ഈ ആഴ്ച ഓരോ നക്ഷത്രക്കാരും അനുഷ്ഠിക്കേണ്ട ദോഷപരിഹാരങ്ങൾ

ആഴ്ചയിലെ ഓരോ ദിനവും ഓരോ നക്ഷത്രക്കാർക്ക്‌ പ്രതികൂലമായിരിക്കും . ദിവസ ഗുണവർധനവിനും അനുകൂല ഫലത്തിനും ദോഷപരിഹാരങ്ങൾ അനുഷ്ഠിക്കുന്നത് ഉത്തമമാണ്.

ഒക്ടോബർ 06, ഞായർ

പകൽ 03.03 വരെ പൂരാടം. തുടർന്ന് ഉത്രാടം. ഒപ്പം പകൽ 10.57 വരെ ശുക്ലപക്ഷ അഷ്ടമി. മാസത്തിലെ ഉത്രാടം, ശുക്ലപക്ഷ നവമി ശ്രാദ്ധം, പൂരാടം പിറന്നാൾ എന്നിവ ആചരിക്കേണ്ടത് ഇന്നാണ്. പുതിയ പ്രവർത്തനങ്ങൾ ആരംഭിക്കുന്നതിനുള്ള ശുഭ ബന്ധമുള്ള ദിവസമല്ല. സൽസന്താന യോഗമുള്ള ദിവസമല്ല. സാധിച്ചാൽ സിസേറിയൻ പ്രസവങ്ങൾ ഒഴിവാക്കുക. പകൽ 03.03 വരെ പിണ്ഡനൂൽ ദോഷമുള്ളതിനാൽ അതുവരെ സംഭവിക്കുന്ന മരണങ്ങൾക്കു യഥാവിധി പരിഹാരം വേണ്ടിവരും. പൂയം, മൂലം, തൃക്കേട്ട, വിശാഖം, ചിത്തിര നാളുകാർക്ക് ദിനം പ്രതികൂലം. ദിവസ ഗുണവർധനയ്ക്ക് ദുർഗ്ഗാഭജനം നടത്തുക. ഒരു സ്തുതി ചേർക്കുന്നു:

ഓം നമോഽസ്തുതേ!

അഭയേ, അനഘേ, അജിതേ, അമിതേ, അമൃതേ, അപരേ,

അപരാജിതേ, പഠതി, സിദ്ധേ ജയതി സിദ്ധേ,

സ്മരതി സിദ്ധേ, ഏകോനാശീതിതമേ, ഏകാകിനി, നിശ്ചേതസി,

സുദ്രുമേ, സുഗന്ധേ, ഏകാന്നശേ, ഉമേ ധ്രുവേ, അരുന്ധതി,

ഗായത്രി, സാവിത്രി, ജാതവേദസി, മാനസ്തോകേ, സരസ്വതി,

ധരണി, ധാരണി, സൌദാമനി, അദിതി, ദിതി, വിനതേ,

ഗൌരി, ഗാന്ധാരി, മാതംഗീ, കൃഷ്ണേ, യശോദേ, സത്യവാദിനി,

ബ്രഹ്മവാദിനി, കാലി, കപാലിനി, കരാളനേത്രേ, ഭദ്രേ, നിദ്രേ,

സത്യോപയാചനകരി, സ്ഥലഗതം ജലഗതം അന്തരിക്ഷഗതം

വാ മാം രക്ഷ സര്‍വോപദ്രവേഭ്യഃ സ്വാഹാ

എന്ന സ്തുതി ജപിച്ച് നമസ്കരിക്കുക. ലാകിതാബ് പരിഹാരം: പ്രധാന വാതിലിനു വെളിയിൽ അരച്ച ചന്ദനം പരന്ന പാത്രത്തിൽ സൂക്ഷിക്കുക. ദിവസത്തിന് ചേർന്ന നിറം: ചുവപ്പ്, കാഷായ നിറം, ഓറഞ്ച്. പ്രതികൂല നിറം: കറുപ്പ്, നീല.

ജനനസമയത്ത് സൂര്യന് നീചം, മൗഢ്യം, ദുർബല ക്ഷേത്രസ്ഥിതി എന്നിവയുള്ളവർ, സൂര്യന്റെ ദശാപഹാര ഛിദ്രങ്ങളിൽ കഴിയുന്നവർ, പിതൃദോഷമുള്ളവർ, അഹിതമായ ഭക്ഷണ രീതി അവലംബിച്ചവർ, മൃഗഹത്യാ പാപമുള്ളവർ, മദ്യപാനത്താൽ വിഷമിക്കുന്നവർ മേടം, തുലാം ഇവ ജനന ലഗ്നമോ ജന്മ രാശിയോ ആയിട്ടുള്ളവർ ഇവർക്ക് ജപിക്കുവാൻ സൂര്യന്റെ സ്തോത്രം ചേർക്കുന്നു. ഉദിച്ച് ഒരു മണിക്കൂറിനുള്ളിൽ (സൂര്യ ഹോരയിൽ) ഭക്തിയോടെ ജപിക്കുക.

ഗ്രഹാണാമാദിരാദിത്യോ

ലോകരക്ഷണ കാരക:

വിഷമസ്ഥാന സംഭൂതാം

പീഢാം ഹരതു മേ രവി:

പിറന്നാൾ വരുന്നത് തൊഴിൽപരമായും സാമൂഹ്യപരമായും നല്ലതാണ്. സർക്കാരിൽ നിന്ന് പ്രതീക്ഷിക്കുന്ന ആനുകൂല്യങ്ങൾ ഈ വർഷം ലഭിക്കാം. വരുന്ന പിറന്നാൾ വരെ ആരോഗ്യ കാര്യങ്ങളിൽ അധിക ശ്രദ്ധ പുലർത്തണം. ഗുണവർധനവിനും ദോഷശാന്തിക്കുമായി ശിവങ്കൽ ദിവസാദ്യത്തിലെ ശംഖാഭിഷേകം, പുറകുവിളക്കിലെണ്ണ നൽകൽ ഇവ ചെയ്യുക. വരുന്ന ഒരുവർഷക്കാലം ജന്മ നക്ഷത്രദിവസങ്ങളിൽ ശിവങ്കൽ ദർശനം നടത്തുകയും പുഷ്പാഞ്ജലി കഴിപ്പിക്കുകയും ചെയ്യുന്നത് ഉത്തമമാണ്.

ഒക്ടോബർ 07, തിങ്കൾ

പകൽ 05.24 വരെ ഉത്രാടം തുടർന്ന് തിരുവോണം. ഒപ്പം രാത്രി പകൽ 12.37 വരെ ശുക്ല പക്ഷ നവമി. പുതിയ പ്രവർത്തനങ്ങൾ ആരംഭിക്കുന്നതിനുള്ള ശുഭബന്ധമുള്ള ദിവസമാണ്. മാസത്തിലെ ശുക്ലപക്ഷ ദശമി ശ്രാദ്ധം, ഉത്രാടം പിറന്നാൾ ഇവ ആചരിക്കേണ്ടത് ഇന്നാണ്. പുണർതം, പൂയം, മൂലം, അനിഴം, ചോതി നാളുകാർക്ക് ദിനം പ്രതികൂലം. ദിവസ ദോഷ ശാന്തിക്ക് ദേവീ ഭജനം നടത്തുക. ഒരു സ്തുതി ചേർക്കുന്നു:

യാ ചണ്ഡീ മധുകൈടഭാദിദൈത്യദലനീ യാ മാഹിഷോന്മൂലിനീ

യാ ധൂംരേക്ഷണചണ്ഡമുണ്ഡമഥനീ യാ രക്തബീജാശനീ

ശക്തിഃ ശുംഭനിശുംഭ ദൈത്യദലനീ യാ സിദ്ധിദാത്രീ പരാ

സാ ദേവീ നവകോടിമൂര്‍ത്തി സഹിതാ മാം പാതു വിശ്വേശ്വരീ

ദിവസത്തിനു ചേർന്ന ലാൽ കിതാബ് നിർദേശം: പാൽ ചേർന്ന ഭക്ഷണം കഴിക്കുക. ഉച്ചഭക്ഷണത്തിനു മുൻപ് സാധുക്കൾക്ക് അന്നദാനം നടത്തുക. ദിവസത്തിന് ചേർന്ന നിറം: വെളുപ്പ്, ക്രീം. പ്രതികൂല നിറം: കറുപ്പ്, നീല

ജനനസമയത്ത് ചന്ദ്രന് നീചം, മൗഢ്യം, ദുർബല ക്ഷേത്രസ്ഥിതി എന്നിവയുള്ളവർ, ചന്ദ്രന്റെ ദശാപഹാര ഛിദ്രങ്ങളിൽ കഴിയുന്നവർ, മാതൃ ദോഷമുള്ളവർ, കടുത്ത മദ്യപാനികൾ, ദീർഘകാല ഔഷധസേവ ആവശ്യമായി വന്നവർ, കർക്കടകം, മീനം, വൃശ്ചികം ഇവ ജനന ലഗ്നമോ ജന്മ രാശിയോ ആയിട്ടുള്ളവർ ഇവർക്ക് ജപിക്കുവാൻ ചന്ദ്രന്റെ പീഡാഹാര സ്തോത്രം ചേർക്കുന്നു. ഉദിച്ച് ഒരു മണിക്കൂറിനുള്ളിൽ (ചന്ദ്ര ഹോരയിൽ) ഭക്തിയോടെ ജപിക്കുക.

രോഹിണീശ സുധാ മൂർത്തി

സുധാധാത്ര: സുധാശനഃ

വിഷമസ്ഥാന സംഭൂതാം

പീഢാം ഹരതു മേ വിധു :

പിറന്നാൾ വരുന്നത് പൊതുവെ ഗുണകരമാണ്. നല്ല വാർത്തകൾ കേൾക്കുക, അവിവാഹിതർക്ക് നല്ല വിവാഹ ബന്ധം ലഭിക്കുക, ജീവിത പുരോഗതി കൈവരിക്കുക എന്നീ ഗുണങ്ങൾ പ്രതീക്ഷിക്കാം. ഗുണവർധനവിനും ദോഷശാന്തിക്കുമായി പാർവതീ ദേവിക്ക് പ്രത്യേകിച്ചും ദേവീക്ഷേത്രങ്ങളിൽ പൊതുവെയും യഥാശക്തി വഴിപാടുകൾ കഴിപ്പിക്കുക. കൂടാതെ വരുന്ന ഒരുവർഷക്കാലത്തേയ്ക്കു പക്കപ്പുറന്നാൾ തോറും ദേവീക്ഷേത്രത്തിൽ പഞ്ചാദുർഗ്ഗാ മന്ത്രത്താൽ പുഷ്‌പാഞ്‌ജലി നടത്തിക്കുന്നത് ഗുണഫലങ്ങൾ അനുഭവത്തിൽ വരുവാൻ അത്യുത്തമമാണ്.

ഒക്ടോബർ 08, ചൊവ്വ

രാതി 08.11 വരെ തിരുവോണം. ഒപ്പം പകൽ 02.50 വരെ ശുക്ലപക്ഷ ദശമി. മാസത്തിലെ തിരുവോണം ശുക്ലപക്ഷ ഏകാദശി ശ്രാദ്ധം, തിരുവോണം പിറന്നാൾ എന്നിവ ആചരിക്കേണ്ടത് ഇന്നാണ്. മംഗള കർമങ്ങൾ അനുഷ്ഠിക്കുന്നതിനു വേണ്ട ശുഭബന്ധമുള്ള ദിവസമാണ്. വിജയദശമി ആയതിനാൽ വിദ്യാരംഭം, പഠനാരംഭം, പുതിയ സംരംഭങ്ങൾ ആരംഭിക്കുക എന്നിവയ്ക്ക് ഉത്തമം. സൽസന്താന യോഗമുള്ള ദിവസമാണ്. പുണർതം, തിരുവാതിര, പൂരാടം, തൃക്കേട്ട, വിശാഖം നാളുകാർക്ക് ദിനം പ്രതികൂലം. ദിവസ ഗുണവർധനയ്ക്ക് ദുര്‍ഗാ പഞ്ചരത്നം ജപിക്കാം

തേ ധ്യാനയോഗാനുഗതാ അപശ്യന്

ത്വാമേവ ദേവീം സ്വഗുണൈര്‍നിഗൂഢാം

ത്വമേവ ശക്തിഃ പരമേശ്വരസ്യ