റഫ്രിജറേറ്ററിനുള്ളില്‍ സാധനങ്ങള്‍ ചുമ്മാ അങ്ങ് കുത്തിക്കയറ്റിയാല്‍ പോരാ, ഉള്ളില്‍ അവ എങ്ങനെ സംഭരിക്കുന്നു എന്നതിനെ ആശ്രയിച്ചിരിക്കും ഭക്ഷണസാധനങ്ങളുടെ പുതുമ.
റഫ്രിജറേറ്ററിനുള്ളില്‍ ഓരോ ഭക്ഷണവും സൂക്ഷിക്കാന്‍ ഒരു ക്രമമുണ്ട് ഏറ്റവും എളുപ്പത്തിൽ സാധനങ്ങള്‍ എടുക്കാവുന്ന ഇടമാണ് റഫ്രിജറേറ്ററിന്‍റെ മുകളിലെ ഷെൽഫ്. ഒന്നോ രണ്ടോ ദിവസത്തിനുള്ളിൽ കഴിച്ച് തീര്‍ക്കാനുള്ള ഭക്ഷണങ്ങൾ സംഭരിക്കുന്നതിനാണ് ഈ ഭാഗം
റഫ്രിജറേറ്ററിന്‍റെ മധ്യഭാഗം പാലുൽപ്പന്നങ്ങൾ, മുട്ട എന്നിവ സൂക്ഷിക്കാൻ ഉപയോഗിക്കണം.
താഴെയുള്ള ഷെല്‍ഫില്‍ മാംസം, മത്സ്യം എന്നിവ സൂക്ഷിക്കാം. അവ മറ്റേതെങ്കിലും ഭക്ഷണവുമായി സമ്പർക്കം പുലർത്തുന്നില്ലെന്ന് ഉറപ്പാക്കുക.
എല്ലാ ആധുനിക റഫ്രിജറേറ്ററുകള്‍ക്കും താഴെ ഡ്രോയറുകൾ കാണാം. ഇവ അസംസ്കൃത ഭക്ഷണങ്ങൾ സൂക്ഷിക്കാൻ മാത്രമുള്ളതാണ്. ഇതിൽ പഴങ്ങളും പച്ചക്കറികളും സൂക്ഷിക്കാം
റഫ്രിജറേറ്ററിന്‍റെ ഡോർ ഷെൽഫുകളില്‍ ജ്യൂസ് പായ്ക്കുകൾ, ജാം കുപ്പികൾ, സുഗന്ധവ്യഞ്ജനങ്ങൾ എന്നിങ്ങനെയുള്ളവ സൂക്ഷിക്കാം.