ഓഗസ്റ്റ് മാസത്തിൽ ഈ നാളുകാർ മഹാദേവനെ ഭജിക്കണം , കാരണം
Mail This Article
ഓഗസ്റ്റ് മാസത്തിൽ ചില കൂറിൽപെട്ട നക്ഷത്രക്കാർ പ്രത്യേകമായി ശിവഭജനം നടത്തേണ്ടതായുണ്ട് . മേടക്കൂറിൽപ്പെട്ട അശ്വതി , ഭരണി, കാർത്തിക 1/4 , മിഥുനക്കൂറിൽപ്പെട്ട മകയിരം 1/ 2 , തിരുവാതിര , പുണർതം 3/4 , കർക്കടക്കൂറിൽപ്പെട്ട പുണർതം1/4,പൂയം,ആയില്യം , മകരക്കൂറിൽപ്പെട്ട ഉത്രാടം 3/4 , തിരുവോണം, അവിട്ടം 1/2 എന്നിവർ നിത്യവും ദോഷശമനത്തിനായി മഹാദേവനെ ഭജിക്കുക.
മേടക്കൂർ: (അശ്വതി , ഭരണി, കാർത്തിക 1/4 ):
ഈ കൂറുകാർക്ക് കണ്ടകശനി കാലമാണ് . കർമ്മ രംഗത്ത് അരിഷ്ടതകൾ നേരിടുന്നതിന് ഏറ്റവും സാദ്ധ്യത നിലനിൽക്കുന്ന കാലമാണ് . ഈ കൂറിൽപ്പെട്ട കാർത്തികകാർക്ക് തൊഴിൽ രംഗത്ത് നിരവധി വിഷമതകൾ നേരിടാവുന്നതാണ് . ചെറിയ തോതിലുള്ള രോഗ ദുരിത സാദ്ധ്യതയും നിലനിക്കുന്നു .
ഓം ഹ്രീം നമശ്ശിവായ ശിവായ രുദ്രായ
ലോകേശായ ഘോരാകാരായ
സംഹാരവിഗ്രഹായ ത്രിപുരഹരായ
മൃത്യുഞ്ജയായ മാം രക്ഷ രക്ഷ
ഹും ഫള് സ്വാഹാ
എന്ന മന്ത്രം ശ്രദ്ധയോടെ ജപിക്കുക .
മിഥുനക്കൂർ ( മകയിരം 1/ 2 , തിരുവാതിര , പുണർതം 3/4 ) :
ഈ കൂറുകാർക്ക് ആരോഗ്യപരമായ വിഷമതകൾ , ബന്ധു ജനങ്ങൾക്ക് രോഗാരിഷ്ടതകൾ എന്നിവയുണ്ടാവാം
"ത്ര്യംബകം യജാമഹേ
സുഗന്ധിം പുഷ്ടിവര്ദ്ധനം
ഉര്വ്വാരുകമിവ ബന്ധനാത്
മൃത്യോര്മ്മുക്ഷീയമാമൃതാത്"
കർക്കിടകക്കൂർ(പുണർതം1/4,പൂയം,ആയില്യം):
ഈ കൂറിൽ പെട്ട പൂയം ആയില്യം നാളുകാർക്ക് ദാമ്പത്യ പരമായ വിഷമതകൾ ഉണ്ടാകാവുന്നതാണ് . അവർ ഉമാ മഹേശ്വര സങ്കൽപ്പത്തിൽ ശിവനെ ഭജിക്കുക .
നമഃ ശിവാഭ്യാം നവയൗവനാഭ്യാം
പരസ്പരാശ്ലിഷ്ട വപുര്ധരാഭ്യാം
നഗേന്ദ്രകന്യാവൃഷകേതനാഭ്യാം
നമോ നമഃ ശങ്കര പാര്വതീഭ്യാം
എന്ന സ്തുതിയാൽ ശിവനെ പ്രീതിപ്പെടുത്തുക .
മകരക്കൂർ ( ഉത്രാടം 3/4 , തിരുവോണം, അവിട്ടം 1/2 ) :
സർവ്വ കാര്യാ പ്രതിബന്ധം നേരിടാവുന്ന കാലമാണ് . സദാശിവ ഭാവത്തിൽ ശിവനെ ഭജിക്കുക .
ഓം സദാ ശിവായ വിദ് മഹേ
ജഡാധരായ ധീമഹി
തന്നോ രുദ്ര പ്രചോദയാത്
ലേഖകൻ
വി. സജീവ് ശാസ്താരം
പെരുന്ന , ചങ്ങനാശേരി
Ph: 9656377700
English Summary : Monthly Dosha Remedy in August 2020