sections
MORE

ആഗ്രഹ പൂർത്തീകരണത്തിനായി സഫല ഏകാദശി ; ഫലസിദ്ധി ഇങ്ങനെ

HIGHLIGHTS
  • 2021 ജനുവരി 09 ശനിയാഴ്ചയാണ് സഫല ഏകദശി
guruvayoorappan-1200x625
SHARE

 ഒരു മാസത്തിൽ  വെളുത്ത പക്ഷത്തിലും കറുത്ത പക്ഷത്തിലുമായി രണ്ടു ഏകാദശിയാണ് ഉള്ളത്.  ഇതിൽ പൗഷമാസത്തിലെ കറുത്ത പക്ഷ ഏകാദശി ആണ് സഫലാ ഏകാദശി. ധനു  25ന് ശകവർഷ രീതി അനുസരിച്ച് സഫലാ ഏകാദശി ആണ്. ഉത്തരേന്ത്യയിൽ ഈ രീതിയാണ് പൊതുവേ സ്വീകരിക്കുന്നത്. ഇഹലോകത്തു സുഖവും പരലോകത്തു വിഷ്ണുസായൂജ്യമായ മോക്ഷവുമാണ് ഏകാദശിവ്രതത്തിന്റെ ഫലം. 2021 ജനുവരി 09 ശനിയാഴ്ചവരുന്ന ഈ ഏകദശി വ്രതാനുഷ്ഠാനത്തോടെ ഭഗവാനെ ഭജിക്കുന്നത് ആഗ്രഹപൂർത്തീകരണത്തിന് കാരണമാകും എന്നാണ് വിശ്വാസം .

ഏകാദശീവ്രത കാലത്തിലെ പ്രധാന ഭാഗമായ  ഹരിവരാസര സമയം അന്നേദിവസം  ഉച്ചയ്ക്ക് 1.53 മുതൽ രാത്രി 12.41 വരെയാണ്. ഈ സമയത്ത് ഭക്ഷണവും ഉറക്കവും പാടില്ല. കൂടാതെ  ഹരിവരാസര സമയം  മുഴുവൻ  അഖണ്ഡനാമജപം ചെയ്യുന്നത് ഏറ്റവും ഗുണകരമാണെന്നു വിശ്വാസമുണ്ട്.

ഏകാദശിയുടെ തലേന്ന്, അതായത് ദശമിയുടെ അന്ന് മുതൽ വ്രതം ആരംഭിക്കണം.   ദശമി ദിനത്തിൽ ഒരിക്കലൂണ് അഭികാമ്യം . ഏകാദശി നാൾ പൂർണ  ഉപവാസം അനുഷ്ഠിക്കണം. ആരോഗ്യസ്ഥിതി അനുസരിച്ച്  പൂർണ ഉപവാസം കഴിയാത്തവർ ഒരു നേരം പഴങ്ങളോ, അരിയാഹാരമൊഴിച്ച് മറ്റ് ധാന്യാഹാരങ്ങളോ കഴിക്കാം. വെളുത്ത വസ്ത്രം ധരിച്ച്  വിഷ്ണു ക്ഷേത്ര ദർശനം നടത്തി തുളസീ തീർഥം  സേവിക്കുന്നത് ഉത്തമമാണ്. വിഷ്‌ണുസൂക്‌തം, ഭാഗ്യസൂക്‌തം, പുരുഷസൂക്‌തം തുടങ്ങിയവ കൊണ്ടുള്ള അർച്ചന നടത്തുന്നതും നല്ലതാണ്. കഴിയുമെങ്കിൽ അന്നേ ദിവസം നാമജപവും ഭജനവുമായി ഭക്തിപൂർവം  കഴിച്ചു കൂട്ടുക. വിഷ്ണു സഹസ്രനാമം ചൊല്ലുന്നതും ഉത്തമം. ഏകദശി ദിനത്തിലെ തുളസിപൂജ സർവ പാപഹരമാണ് .

English Summary : Importance of Saphala Ekadashi 2021

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN ASTRO NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA