ഓരോ നക്ഷത്രക്കാരും അനുഷ്ഠിക്കേണ്ട ദോഷപരിഹാരങ്ങൾ (മാർച്ച്10 - 16 )

മാർച്ച്  10 ഞായർ 

അനിഴം, തൃക്കേട്ട , അത്തം, ഉത്രട്ടാതി, ചതയം, തിരുവോണം നാളു കാർക്ക് ദിനം പ്രതികൂലം. മംഗളകർമങ്ങൾ അനുഷ്ഠിക്കുന്നതിനുള്ള ശുഭബന്ധം ദിവസത്തിനില്ല. 

ദിവസ ഗുണവർധനയ്ക്ക് ശിവ ഭജനം നടത്തുക. കാല ദോഷമുള്ളവർക്കുള്ള ഒരു ധ്യാനം ചേർക്കുന്നു 

.ഭക്തിയോടെ 7 തവണ ഭഗവാന്റെ ചിത്രത്തിന് മുൻപിൽ നിന്ന് മനസ്സ് അർപ്പിച്ച് ജപിക്കുക .

ധ്യാനം 

ശൂല പരശ്വധ മാലാ-

വേദം ചതുർ ബാഹുമീശമസിത തനും

അഖിലവിഭൂഷണ ഭൂഷം 

വന്ദേ വൃന്ദാര വന്ദിതം ദേവം 

ലാൽ കിതാബ് നിർദ്ദേശം : ചുവന്ന തുണിയിൽ പൊതിഞ്ഞ മൂന്ന് നാണയങ്ങൾ ഭവനത്തിൽ / ഓഫീസിൽ പകൽ സൂക്ഷിക്കുക.  

ദിവസത്തിന് ചേർന്ന നിറം ചുവപ്പ് , കാഷായ നിറം. പ്രതികൂല നിറം : കറുപ്പ്

 ജനനസമയത്ത് സൂര്യന് നീചം , മൗഢ്യം , ദുർബ്ബല ക്ഷേത്ര സ്ഥിതി എന്നിവയുള്ളവർ, സൂര്യന്റെ ദശാപഹാര ഛിദ്രങ്ങളിൽ കഴിയുന്നവർ , പിതൃ ദോഷമുള്ളവർ , അഹിതമായ ഭക്ഷണ രീതി അവലംബിച്ചവർ , മൃഗഹത്യാ പാപമുള്ളവർ ,മദ്യപാനത്താൽ വിഷമിക്കുന്നവർ മേടം, തുലാം ഇവ ജനന ലഗ്നമോ ജന്മ രാശിയോ ആയിട്ടുള്ളവർ ഇവർക്ക് ജപിക്കുവാൻ സൂര്യന്റെ സ്തോത്രംചേർക്കുന്നു . ഉദിച്ച് ഒരു മണിക്കൂറിനുള്ളിൽ (സൂര്യ ഹോരയിൽ) ഭക്തിയോടെ ജപിക്കുക .

ജപാകുസുമസങ്കാശം കാശ്യപേയം മഹാദ്യുതിം

തമോരീം സർവ്വപാപഘ്നം പ്രണതോസ്മി ദിവാകരം

മാർച്ച്  11  തിങ്കൾ 

അനിഴം, തൃക്കേട്ട, അത്തം രേവതി, പൂരുരുട്ടാതി, അവിട്ടം  നാളുകാർക്ക് ദിനം പ്രതികൂലമാണ്. മംഗളകർമങ്ങൾ അനുഷ്ഠിക്കുന്നതിനുള്ള ശുഭ ബന്ധം ദിവസത്തിനില്ല . 

ദിവസ ഗുണവർധനയ്ക്ക് പാർവതീ സമേതനായ ശിവനെ ഭജിക്കുക ഒരു ധ്യാനം ചേർക്കുന്നു :

മൂലേകല്പ്പദ്രുമസ്യ ദ്രുതകനകനിഭം

ചാരുപദ്മാസനസ്ഥം

വാമാങ്കാരൂഢഗൌരീ നിബിഢഭോഗ

ഗാഢോപഗൂഢം 

സർവ്വാലങ്കാരകാന്തം വരപരശു

മൃഗാഭീതിബാഹും ത്രിനേത്രം

വന്ദേബാലേന്ദുമൌലിം ഗുഹ ഗജവദനാഭ്യാ-

മുപാശ്ലിഷ്ട പാർശ്വം

ലാൽ കിതാബ് നിർദ്ദേശം അനുസരിച്ചു ചന്ദനത്തൈലത്തിൽ മുക്കിയ ചെറിയ തുണി പ്രധാന വാതിലിനു മുകളിൽ വെയ്ക്കുന്നതും തൈര് ചേർത്ത പ്രഭാത ഭക്ഷണം കഴിക്കുന്നതും ദിവസ ദോഷം കുറയ്ക്കും

ദിവസത്തിന് ചേർന്ന നിറം വെളുപ്പ് ക്രീം ,  പ്രതികൂല നിറം : കറുപ്പ്

 ജനനസമയത്ത് ചന്ദ്രന് നീചം , മൗഢ്യം , ദുർബ്ബല ക്ഷേത്ര സ്ഥിതി എന്നിവയുള്ളവർ, ചന്ദ്രന്റെ ദശാപഹാര ഛിദ്രങ്ങളിൽ കഴിയുന്നവർ , മാതൃ ദോഷമുള്ളവർ , കടുത്ത മദ്യ പാനികൾ , ദീർഘകാല ഔഷധസേവ ആവശ്യമായി വന്നവർ കർക്കിടകം, മീനം , വൃശ്ചികം ഇവ ജനന ലഗ്നമോ ജന്മ രാശിയോ ആയിട്ടുള്ളവർ ഇവർക്ക് ജപിക്കുവാൻ ചന്ദ്രന്റെ സ്തോത്രംചേർക്കുന്നു . ഉദിച്ച് ഒരു മണിക്കൂറിനുള്ളിൽ (ചന്ദ്ര ഹോരയിൽ) ഭക്തിയോടെ ജപിക്കുക .

ദധിശംഖതുഷാരാഭം ക്ഷീരോദാർണവ സംഭവം

നമാമി ശശിനം സോമം ശംഭോർമ്മകുടഭൂഷണം

മാർച്ച് 12  ചൊവ്വ

വിശാഖം, ചോതി, ഭരണി, രേവതി, പൂരുരുട്ടാതി മൂലം, പൂരാടം നാളുകാർക്ക് ദിനം പ്രതികൂലമാണ്.മംഗളകർമങ്ങൾ അനുഷ്ഠിക്കുന്നതിനുള്ള ശുഭ ബന്ധം ദിവസത്തിനില്ല . 

ദിവസ ദോഷ  ശമനത്തിനും ഗുണവർധനവിനുമായി  സുബ്രമണ്യ ഭജനം നടത്തുക . ഒരു ശ്ലോകം താഴെ ചേർക്കുന്നു 

നിജാനന്ദ രൂപം നിർമ്മല ഗുണവികാസം 

ഗജാനുജം കാർത്തികേയം ഗുഹം 

പ്രജാപതിം പാർവതി പ്രാണപുത്രം 

ഭജേസദാ ഷണ്മുഖ പാദപങ്കജം

ലാൽ കിതാബ് നിർദ്ദേശം :  ചെറിയ ചെമ്പ് തളികയിൽ കുങ്കുമെടുത്ത് പ്രദാന മുറിയിൽ സൂക്ഷിക്കുക 

ദിവസത്തിന് ചേർന്ന നിറം കാഷായ നിറം  , ഓറഞ്ച്   പ്രതികൂല നിറം : കറുപ്പ്

ജനനസമയത്ത് ചൊവ്വയ്ക്ക് നീചം , മൗഢ്യം , ദുർബ്ബല ക്ഷേത്ര സ്ഥിതി എന്നിവയുള്ളവർ, ചൊവ്വയുടെ ദശാപഹാര ഛിദ്രങ്ങളിൽ കഴിയുന്നവർ , ഭ്രാതൃ (സഹോദര) ദോഷമുള്ളവർ , വിഷാദ രോഗികൾ , പ്രായം കഴിഞ്ഞിട്ടും വിവാഹംനടക്കാത്തവർ , കടബാദ്ധ്യതയുള്ളവർ , മേടം , വൃശ്ചികം , ധനു , കർക്കിടകം ഇവ ജനന ലഗ്നമോ ജന്മ രാശിയോ ആയിട്ടുള്ളവർ ഇവർക്ക് ജപിക്കുവാൻ കുജന്റെ സ്തോത്രംചേർക്കുന്നു. ഉദിച്ച് ഒരു മണിക്കൂറിനുള്ളിൽ (കുജ ഹോരയിൽ) ഭക്തിയോടെ ജപിക്കുക .

ധരണീഗർഭസംഭൂതം വിദ്യുത് കാന്തിസമപ്രഭം

കുമാരം ശക്തിഹസ്തം തം മംഗളം പ്രണമാമ്യഹം

മാർച്ച്  13 ബുധൻ 

ചോതി, വിശാഖം , ഭരണി, രേവതി, പൂരുരുട്ടാതി നാളുകാർക്ക് ദിനം പ്രതികൂലമാണ്. മംഗളകർമങ്ങൾ അനുഷ്ഠിക്കുന്നതിനുള്ള ശുഭ ബന്ധം ദിവസത്തിനില്ല . 

ദിവസ ദോഷ ശാന്തിക്ക് ശ്രീകൃഷ്ണ ഭജനം നടത്തുക ശ്രീ നാരദ മഹർഷി ഉപദേശിച്ചത് എന്ന് കരുതപ്പെടുന്ന കലികാല മഹാ മന്ത്രം ദോഷ ശമനത്തിനായി ജപിക്കാം . 

ഗോപാല രത്‌നം ഭുവനൈക രത്‌നം 

ഗോപാംഗനാ യൗവന ഭാഗ്യരത്‌നം 

ശ്രീകൃഷ്ണ രത്‌നം സുരസേവ്യ രത്‌നം 

വന്ദാമഹേ യാദവ വംശരത്‌നം

ദിവസത്തിന് ചേർന്ന ഒരു ലാൽകിതാബ് നിർദ്ദേശം  : ചറുപയർ പുഴുങ്ങി ശർക്കര ചേർത്തത് വൃദ്ധർ , ശിശുക്കൾ , നാൽക്കാലികൾ പക്ഷികൾ മത്സ്യങ്ങൾ ഇവർക്ക് നൽകിയ ശേഷം സ്വയം ഭക്ഷിക്കുക

ദിവസത്തിന് ചേർന്ന നിറം:  പച്ച  പ്രതികൂല നിറം : ചുവപ്പ്.

 ജനനസമയത്ത് ബുധന് നീചം , മൗഢ്യം , ദുർബ്ബല ക്ഷേത്ര സ്ഥിതി എന്നിവയുള്ളവർ, വിദ്യാർഥികൾക്ക് അലസത മാറൽ തുടങ്ങിയവയ്ക്ക് ജപിക്കുവാൻ ബുധന്റെ സ്തോത്രംചേർക്കുന്നു . ഉദിച്ച് ഒരു മണിക്കൂറിനുള്ളിൽ ( ബുധ ഹോരയിൽ) ഭക്തിയോടെ ജപിക്കുക . 

പ്രിയംഗുകലികാശ്യാമം രൂപേണാപ്രതിമം ബുധം

സൗമ്യം സൗമ്യഗുണോപേതം തം ബുധം പ്രണമാമ്യഹം

മാർച്ച്  14  വ്യാഴം 

മകയിരം, ചിത്തിര, അവിട്ടം കാർത്തിക, അശ്വതി, ഉത്രട്ടാതി  നാളുകാർക്ക് ദിനം പ്രതികൂലമാണ്. മംഗളകർമങ്ങൾ അനുഷ്ഠിക്കുന്നതിനുള്ള ശുഭ ബന്ധം ദിവസത്തിനില്ല . 

ദിവസഗുണ വർധനവിനും ദോഷശാന്തിക്കുമായി മഹാവിഷ്ണുവിനെ ധന്വന്തരീ ഭാവത്തിൽ ഭജിക്കുക. 

: സാധിക്കുന്നവർ മഹാവിഷ്ണു  ക്ഷേത്ര ദർശനം നടത്തി വഴിപാടുകൾ യഥാശക്തി നടത്തിയതിനു ശേഷം  പാൽപ്പായസ നിവേദ്യത്തോടെ പുരുഷസൂക്ത പുഷ്‌പാഞ്‌ജലി നടത്തിക്കുക. ഒരു ധ്യാനം ചേർക്കുന്നു 

കിരീട ഹാര കടക -

ശ്രേണീ ശ്വേതാംബരോപേതം 

ധൃതദര ചക്രജളൂകം 

കലശയുതം ഭിഷക്തമം വന്ദേ !

ദിവസത്തിന് ചേർന്ന ലാൽ-കിതാബ് നിർദ്ദേശം : സാധിക്കുന്നവർ നാൽക്കാലികൾക്ക് മധുരം തളിച്ച പുല്ല് നൽകുക. പാൽ അടങ്ങിയ ഭക്ഷണം കഴിക്കാതെയിരിക്കുക.

ദിവസത്തിന് ചേർന്ന നിറം: മഞ്ഞ, ക്രീം പ്രതികൂല നിറം : കറുപ്പ്, കടുംനീല 

ജനനസമയത്ത് വ്യാഴത്തിന് നീചം , മൗഢ്യം , ദുർബ്ബല ക്ഷേത്ര സ്ഥിതി എന്നിവയുള്ളവർ, വലിയ സാമ്പത്തിക ബാദ്ധ്യതയുള്ളവർ ,എത്ര ശ്രമിച്ചിട്ടും കടബാദ്ധ്യത തീരാതെ വിഷമിക്കുന്നവർ തുടങ്ങിയവയ്ക്ക് ജപിക്കുവാൻ വ്യാഴസ്തോത്രംചേർക്കുന്നു . ഉദിച്ച് ഒരു മണിക്കൂറിനുള്ളിൽ (വ്യാഴ ഹോരയിൽ) ഭക്തിയോടെ ജപിക്കുക .

ദേവാനാം ച:  ഋഷീണാം ച:  ഗുരും കാഞ്ചനസന്നിഭം

ബുദ്ധിഭൂതം ത്രിലോകേശം തം നമാമി ബൃഹസ്പതിം

മാർച്ച്   16 വെള്ളി 

തിരുവോണം, രോഹിണി, ഭരണി, രേവതി, അനിഴം, തൃക്കേട്ട നാളുകാർക്ക് ദിനം പ്രതികൂലമാണ്. മംഗളകർമങ്ങൾ അനുഷ്ഠിക്കുന്നതിനുള്ള ശുഭ ബന്ധം ദിവസത്തിനില്ല . 

ദിവസഗുണ വർധനയ്ക്ക് ശക്തി ഗണപതി ഭജനം അത്യുത്തമാണ്. സാധിക്കുന്നവർ ക്ഷേത്രത്തിൽ ഗണപതിഹോമം നടത്തിച്ച് പ്രാർഥിക്കുക  . ശക്തിഗണപതിയുടെ ഒരു ധ്യാനം ചേർക്കുന്നു. 

ആലിംഗ്യ ദേവീം ഹരിതാങ്കയഷ്ടിം 

പരസ്പരാശ്ലിഷ്ട കടിപ്രദേശം 

സന്ധ്യാരുണം പാശശ്രുണിം വഹന്തം 

ഭയാപഹം ശക്തി ഗണേശമീഡേ 

ദിവസത്തിന് ചേർന്ന ലാൽ-കിതാബ് നിർദ്ദേശം : സൂചി ഗോതമ്പിന്റെ ഭക്ഷണം കഴിക്കുക. ചന്ദനം അരച്ച് കഴുത്തിന്റെ മുൻപിലും പിൻപിലും ധരിക്കുക. 

ദിവസത്തിന് ചേർന്ന നിറം: ചാരനിറം, വെളുപ്പ്. പ്രതികൂല നിറം ചുവപ്പ് . 

.ഇന്ന് വെള്ളിയാഴ്ച ജനനസമയത്ത് ശുക്രന്    നീചം , മൗഢ്യം , ദുർബ്ബല ക്ഷേത്ര സ്ഥിതി എന്നിവയുള്ളവർ,   വലിയ സാമ്പത്തിക ബാദ്ധ്യത യുള്ളവർ ,എത്ര ശ്രമിച്ചിട്ടും വിവാഹം നടക്കാത്തവർ , കലാപരമായി ഉന്നതി ആഗ്രഹിക്കുന്നവർ , മൂത്രാശയ രോഗമുള്ളവർ   , അമിത പ്രമേഹമുള്ളവർ   തുടങ്ങിയവർക്ക്   ജപിക്കുവാൻ ശുക്രന്റെ സ്തോത്രംചേർക്കുന്നു . ഉദിച്ച്  ഒരു മണിക്കൂറിനുള്ളിൽ (ശുക്ര ഹോരയിൽ) ഭക്തിയോടെ  ജപിക്കുക .

ദൈത്യമന്ത്രീ വിശാലക്ഷാ  :

പ്രാണദശ്ച മഹാമതിഃ 

പ്രഭുസ്താരാ ഗ്രഹാണാം ച:

പീഢാം ഹരതു മേ ഭൃഗു

മാർച്ച് 16 ശനി

ഉത്രാടം, മകയിരം, കാർത്തിക, അശ്വതി, അനിഴം , തൃക്കേട്ട   നാളു കാർക്ക് ദിനം പ്രതികൂലം. മംഗളകർമങ്ങൾ അനുഷ്ഠിക്കുന്നതിനുള്ള ശുഭബന്ധമുള്ള ദിവസമാണ് 

ദിവസ ദോഷശാന്തിക്ക് ശബരിമല ശ്രീ ധർമ്മശാസ്താവിനെ ഭജിക്കുക . ഒരു അപൂർവ മലയാള ശ്ലോകം ചേർക്കുന്നു :

നീലപ്പട്ടു ധരിച്ചു , വൻപുലിയതിൻ 

കണ്ഠത്തിലേറി ശ്ശര -

ക്കോലും കാർമുകവും ഗ്രഹിച്ചു 

ശബരീ ശൈലത്തിൽ വാഴുംപ്രഭോ 

കാലക്കേടുകളിൽക്കിടന്നുഴലു-

മീയേഴയ്ക്കു തൃപ്പാദമാ -

ണാലംബം ഭുവനാധിനാഥാ , 

കൃപയാ ഭൂതേശാ പാലിക്കണേ

ദിവസത്തിന് ചേർന്ന ലാൽ -കിതാബ് നിർദ്ദേശം : ഭവനത്തിന്റെ / ഓഫീസിന്റെ മുൻമുറിയിൽ വെള്ളം നിറച്ച സ്ഫടികപ്പാത്രം വെയ്ക്കുക . ഈ പാത്രത്തിനടിയിൽ വെള്ളി നാണയം (ഒരു രൂപാ നാണയം) സൂക്ഷിക്കുകയും പിന്നീട് അത് ദാനം ചെയ്യുകയും വേണം

 .

ദിവസത്തിന് ചേർന്ന നിറം കറുപ്പ് , കടും നീലം

 ജനനസമയത്ത് ശനിക്ക് നീചം , മൗഢ്യം , ദുർബ്ബല ക്ഷേത്ര സ്ഥിതി എന്നിവയുള്ളവർ,   ശനിയുടെ ദശാപഹാര ഛിദ്രങ്ങളിൽ കഴിയുന്നവർ , കടുത്ത രോഗബാധയുള്ളവർ, നിരന്തരമായി കാര്യതടസമുള്ളവർ, വിവാഹം വൈകുന്നവർ തുടങ്ങിയവയ്ക്ക്  ജപിക്കുവാൻ ശനിയുടെ  സ്തോത്രംചേർക്കുന്നു . ഉദിച്ച്  ഒരു മണിക്കൂറിനുള്ളിൽ (ശനി ഹോരയിൽ) ഭക്തിയോടെ  ജപിക്കുക .

നീലാഞ്ജനസമാഭാസം രവിപുത്രം യമാഗ്രജം

ഛായാമാർത്താണ്ഡസംഭൂതം തം നമാമി ശനൈശ്ചരം