sections
MORE

സൂര്യഗ്രഹണം, ഈ നാളുകാർ ശ്രദ്ധിക്കണം

HIGHLIGHTS
  • ഈ നക്ഷത്രക്കാർ ഗ്രഹണദോഷഫലങ്ങൾ അനുഭവിക്കാനിടയുള്ളവരാണ്
Solar-Eclipse-Photo-Credit-IgorZh
Photo Credit : IgorZh / Shutterstock.com
SHARE

2021 ജൂൺ 10ന് വ്യാഴാഴ്ച രാഹുഗ്രസ്ത സൂര്യഗ്രഹണം  നടക്കും. ചന്ദ്രന്റെ  നിഴൽ ഭൂമിയിൽ പതിച്ചുതുടങ്ങുന്ന ഗ്രഹണ സ്പർശം വൈകിട്ട് 06.07 നും ശരാശരി അസ്തമയ സമയം 06.35 നും ആകയാൽ ഭാരതത്തിൽ മിക്കയിടത്തും ഈ ഗ്രഹണം ദൃശ്യമല്ല. ഉത്തരേന്ത്യയിൽ അപൂർവം ചിലയിടത്തു മാത്രമേ ഗ്രഹണം ദൃശ്യമാകൂ.

എന്നാൽ ഗ്രഹണത്തിൽ പങ്കാളികളാവുന്ന മകയിരം,  അനിഴം നക്ഷത്രക്കാരും അവരുടെ അനുജന്മ നക്ഷത്രങ്ങളായ  ചിത്തിര , അവിട്ടം , പൂയം , അനിഴം നക്ഷത്രക്കാരും   ഗ്രഹണത്തിൽ പങ്കാളികളാവുന്ന നക്ഷത്രങ്ങളുടെ വേധ നക്ഷത്രങ്ങളായ   ചിത്തിര , അവിട്ടം , ഭരണി  നക്ഷത്രക്കാരും ഗ്രഹണത്തിന്റെ ദോഷഫലങ്ങൾ അനുഭവിക്കുന്നതിന്  ഇടയുള്ളവരാണ് .

ആരോഗ്യ വിഷമതകൾ,  പഠന വിഷമതകൾ , തൊഴിൽ പരമായ വിഷമതകൾ എന്നിവ ഗ്രഹണ ദിവസം മുതൽ  14 ദിവസം അധികമായും ഗ്രഹണം മുതൽ  27 ദിവസം മധ്യമമായും ഗ്രഹണം മുതൽ 42 ദിവസം സാമാന്യമായും അനുഭവയ്ക്കുനിടയുള്ളതിനാൽ ശ്രദ്ധിക്കുക. ദോഷ  മുക്തിക്കായി ശിവഭജനമാണ് ഇവർ ചെയ്യേണ്ടത് .

ശ്രീശങ്കരാചാര്യരാൽ വിരചിതമെന്നു കരുതപ്പെടുന്ന ശിവ നാമാവലി ഗ്രഹണദിവസം എല്ലാവരും, വിശിഷ്യ മേൽ സൂചിപ്പിച്ച നാളുകാർ ജപിക്കുന്നത് ദോഷം കുറയുന്നതിന് സഹായകമായിരിക്കും.


ഹേ ചന്ദ്രചൂഡ മദനാന്തക ശൂലപാണേ സ്ഥാണോ ഗിരീശ ഗിരിജേശ മഹേശ  ശംഭോ  

ഭൂതേശ ഭീതഭയസൂദന മാമനാഥം സംസാരദുഃഖ ഗഹനാജ്ജഗദീശ രക്ഷ  


ഹേ പാർവതീഹൃദയവല്ലഭ ചന്ദ്രമൗലേ ഭൂതാധിപ പ്രമഥനാഥ  ഗിരീശജാപ

ഹേ വാമദേവ ഭവ രുദ്ര പിനാകപാണേ സംസാരദുഃഖഗഹനാജ്ജഗദീശ രക്ഷ  


ഹേ നീലകണ്ഠ വൃഷഭധ്വജ പഞ്ചവക്ത്ര ലോകേശ ശേഷവലയ പ്രമഥേശ  ശർവ

ഹേ ധൂർജടേ പശുപതേ ഗിരിജാപതേ മാം സംസാരദുഃഖഗഹനാജ്ജഗദീശ രക്ഷ  


ഹേ വിശ്വനാഥ ശിവ ശങ്കര ദേവദേവ ഗംഗാധര  പ്രമഥനായക  നന്ദികേശ

ബാണേശ്വരാന്ധകരിപോ ഹര ലോകനാഥ സംസാരദുഃഖഗഹനാജ്ജഗദീശ രക്ഷ  


വാരാണസീപുരപതേ മണികർണികേശ വീരേശ ദക്ഷമഖകാല വിഭോ ഗണേശ

സർവജ്ഞ സർവഹൃദയൈകനിവാസ നാഥ സംസാരദുഃഖഗഹനാജ്ജഗദീശ രക്ഷ  


ശ്രീമന്മഹേശ്വര കൃപാമയ ഹേ ദയാലോ  ഹേ വ്യോമകേശ ശിതികണ്ഠ  ഗണാധിനാഥ

ഭസ്മാംഗരാഗ നൃകപാലകലാപമാല സംസാരദുഃഖഗഹനാജ്ജഗദീശ രക്ഷ  


കൈലാസശൈലവിനിവാസ വൃഷാകപേ ഹേ മൃത്യുഞ്ജ ത്രിനയന ത്രിജഗന്നിവാസ  

നാരായണപ്രിയ മദാപഹ ശക്തിനാഥ സംസാരദുഃഖഗഹനാജ്ജഗദീശ രക്ഷ  


വിശ്വേശ വിശ്വഭവനാശിതവിശ്വരൂപ വിശ്വാത്മക  ത്രിഭുവനൈകഗുണാഭിവേശ

ഹേ വിശ്വബന്ധു കരുണാമയ ദീനബന്ധോ സംസാരദുഃഖഗഹനാജ്ജഗദീശ രക്ഷ  


ഗൗരീവിലാസഭുവനായ മഹേശ്വരായ പഞ്ചാനനായ ശരണാഗതരക്ഷകായ  

ശർവായ സർവജഗതാമധിപായ തസ്മൈ ദാരിദ്ര്യദുഃഖദഹനായ നമഃ  ശിവായ.
 

ലേഖകൻ  

വി. സജീവ് ശാസ്‌താരം 

പെരുന്ന , ചങ്ങനാശേരി 

Ph: 9656377700

English Summary : Significance of Solar Eclipse 2021 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN ASTRO NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ആദ്യം പാടിയതും പഠിച്ചതും കമ്മ്യൂണിസം: ദലീമ എം.എൽ.എ

MORE VIDEOS
FROM ONMANORAMA