നിത്യദാരിദ്ര്യം ശമിച്ച് ജീവിതം ഐശ്വര്യപൂർണ്ണമാകുന്നതിന് സൗന്ദര്യ ലഹരിയിലെ പതിനാലാം ശ്ലോകം പഠിച്ചു ജപിക്കുന്നത് അത്യുത്തമമാണെന്ന് വിശ്വസിക്കപ്പെടുന്നു .

ക്ഷിതൗ ഷഡ്പഞ്ചാശദ്ദ്വി സമധിക പഞ്ചാശദുദകേ,

ഹുതാശേ ദ്വാഷഷ്ടി ശ്ചതുരധിക പഞ്ചാശദനിലേ

ദിവി ദ്വി:ഷട്ത്രിം ശത്മനസി ച ചതുഷ്ഷഷ്ടിരിതി യേ,

മയൂഖാസ്തേഷാമപ്യുപരി തവ പാദാംബുജയുഗം.

സ്വാധിഷ്ഠാന ചക്രത്തിൽ സ്ഥിതി ചെയ്യുന്ന അഗ്നിയുടെ കിരണങ്ങൾ നൂറ്റെട്ട്; അതിൽ അമ്പത്തിയാറ് പൃഥ്വിതത്വാത്മകമായ മൂലാധാരത്തിലും അമ്പത്തിരണ്ട് ജല തത്വാത്മകമായ മണിപൂരത്തിലും ആകുന്നു. സൂര്യന്റെ നൂറ്റിപതിനാറു കിരണങ്ങളിൽ അമ്പത്തിരണ്ട് അഗ്നി തത്വാത്മകമായ സ്വാധിഷ്ഠാനത്തിലും അമ്പത്തിനാല് വായു തത്വാത്മകമായ അനാഹതചക്രത്തിലും ആകുന്നു.

മൂലാധാരം, സ്വാധിഷ്ഠാനം എന്നിവ അഗ്നിഖണ്ഡവും മണിപൂര-അനാഹതങ്ങൾ സൂര്യഖണ്ഡവും വിശുദ്ധി - ആജ്ഞാചക്രങ്ങൾ ചന്ദ്രഖണ്ഡവും ആണെന്ന് പറയപ്പെടുന്നു.. ഇവയിൽ അഗ്നി കിരണങ്ങൾ മൂലാധാരത്തിൽ 56, മണിപൂരത്തിൽ 52, സൂര്യകിരണങ്ങൾ സ്വാധിഷ്ഠാനത്തിൽ 62, അനാഹതത്തിൽ 54, ചന്ദ്രകിരണങ്ങൾ വിശൂദ്ധിയിൽ 72അജ്ഞാ ചക്രത്തിൽ 64 ഇങ്ങനെ ആകെ 360കിരണങ്ങൾ എല്ലാ ചക്രങ്ങളിൽ കൂടി പ്രകാശിക്കുന്നു. ഇവയ്‌ക്കെല്ലാം മുകളിൽ സഹസ്രദളകമല  ത്തിൽ ബിന്ദുസ്ഥാനത്തിൽ പരദേവതയുടെ പാദാരവിന്ദങ്ങൾ സ്ഥിതി ചെയ്യുന്നു എന്ന് സങ്കൽപം.

ഈ ശ്ലോകം ശ്രദ്ധയോടെ  വിധിപ്രകാരം 1000 ഉരു വീതം 45 ദിവസം സാധന ചെയ്‌താൽ എല്ലാവിധമായ ഐശ്വര്യങ്ങളോടും കൂടി പൂർണ്ണമായ ആരോഗ്യത്തോടെ ദീർഘായുസ്സായി ഭവിക്കും.

തുടക്കത്തിൽ അത്ര ജപിക്കുകയെന്നത് സുസാദ്ധ്യമല്ല. അർഥം 
മനസ്സിലാക്കി ശ്രദ്ധയോടെ പഠിച്ച് ജപിച്ചു ശീലിക്കുക .

English Summary : Poverty Removing Mantra in Soundarya Lahari