പ്രോട്ടീനിനാൽ സമ്പന്നമാണ് ബദാം. ഒമേഗ 3 ഫാറ്റി ആസിഡ്, വിറ്റാമിനുകൾ പ്രധാനമായും വിറ്റാമിൻ ഇ, ആരോഗ്യകരമായ കൊഴുപ്പ്, ധാതുക്കളായ മഗ്നീഷ്യം, ഫോസ്‌ഫറസ്‌ തുടങ്ങിയവയും അടങ്ങിയിരിക്കുന്നു
ഈന്തപ്പഴം മികച്ചൊരു ഊർജ്ജദായക വസ്തുവാണ്. ഈന്തപ്പഴം ഇടനേരങ്ങളിൽ ഒരു സ്നാക്ക് ആയോ അല്ലാത്ത പക്ഷം സ്മൂത്തികളിലോ ഡെസേർട്ടുകളിലോ മധുരത്തിനായോ ഉപയോഗിക്കാവുന്നതാണ്.
വലിയ അളവിൽ ഇരുമ്പും പൊട്ടാസ്യവും ആന്റി ഓക്സിഡന്റുകളും അടങ്ങിയിരിക്കുന്നു.പല വിഭവങ്ങളിലും മധുരത്തിന് പകരമായും കേക്കുകളിൽ ഒരു പ്രധാന കൂട്ടായുമൊക്കെ ഉപയോഗിക്കാറുണ്ട്.
ദഹനത്തെ സഹായിക്കുന്ന നാരുകൾ, വിറ്റാമിനുകൾ, ധാതുക്കൾ എന്നിവയാൽ സമ്പന്നമാണ് അത്തിപ്പഴം. സിറിയലുകളിലും യോഗേർട്ടിലും അല്ലാത്ത പക്ഷം ഇടനേരങ്ങളിൽ സ്നാക്കായും കഴിക്കാം
മധുരമുള്ളതു കൊണ്ട് തന്നെ പഞ്ചസാരയ്ക്ക് പകരമായി ഡെസ്സേർട്ടുകളിലോ സലാഡുകളിലോ ചേർക്കാവുന്നതാണ്. ചെറിയ കഷ്ണങ്ങളായി മുറിച്ചതിനു ശേഷം സാലഡുകളിൽ ഉപയോഗിക്കാം.
ഉയർന്ന അളവിൽ ഒമേഗ 3 ഫാറ്റി ആസിഡ് അടങ്ങിയിട്ടുള്ള വാൾനട്ട് കഴിക്കുന്നത് ഹൃദയാരോഗ്യത്തിന് അത്യുത്തമമാണ്. ദിവസവും ഒരു കൈപിടി അളവിൽ വാൾനട്ട് കഴിക്കുന്നത് ആരോഗ്യത്തിനു ഗുണകരമാണ്.