പ്രതിരോധശേഷി വർധിപ്പിക്കാൻ ഇഞ്ചി ബെസ്റ്റാണ്.
ഇഞ്ചി കഴിക്കുന്നത് ശരീര ഭാരം കുറയാനും സഹായിക്കുന്നു. എന്നാൽ കൂടിയ അളവിൽ ഇഞ്ചി കഴിക്കുന്നതു ഗുണത്തേക്കാളേറെ ദോഷമുണ്ടാക്കും.
ഭക്ഷണത്തിനു ശേഷം ഒരു ചെറിയ കഷ്ണം ഇഞ്ചി കഴിക്കുന്നത് വായുക്ഷോഭത്തെ ചെറുക്കാൻ സഹായിക്കുമെങ്കിലും കൂടിയ അളവിൽ കഴിക്കുന്നത് വയറിൽ ആസിഡ് ഉല്പാദനം വർധിപ്പിക്കും
ഇഞ്ചിയിൽ രക്തത്തെ നേർപ്പിക്കുന്ന ഘടകങ്ങൾ അടങ്ങിയിട്ടുണ്ട്. കൂടുതൽ അളവിൽ ഇഞ്ചി ശരീരത്തിലെത്തുന്നതിന്റെ ഫലമായി രക്തം കട്ടപിടിക്കുന്നതിനെ ബാധിക്കാനിടയുണ്ട്.
ഇഞ്ചിയുടെ അമിതമായ ഉപയോഗം രക്തത്തിലെ പഞ്ചസാരയുടെ അളവ് പെട്ടെന്ന് കുറയ്ക്കുന്നു.
കൂടിയ അളവിൽ പച്ച ഇഞ്ചി കഴിച്ചാൽ ചിലരിൽ വായ്ക്ക് എരിച്ചിലുണ്ടാക്കും. എപ്പോഴും മിതമായ അളവിൽ മാത്രം കഴിക്കാൻ ശ്രമിക്കുക.
രാവിലത്തെ ചായ, ചെറുതായി നുറുക്കിയ ഇഞ്ചി ചേർത്തു തിളപ്പിച്ച വെള്ളത്തിൽ തയാറാക്കാം.