sections
MORE

ഭവനത്തിൽ അനുകൂല തരംഗം നിറയ്ക്കാനുള്ള എളുപ്പമാർഗം

HIGHLIGHTS
  • പണം സൂക്ഷിക്കുന്നിടത്തു മഞ്ഞൾക്കഷണങ്ങൾ വയ്ക്കുന്നത് ലക്ഷ്മീപ്രീതികരമാണ്
Positive-Home-Photo-Credit-Watchara-Ritjan
Photo Credit : Watchara Ritjan / Shutterstock.com
SHARE

സുഗമമായ ജീവിതത്തിനും സാമ്പത്തിക ഉന്നമനത്തിനും വാസ്തു  ശാസ്ത്രത്തിൽ ഒട്ടേറെ മാർഗങ്ങൾ നിർദേശിക്കുന്നുണ്ട്. നമ്മൾ നിത്യേന ഉപയോഗിക്കുന്ന പല വസ്തുക്കൾ വേണ്ടവിധത്തിൽ ഉപയോഗിച്ചാൽ ഭവനത്തിൽ അനുകൂല ഊർജം നിലനിർത്താൻ സഹായിക്കും.

മഹാലക്ഷ്മീപ്രീതികരമായ ഒന്നാണ് മഞ്ഞൾ . പണം സൂക്ഷിക്കുന്നതിന് അടുത്തായി ഒരുപിടി മഞ്ഞൾക്കഷണങ്ങൾ  വയ്ക്കുന്നത് ലക്ഷ്മീപ്രീതികരമാണ് . അത് ക്ഷേത്രത്തിൽ നിന്ന് പ്രസാദമായി ലഭിച്ച മഞ്ഞൾ ആണെങ്കിൽ അത്യുത്തമം. ക്രമാനുഗതമായി സാമ്പത്തിക അഭിവൃദ്ധിയുണ്ടാകുക മാത്രമല്ല കടബാധ്യതയിൽ പെടാതിരിക്കാനും ഈ മാർഗം ഉത്തമമാണെന്നാണ് വിശ്വാസം.

വീട് തുടച്ചു വൃത്തിയാകാൻ എടുക്കുന്ന വെള്ളത്തിൽ ഒരു പിടി കല്ലുപ്പും ഒരു നുള്ളു മഞ്ഞൾപ്പൊടിയും ചേർത്ത് തുടയ്ക്കുക , ഭവനത്തിൽ അനുകൂല തരംഗം സൃഷ്ടിക്കുക മാത്രമല്ല നല്ലൊരു അണുനാശിനി കൂടിയാണിത് . കൂടാതെ നിത്യവും പ്രഭാതത്തിൽ  മഞ്ഞൾ വെള്ളം പ്രധാന വാതിലിന്റെ ഭാഗത്തു നിന്നും തുടങ്ങി വലതു വശത്തേക്ക് തിരിഞ്ഞു വീടിനു ചുറ്റും തളിക്കുന്നത് ഭവനത്തിൽ അനുകൂല ഊർജം വർധിപ്പിക്കാൻ സഹായകമാണ് .  ശരീരശുദ്ധി വരുത്തിയ ശേഷം ജലത്തിൽ ലക്ഷ്മീദേവിയെ സങ്കല്പിച്ചുകൊണ്ടു 3 നുള്ള്‌ മഞ്ഞൾപ്പൊടി ഇട്ടു കലക്കിയ ശേഷം വേണം തളിക്കാൻ.

ആഴ്ചയിൽ ഒരിക്കലോ നിത്യേനയോ കർപ്പൂരമോ ദശാംഗമോ കത്തിക്കുന്നത് വാസ്തുദോഷം മൂലമുള്ള സാമ്പത്തിക നഷ്ടം ഒരുപരിധി വരെ കുറയ്ക്കാൻ സഹായിക്കും.

English Summary : How to Improve Positive Energy in Home

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN ASTRO NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA