Manoramaonline.com no longer supports Internet Explorer 8 or earlier. Please upgrade your browser.  Learn more »

തകിടുകൾ മന്ത്രങ്ങൾക്ക് പകരം, അത്ഭുതം ഈ ക്ഷേത്രം!

Buddhism

ഡൽഹിയിൽനിന്ന് ഏകദേശം 575 കിലോമീറ്റർ അകല പ്രകൃതി അണിയിച്ചൊരുക്കിയ മനോഹരഭൂമിയാണ് ധരംശാല. ഹിമാചൽ പ്രദേശിലെ കാംഗ്ര ജില്ലയുടെ ആസ്‌ഥാനം.ടിബറ്റന്‍ ബുദ്ധിസ്റ്റുകള്‍ കൂടുതല്‍ താമസിക്കുന്ന പ്രദേശമാണിത്. ദേവദാരു വൃക്ഷങ്ങൾ തിങ്ങിനിറഞ്ഞുനിൽക്കുന്ന ഈ പ്രദേശത്ത് ബുദ്ധന്റെ അവതാരമാണെന്നു വിശ്വസിക്കപ്പെടുന്ന അവലോകിതേശ്വരന്റെ ക്ഷേത്രം സ്ഥിതിചെയ്യുന്നു. ദേവദാരു വൃക്ഷങ്ങൾക്കു മരണമില്ല. ദൈവികാംശമാണ് അവയുടെ അമരത്വത്തിനു കാരണമത്രേ. 

ടിബറ്റൻ ജനതയുടെ വിശ്വാസമനുസരിച്ചു പാവനസ്‌നേഹത്തിന്റെ ദൈവമാണ് അവലോകിതേശ്വരൻ.കാരുണ്യത്തിന്റെ മൂർത്തിമദ്ഭാവമായ അവലോകിതേശ്വരൻ ലോകേശ്വരൻ, ലോകനാർ ഈശ്വരൻ എന്നൊക്കെ അറിയപ്പെടുന്നു .  അവലോകിതേശ്വരനെ സ്‌തുതിക്കുന്ന ആയിരക്കണക്കിനു മന്ത്രങ്ങളുണ്ട്. അവയെല്ലാം പിച്ചളത്തകിടുകളിലെഴുതി ഈ ക്ഷേത്രത്തിനു ചുറ്റും തൂക്കിയിട്ടിരിക്കുന്നു. ആ തകിടുകൾ കറക്കുന്നത് മന്ത്രങ്ങൾ ചൊല്ലുന്നതിനു സമമെന്ന് ഇവിടെയുള്ളവർ വിശ്വസിക്കുന്നു. ഇന്ത്യയിൽ പുരുഷരൂപത്തിലും ചൈനയിൽ സ്ത്രീരൂപത്തിലുമാണ് അവലോകിതേശ്വരനെ ആരാധിക്കുന്നത്. റ്റിബറ്റിൽ അവലോകിതേശ്വരൻ ചെന്രെസിഗ് എന്നും  അറിയപ്പെടുന്നു.

ഇതിനടുത്തുള്ള  നഡ്ഡി പോയിന്റിൽ നിന്നു താഴേക്കു വരുമ്പോൾ നാലു പർവതങ്ങൾക്കുനടുവിലായി  ജലസമൃദ്ധിമായ ദാൽ തടാകം സ്ഥിതിചെയ്യുന്നു . ചുറ്റുമുള്ള ദേവദാരു മരങ്ങൾ തടാകത്തിലെ ജലത്തിന് ഔഷധശക്‌തി പകരുമെന്നു വിശ്വാസം. കടുത്ത വേനലിലും ഇവിടെ വെള്ളം വറ്റില്ല. കൊടുംശൈത്യത്തിലാകട്ടെ, വെള്ളം തണുത്തുറഞ്ഞു മഞ്ഞുമൈതാനം പോലെയാകുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.