sections
MORE

പുതുവർഷത്തിൽ സർവസൗഭാഗ്യങ്ങൾ; കൂടെ കൂട്ടാം ഈ നിറങ്ങൾ

488390710
SHARE

നിറങ്ങൾ ജീവിതത്തിന് ഉണർവേകുന്ന ഒന്നാണ് .ഓരോരുത്തർക്കും ഓരോ ഇഷ്ടനിറങ്ങൾ ഉണ്ടാവും. സൂര്യരാശിപ്രകാരം ചില നിറങ്ങൾ ചില രാശിക്കാർക്ക് ഭാഗ്യം നൽകുന്നവയാണ് , ചില നിറങ്ങൾ മറിച്ചും. വിശേഷാവസരങ്ങൾ , ഇന്റർവ്യൂ , മത്സരപരീക്ഷ  എന്നീ  സമയങ്ങളിൽ ഈ ഭാഗ്യനിറങ്ങളെ കൂട്ട് പിടിക്കുന്നത് ഉത്തമമാണ്. ഭാഗ്യനിറത്തിലുള്ള വസ്ത്രം ധരിക്കണമെന്നില്ല , അതേനിറത്തിലുള്ള ആഭരണമോ , പേഴ്‌സോ , തൂവാലയോ കയ്യിൽ കരുതിയാലും മതി. പുതുവർഷത്തിൽ സൂര്യരാശിപ്രകാരം ഓരോരുത്തര്‍ക്കും ജീവിതത്തില്‍ ഏതൊക്കെ  നിറങ്ങളാണ് ചേരുക എന്ന് നോക്കാം.

മേടം രാശി -Aries (ജന്മദിനം മാർച്ച് 22 മുതൽ ഏപ്രിൽ 20 വരെയുള്ളവർ)

ചൊവ്വയോട് ആധിപത്യമുള്ള രാശിയാണിത്. പുതുവർഷത്തിൽ ഏരീസ് രാശിക്കാരുടെ ഭാഗ്യനിറം സ്നേഹത്തിന്റെ പ്രതീകമായ പിങ്കാണ്‌. കൂടാതെ വിശുദ്ധിയുടെയും ഊർജത്തിന്റെയും നിറമായ ചുമപ്പും ഈ രാശിക്കാർക്ക് ഭാഗ്യം നൽകും. കഴിവതും ഇരുണ്ട നിറങ്ങളായ ബ്രൗൺ, കറുപ്പ് എന്നിവ ഒഴിവാക്കുക.

ഇടവം രാശി - Taurus (ജന്മദിനം ഏപ്രിൽ 21 മുതൽ മേയ് 21 വരെയുള്ളവർ)

ശുക്രനു ആധിപത്യമുള്ള രാശിക്കാരാണിവർ. പച്ച നിറമാണ് ഈ വർഷത്തെ ഭാഗ്യനിറം.  മരതക പച്ചയാണ് കൂടുതൽ ഭാഗ്യദായകം. മഞ്ഞ നിറം ഒഴിവാക്കാം. 

മിഥുനം രാശി - Gemini (ജന്മദിനം മേയ് 22 മുതൽ ജൂൺ 21 വരെയുള്ളവർ)

ബുധന് ആധിപത്യമുള്ള രാശിക്കാരാണ് ഇക്കൂട്ടർ. നീല നിറം ഈ വർഷം നിങ്ങൾക്ക് സർവസൗഭാഗ്യങ്ങളും നൽകും. ഇളം നീല ,പച്ച കലർന്ന നീല എന്നിവയും ഭാഗ്യദായകങ്ങളാണ്.

കർക്കടകം രാശി - Cancer (ജന്മദിനം ജൂൺ 22 മുതൽ ജൂലൈ 23 വരെയുള്ളവർ)

ചുവപ്പു നിറമാണ് ഈ രാശിക്കാരുടെ ഭാഗ്യനിറം. ഓറഞ്ച്, പച്ച എന്നിവ ഒഴിവാക്കാം. 

ചിങ്ങം രാശി - Leo (ജന്മദിനം ജൂലൈ 24 മുതൽ ഓഗസ്‌റ്റ് 23 വരെയുള്ളവർ)

സൂര്യദേവന് ആധിപത്യമുള്ള രാശിക്കാരാണ് ഇക്കൂട്ടർ. പുതുവർഷത്തിൽ മഞ്ഞ നിറമാണ് ഇക്കൂട്ടർക്ക് ഭാഗ്യദായകം. കൂടാതെ കടും നിറങ്ങളായ ചുവപ്പ്, പച്ച എന്നിവയും നന്ന്. 

കന്നി രാശി - Virgo (ജന്മദിനം ഓഗസ്‌റ്റ് 24 മുതൽ സെപ്‌റ്റംബർ 23 വരെയുള്ളവർ)

ഇക്കൂട്ടരുടെ അധിപൻ ഭൂമിയാണ്. പർപ്പിൾ നിറമാണ് നിങ്ങളുടെ ഈ വർഷത്തെ ഭാഗ്യനിറം. വയലറ്റ്, വൈൻ റെഡ്, മജന്ത എന്നീ നിറങ്ങളും നന്ന്. പച്ച, കറുപ്പ് എന്നീ നിറങ്ങൾ ഒഴിവാക്കാം. 

തുലാം രാശി - Libra (ജന്മദിനം സെപ്‌റ്റംബർ 24 മുതൽ ഒക്‌ടോബർ 23 വരെയുള്ളവർ)

ശുക്രനാണ് ഈ രാശിക്കാരുടെ അധിപതി. നേവി ബ്ലൂ ആണ് ഇക്കൂട്ടരുടെ ഭാഗ്യ നിറം. പച്ച ,പിങ്ക് , മെറൂൺ തുടങ്ങിയ നിറങ്ങളും നന്ന്. ഓറഞ്ച്, മഞ്ഞ ഒഴിവാക്കാം.

വൃശ്ചികം രാശി -Scorpio (ജന്മദിനം ഒക്‌ടോബർ 24 മുതൽ നവംബർ 22 വരെയുള്ളവർ)

ഈ രാശിക്കാരുടെ അധിപതി ചൊവ്വയാണ്. കറുപ്പാണ്  ഭാഗ്യ നിറം. മഞ്ഞ, പച്ച നിറങ്ങൾ ഒഴിവാക്കാം. 

ധനു രാശി - Sagittarius (ജന്മദിനം നവംബർ 23 മുതൽ ഡിസംബർ 22 വരെയുള്ളവർ)

പച്ച നിറമാണ് ഇക്കൂട്ടരുടെ ഭാഗ്യനിറം. മഞ്ഞ, നീല ഒഴിവാക്കാം.

മകരം രാശി - Capricorn (ജന്മദിനം ഡിസംബർ 23 മുതൽ ജനുവരി 20 വരെയുള്ളവർ)

ശനിയാണ് ഈ രാശിക്കാരുടെ അധിപൻ. ഇളം നീലയും വെളുപ്പുമാണ് ഭാഗ്യ നിറങ്ങൾ. 

കുംഭം രാശി- aquarius (ജന്മദിനം ജനുവരി 21 മുതൽ ഫെബ്രുവരി 19 വരെയുള്ളവർ)

ഓറഞ്ച് നിറമാണ് ഇക്കൂട്ടരുടെ ഭാഗ്യ നിറം. ചുവപ്പ് ഒഴിവാക്കാം. 

മീനം രാശി- pisces -പീസസ് (ജന്മദിനം ഫെബ്രുവരി 20 മുതൽ മാർച്ച് 21 വരെയുള്ളവർ)

മഞ്ഞ ,പച്ച എന്നീ നിറങ്ങളാണ് പുതുവർഷത്തിൽ ഇക്കൂട്ടർക്ക് ഭാഗ്യദായകങ്ങളായ നിറങ്ങൾ. ചാരനിറം, ബ്രൗൺ ഒഴിവാക്കാം. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN ASTRO NEWS
SHOW MORE
FROM ONMANORAMA