വൈകുണ്ഠലോകത്തെ ഭഗവാനോട് ഈ പ്രാർഥന...

നാരായണീയദശകം- 13, ശ്ലോകം- 10

മുനീന്ദ്രൈരിത്യാദിസ്തവനമുഖരൈർമോദിതമനാഃ

മഹീയസ്യാ മൂർത്യാ വിമലതരകീർത്യാ ച വിലസൻ

സ്വധിഷ്ണ്യം സംപ്രാപ്തസ്സുഖരസവിഹരീ മധുരിപോ!

നിരുന്ധ്യാ രോഗമ്മേ സകലമപി വാതാലയപതേ!

അസുരവീരനായ ഹിരണ്യാക്ഷനെ നിഗ്രഹിച്ചതിനു ശേഷം മഹർഷിശ്രേഷ്ഠന്മാരുടെ സ്തുതികളെക്കൊണ്ടു സന്തുഷ്ടചിത്തനായി, മഹത്വമുള്ള ശരീരത്തോടും കളങ്കമില്ലാത്ത കീർത്തിയോടും കൂടി പരിലസിച്ച് വൈകുണ്ഠലോകത്തെത്തി സസുഖം വാണരുളുന്ന മധുരിപുവായ ഭഗവാനേ, ഗുരുവായൂരപ്പാ, എന്റെ എല്ലാ രോഗങ്ങളും ശമിപ്പിക്കേണമേ എന്നാണു പ്രാർഥന.

(പ്രഭാഷണം കേൾക്കാൻ വിഡിയോ കാണുക.) 

English Summary : Importance of Narayaneeyam Dashakam-13 Slokam-10