സാമ്പത്തിക പ്രശ്നങ്ങൾ അലട്ടുന്നുണ്ടോ? ഫലപ്രാപ്തി നൽകും ഈ മന്ത്രം

സ്ഥിരമായി സാമ്പത്തിക വിഷമം അനുഭവിക്കുന്നവർ ലക്ഷ്മീ പ്രീതി വരുത്തിയാൽ ഉറപ്പായും ദോഷശമനം കൈവരിക്കുവാൻ സാധിക്കും. മുജ്ജന്മകൃത കർമ്മങ്ങളുടെ സഞ്ചിതമായ   തുകയാണ് ദാരിദ്ര്യ ദുഃഖത്തിന്റെ  ഒരു കാരണം .  ഇങ്ങനെയുള്ളവരുടെ  ഇഡ- പിംഗള  നാഡികൾ ഋണ ശക്തിയാൽ (negative forces) ബന്ധിതമായിരിക്കും. ചെയ്യുന്ന പ്രവർത്തനങ്ങൾ   എല്ലാം പരാജയപ്പെടുക , പ്രവൃത്തികളിലുള്ള ആത്മവിശ്വാസം നഷ്ടപ്പെടുക, അതിൽ നിന്നുള്ള ഒളിച്ചോട്ടം  എന്ന നിലയിൽ ലഹരിവസ്തുക്കൾക്കടിമപ്പെടുക ,   ക്രമേണ നിത്യ ദാരിദ്ര്യത്താൽ നശിക്കുക ഇവയൊക്കെയായിരിക്കും ഫലങ്ങൾ. ഈ   സ്ഥിതിയിൽ നിന്ന് ഇഡ- പിംഗള നാഡികളെ  ശുദ്ധമാക്കി ഋണ മോചനം സാദ്ധ്യമാക്കുന്നതിന് (to increase  positive  energy )  ഉപാസിക്കേണ്ട മൂർത്തിയാണ് മഹാലക്ഷ്‌മി . മഹാലക്ഷ്മിയുടെ നിരവധി മന്ത്രങ്ങളിൽ നിന്ന് ക്ഷിപ്രഫല പ്രാപ്തിനൽകുന്ന ഒരു  മന്ത്രമാണിവിടെ ചേർക്കുന്നത്. കഴിയുന്നത്ര മന:ശരീര ,  ഭക്ഷണ ശുദ്ധിയോടെ ജപിക്കുക ഉപാസനയായിത്തന്നെ കണക്കാക്കി ( ഉപാസന എന്നാൽ അടുത്തിരിക്കുക എന്നർഥം )    മഹാലക്ഷ്മിയെ ഭജിക്കുക 

മൂന്ന് നാഴികയാണ് ( 72 മിനിറ്റ് ) ജപദൈർഘ്യം പറഞ്ഞിരിക്കുന്നത് . ശ്രദ്ധയോടെ എത്ര കൂടുതൽ ജപിക്കുന്നുവോ അത്രയും നന്ന് . ജപാവസാനം വെളുത്ത പുഷ്പം ജലം കൂട്ടി നിലവിളക്കിന്റെ ചുവട്ടിൽ  അർപ്പിക്കുക . 

ശ്രീ മഹാലക്ഷ്മീ മന്ത്രം 

ശ്രീം ഓം നമോ ഭഗവതീ 

സർവ സൌഭാഗ്യ ദായിനീം 

ശ്രീം ശ്രീവിദ്യൈ മഹാ വിഭൂത്യൈ  സ്വാഹാ

ഐം ശ്രീം ഹ്രീം ക്ലീം മഹാലക്ഷ്മ്യൈ നമ: 

ഏകദേശം 41 ദിവസത്തെ ജപം കൊണ്ട് സാമ്പത്തിക പുരോഗതി കൈവരിക്കുന്നത് അനുഭവിക്കാം. സ്ത്രീകൾ മാസമുറക്കാലം  ഒഴിവാക്കി ജപിക്കുവാൻ ശ്രദ്ധിക്കുക.  ഉചിതമായി തോന്നുന്നവർക്ക് പരീക്ഷിച്ച്  നന്മയിലേക്ക് മുന്നേറാം.

ലേഖകൻ  

വി. സജീവ് ശാസ്‌താരം 

പെരുന്ന , ചങ്ങനാശേരി 

Ph: 9656377700