sections
MORE

വീടിന്റെ ഈ ഭാഗത്തെ ജലസാമീപ്യം കുടുംബാംഗങ്ങൾക്ക് ദോഷമോ?

HIGHLIGHTS
  • ഈ അപാകതകൾ കുടുംബജീവിതത്തെ ദുരിതപൂർണമാക്കും
Home-Vasthu-Photo-Credit-Favas-Kalathil
Photo Credit : Favas Kalathil / Shutterstock.com
SHARE

വാസ്തു ശാസ്ത്ര പ്രകാരം ഭവനത്തിലെ നാല് കോണുകൾക്കും വളരെയധികം പ്രാധാന്യം ഉണ്ട് . ഓരോ കോണിന്റെയും പ്രത്യേകത അനുസരിച്ചാവണം അവിടെ നിർമാണപ്രവർത്തനങ്ങൾ നടത്തേണ്ടത് .  വീടിന്റെ തെക്കു കിഴക്കേമൂല അഗ്നികോൺ എന്ന് അറിയപ്പെടുന്നത്. പേര് സൂചിപ്പിക്കുന്നതുപോലെ അഷ്ടദിക് പാലകരിൽ ഒരാളായ അഗ്‌നിദേവനാണ് ഈ ദിക്കിന്റെ ആധിപത്യം.  എല്ലാറ്റിനെയും ശുദ്ധീകരിക്കാനുള്ള കഴിവ് അഗ്നിക്കുണ്ട്. അഗ്നിദേവൻ ക്ഷിപ്രകോപിയായതിനാൽ അഗ്നികോണിലുണ്ടാവുന്ന ചെറിയ പിഴവുപോലും ദോഷത്തിന് കാരണമാവും. അഗ്നികോണിലുള്ള  അപാകതകൾ കുടുംബജീവിതത്തെ  ദുരിതപൂർണമാക്കും.

അഗ്നിയുമായി ബന്ധപ്പെട്ട്  കിടക്കുന്നതിനാൽ അഗ്നികോണിൽ അടുക്കള നിർമിക്കുന്നത് ഉത്തമമാണ്. പക്ഷെ അഗ്നികോണിലുള്ള അടുക്കളയിൽ സിങ്കിന്റെ സ്ഥാനം വടക്കുഭാഗത്തായിരിക്കണമെന്ന് മാത്രം. കാരണം അഗ്നികോണിൽ ജലസാമീപ്യം ഉണ്ടാവുന്നത് കുടുംബാംഗങ്ങളുടെ ആരോഗ്യത്തെ സാരമായി ബാധിക്കും എന്നാണ് വിശ്വാസം.

വീടിന്റെ കോണുകളിൽ കുളിമുറി പാടില്ല. അതിനാൽത്തന്നെ അഗ്നികോൺ ഭാഗത്തു  മുറി വരികയാണെങ്കിൽ കോൺ ഒഴിവാക്കി കുളിമുറി നിർമ്മിക്കാവുന്നതാണ്. ഈ ഭാഗത്തെ മുറി ദമ്പതികൾ ഒഴിവാക്കുന്നതാണ് നന്ന്. അഗ്നികോണിൽ അടുക്കളയാണ് വരുന്നതെങ്കിൽ ഈ ഭാഗത്ത് കുളിമുറി നിർമ്മിക്കരുത്.

തെക്കു കിഴക്കേമൂല പൂജാമുറിക്ക് അനുയോജ്യമല്ല. സെപ്റ്റിടാങ്ക്, മഴവെള്ളസംഭരണി, വാട്ടർടാങ്ക് , അലക്കു കല്ല് , മീൻ കുളം  ഇവയൊന്നും ഈ ഭാഗത്ത് പാടില്ല. അഗ്നികോണിനെ വേണ്ട രീതിയിൽ പരിപാലിച്ചാൽ പല വിധത്തിലുള്ള കഷ്ട നഷ്ടങ്ങൾ ഇല്ലാതാക്കാൻ കഴിയുമെന്നാണ് വിശ്വാസം.

English Summary : Significance of Agnikone in Vasthu

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN ASTRO NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA