിക്കൊണ്ടിരുന്ന പല പ്രശ്നങ്ങൾക്കും പരിഹാരം ഉണ്ടാകും.
ഭാഗ്യ സ്ഥലത്തുനിന്ന് കർമ സ്ഥാനത്തേക്ക് മാറുന്ന വ്യാഴം തൊഴിൽപരമായ ചില ബുദ്ധിമുട്ടുകൾക്ക് കാരണമാകാം.നിലവിലെ ജോലി മാറാതിരിക്കുന്നതാണ് ഉത്തമം. സാമ്പത്തിക ഞെരുക്കത്തിന് സാധ്യതയുണ്ട്.
ദുരിത ഭാവത്തിൽ നിന്ന് വ്യാഴം ഭാഗ്യ സ്ഥാനത്തേക്ക് മാറുമ്പോൾ സാമ്പത്തികമായി നേട്ടങ്ങളും സന്താനഭാഗ്യവും പ്രതീക്ഷിക്കാം. സാമ്പത്തിക പുരോഗതി കൈവരിക്കും.
ഏഴാം ഭാവത്തിൽ നിന്നും എട്ടിലേക്ക് പോകുന്ന വ്യാഴം കഷ്ട കാലത്തിന്റെ സൂചനയാണ്. ദൈവാധീനം ഏറ്റവും കുറഞ്ഞ കാലമാണിത്. സാമ്പത്തിക നഷ്ടവും ബാധ്യതകളും വന്നുചേരാം.
ആറിലെ വ്യാഴം ഏഴിലേക്ക് വരുന്നത് വളരെ നല്ലതാണ്. കുടുംബജീവിതം സന്തോഷകരമാകും. അവിവാഹിതരുടെ വിവാഹം നടക്കും. പാർട്ണർഷിപ്പ് ബിസിനസ് ലാഭകരമാകും.
അഞ്ചിലെ വ്യാഴം ആറിലേക്ക് സഞ്ചരിക്കുന്നത് മൂലം പലകാര്യങ്ങളും മന്ദഗതിയിൽ ആവും. സാമ്പത്തിക ഞെരുക്കത്തിനും ഇടയുണ്ട്. പൊതുവേ ദൈവാധീനം കുറഞ്ഞ കാലമായതുകൊണ്ട് ഒരു കാര്യത്തിന് തന്നെ പലവട്ടം പരിശ്രമിക്കേണ്ടതായി വരാം.
നാലിൽ നിന്ന് വ്യാഴം അഞ്ചിലേക്ക് മാറുമ്പോൾ സ്ഥാനക്കറ്റവും സാമ്പത്തികം നേട്ടവുമാണ് ഉണ്ടാവുക. കുട്ടികളില്ലാത്തവർക്ക് സന്താനഭാഗ്യം പ്രതീക്ഷിക്കാം. പുതിയ ഉത്തരവാദിത്തങ്ങൾ ഏറ്റെടുക്കും.
മൂന്നിൽ നിന്ന് നാലിലേക്ക് വ്യാഴം മാറുമ്പോൾ കുടുംബത്തിൽ സമാധാനം ഉണ്ടാകും പുതിയ വീട് സ്വന്തമാക്കാൻ സാധിക്കും. ആഗ്രഹിച്ച വാഹനം വാങ്ങാൻ കഴിയും.
രണ്ടിൽനിന്ന് വ്യാഴം മൂന്നിലേക്ക് പോകുന്നത് സാമ്പത്തിക ക്ലേശങ്ങൾക്കും ചില ദുഃഖങ്ങൾക്കും എല്ലാം കാരണമാകും. ഒരു വർഷം ദൈവാധീനം കുറഞ്ഞ ഒരു കാലമാണ്.