sections
MORE

അഭീഷ്ടകാര്യസിദ്ധിക്ക് അവതാരദർശനം

Lord-Krishna
SHARE

പത്തു ദിവസങ്ങളിലായി വിഷ്ണുക്ഷേത്രത്തിൽ നടക്കുന്ന പ്രധാന ചടങ്ങാണ് ദശാവതാരച്ചാർത്ത്.ക്ഷേത്രത്തിലെ മൂലബിബത്തിൽ ഓരോ ദിവസവും ചന്ദനത്താൽ ഭഗവാന്റെ പത്ത് അവതാരങ്ങളെയും ചിത്രീകരിക്കും. ഓരോ ദിവസത്തെ അവതാര ദർശനത്തിനു ഓരോ ഫലങ്ങളാണ് . കൂടാതെ ഓരോ വഴിപാടുകളുമാണ് സമർപ്പിക്കേണ്ടത്.


മത്സ്യാവതാരം


ഭഗവാന്റെ പത്തു അവതാരങ്ങളിൽ ആദ്യത്തേതാണ് മത്സ്യാവതാരം.    ബ്രഹ്‌മാവിൽ  നിന്ന്   വേദങ്ങളെ അപഹരിച്ച ഹയഗ്രീവൻ എന്ന അസുരനെ വധിച്ച് വേദങ്ങളെ  വീണ്ടെടുക്കുവാനും പ്രളയത്തിൽ അകപ്പെട്ട ഭൂമിയെ സംരക്ഷിക്കുവാനും വേണ്ടിയാണ്  ഭഗവാൻ  മത്സ്യരൂപം കൈക്കൊണ്ടത്. 

നിവേദ്യം : മലർ, കദളിപ്പഴം 
പുഷ്പങ്ങൾ : മന്ദാരം 
ദർശനഫലം : ഉദ്ദിഷ്ടകാര്യസിദ്ധി, ദുഃഖദുരിത ശാന്തി



കൂർമാവതാരം


പാലാഴി മഥന സമയത്ത് സമുദ്രത്തിലാണ്ടുപോയ മന്ദരപർവതത്തെ പൂർവസ്ഥിതിയിൽ എത്തിച്ചു മഥനം പൂർത്തീകരിക്കാനായാണ്  ഭഗവാൻ  ആമയായി അവതരിച്ചത് .   നന്മ – തിന്മകൾ വിവേചിക്കപ്പെട്ടത് പാലാഴിമഥനത്തിലൂടെയാണെന്നാണ് വിശ്വാസം.


നിവേദ്യം : ത്രിമധുരം

പുഷ്പങ്ങൾ : ചെത്തി 
ദർശനഫലം : കുടുംബഐശ്വര്യം, സർവ കാര്യസിദ്ധി



വരാഹാവതാരം 

അസുരനായ ഹിരണ്യാക്ഷനെ വധിക്കുവാനും ഭൂമിയെ വീണ്ടെടുക്കാനുമാണ് ഭഗവാൻ ഭീമാകാരനായ പന്നിയുടെ രൂപത്തിൽ  അവതരിച്ചത് . ഭഗവാന്റെ പത്ത് അവതാരങ്ങളിൽ ഏറ്റവും ശ്രേഷ്ഠമായ അവതാരമാണിത്.


നിവേദ്യം : അപ്പം 
പുഷ്പങ്ങൾ : തുളസി 
ദർശനഫലം : വിദ്യാവിജയം, സർവൈശ്വര്യം , ധനലാഭം 



നരസിംഹാവതാരം 

സാധുക്കളെ ഉപദ്രവിക്കുന്ന ഹിരണ്യകശിപുവിനെ നിഗ്രഹിക്കുവാനും  ഭക്തനായ  പ്രഹ്ലാദനെ സംരക്ഷിക്കുവാനുമാണ്  ഭഗവാൻ നരസിംഹാവതാരം കൈക്കൊണ്ടത്. ദുഷ്ടന്മാർക്കു മുന്നിൽ രൗദ്രമൂർത്തിയായും ഭക്തർക്ക്  മുന്നിൽ വാത്സല്യരൂപിയായും ഭഗവാൻ വിളങ്ങുന്നു. 

നിവേദ്യം : പാനകം 
പുഷ്പങ്ങൾ : ചെത്തി 
ദർശനഫലം : ആയുരാരോഗ്യം , രോഗശാന്തി 


വാമനാവതാരം 

ഭഗവാന്റെ അവതാരങ്ങളിൽ ആദ്യത്തെ മനുഷ്യരൂപം വാമനാവതാരമാണ് .'ശ്രാവണമാസത്തിലെ  ശുക്ലപക്ഷദ്വാദശിയില്‍ തിരുവോണം നക്ഷത്രത്തിലാണ്  ഭഗവാന്‍ അദിതിയുടേയും കശ്യപന്റെയും പുത്രനായി അവതാരം കൊണ്ടത്. 

നിവേദ്യം : ത്രിമധുരം.

പുഷ്പങ്ങൾ : ചെത്തി

ദർശനഫലം : വിനയം, വിജ്ഞാനം, കർമ്മനൈപുണ്യം 


പരശുരാമാവതാരം 

തപശ്ശക്തിയാൽ സമുദ്രത്തിൽ നിന്നും കേരളക്കരയെ സൃഷ്ടിച്ചത് മഹാവിഷ്ണുവിന്റെ അവതാരമായ പരശുരാമനാണ്. കൂടാതെ നൂറ്റെട്ട് ദുര്‍ഗ്ഗാലയങ്ങളും നൂറ്റെട്ട് ശിവാലയങ്ങളും പ്രതിഷ്ഠിച്ചത് അദ്ദേഹമാണ്.


നിവേദ്യം : അവിൽ 
പുഷ്പങ്ങൾ : രാമതുളസി 
ദർശനഫലം : കർമ്മകുശലത, പാപനാശം, മുക്തി



ശ്രീരാമാവതാരം 

ആദർശത്തിന്റെ മൂർത്തീ ഭാവമാണ് ശ്രീരാമാവതാരം. അസുരചക്രവർത്തിയായ രാവണനെ നിഗ്രഹിച്ചു ധർമ്മം പുനഃസ്ഥാപിക്കാനായാണ് ഭഗവാൻ ശ്രീരാമാവതാരം കൈക്കൊണ്ടത്. 
നിവേദ്യം : പാൽപ്പായസം 
പുഷ്പങ്ങൾ : മുല്ലപ്പൂവ് 
ദർശനഫലം : കുടുംബശാന്തി, സമാധാനം, വിവാഹലബ്ധി, ദാമ്പത്യവിജയം 


ബലരാമാവതാരം


ലക്ഷ്മണന് രാമനെന്നപോലെയാണ് കൃഷ്ണന് ബലരാമൻ . അതീവ ബലത്തോട് കൂടിയവനും ആകർഷകമായ രൂപത്തോടും കൂടിയവനായതിനാൽ  ബലഭദ്രൻ എന്ന നാമധേയത്തിലും അറിയപ്പെടുന്നു. 

നിവേദ്യം : ഇടിച്ചുപിഴിഞ്ഞ പായസം 
പുഷ്പങ്ങൾ : ശംഖുപുഷ്പം,തുളസി 
ദർശനഫലം : കർമ്മനൈപുണ്യം, കാര്യപ്രാപ്തി 



ശ്രീകൃഷ്ണാവതാരം


ഭഗവാന്റെ പൂർണാവതാരമാണിത് . സജ്ജനധര്‍മ്മപരിപാലനാര്‍ത്ഥമാണ് ശ്രീകൃഷ്ണഭഗവാന്‍  അവതരിച്ചതെന്നു ഭഗവദ്ഗീതയിൽ പറയുന്നുണ്ട്.


നിവേദ്യം : പാൽപ്പായസം, വെണ്ണ, കദളിപ്പഴം 
പുഷ്പങ്ങൾ : ശംഖുപുഷ്പം 
ദർശനഫലം : ദുഃഖനിവാരണം, അഭീഷ്ടസിദ്ധി 

കൽക്കി അവതാരം


കലിയുഗാന്ത്യത്തിൽ അധർമത്തെ ഇല്ലാതാക്കി ധർമ്മത്തെ സംരക്ഷിക്കാൻ  കുതിരപ്പുറത്ത് വാളുമായി ദുഷ്ട നിഗ്രഹത്തിനായി അവതരിക്കുന്ന ഭഗവാന്റെ ഈ അവതാരം ദർശിക്കുന്നത് പുണ്യമാണ് . 

നിവേദ്യം :വെണ്ണ, കദളിപ്പഴം 
പുഷ്പങ്ങൾ : ചെത്തി, തുളസി 
ദർശനഫലം : സമ്പത്സമൃദ്ധി 


വിശ്വരൂപദർശനം 

സകല ചരാചരങ്ങളിലും  കൂടികൊള്ളുന്നതു ഭഗവാനാണെന്ന തത്വമാണ് വിശ്വരൂപദർശനത്തിലൂടെ നമുക്ക് കാട്ടിത്തരുന്നത്. 

നിവേദ്യം : പാൽപ്പായസം, തേൻ 
പുഷ്പങ്ങൾ : ചെത്തി, തുളസി, താമരമൊട്ട് 
ദർശനഫലം : സർവമംഗളം  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN ASTRO NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA