മിഥുനമാസത്തിൽ ഈ നാളുകാർ പരിഹാരമനുഷ്ഠിക്കണം
Mail This Article
ഗുണവർധനവിനും അനുകൂല ഫലത്തിനും ദോഷപരിഹാരങ്ങൾ അനുഷ്ഠിക്കുന്നത് ഉത്തമമാണ്.
മേടക്കൂർ ( അശ്വതി, ഭരണി കാർത്തിക1/4 )
ഗുണദോഷ സമ്മിശ്രമായ ഫലങ്ങൾ അനുഭവത്തിൽ വരും. ദോഷ പരിഹാരത്തിനായി ഭവനത്തിൽ നിത്യേന ദേവീ മാഹാത്മ്യ പാരായണം നടത്തുക
ഇടവക്കൂർ ( കാർത്തിക1/4 , രോഹിണി , മകയിരം1/2)
പൊതുവെ പ്രതികൂലമായി തുടങ്ങി അനുകൂലമാകുന്ന മാസമാണ്. ദോഷശമനത്തിനും ഗുണവർധ നവിനുമായി മഹാവിഷ്ണു ഭജനം നടത്തുക . വ്യാഴാഴ്ചകളിൽ ഭവനത്തിൽ നെയ്വിളക്ക് കൊളുത്തി പ്രാർഥി ക്കുക .
മിഥുനക്കൂർ ( മകയിരം 1/2, തിരുവാതിര , പുണർതം 3/4)
പ്രതികൂലമായി തുടങ്ങി ക്രമേണ അനുകൂലഫലങ്ങൾ അനുഭവത്തിൽ വരുന്ന മാസമാണ്. ദോഷ ശമനത്തിനായി നിത്യേന ഭവനത്തിൽ ഗണപതി അഷ്ടോത്തര ജപം നടത്തുക .
കർക്കടകക്കൂർ ( പുണർതം1/4 , പൂയം, ആയില്യം )
ഗുണദോഷ സമ്മിശ്ര ഫലം നൽകുന്ന മാസമാണ്. ദോഷ ശമനത്തിനും ഗുണവർധനവിനുമായി ധർമ്മ ശാസ്താവിനെ ഭജിക്കുക. നിത്യേന വൈകുന്നേരങ്ങളിൽ ശാസ്താ അഷ്ടോത്തര ജപം നടത്തുക .
ചിങ്ങക്കൂർ ( മകം പൂരം ഉത്രം 1/4 )
ഗുണഫലങ്ങൾ പ്രതീക്ഷിക്കാം. ഗുണവർധനവിനുമായി ശ്രീകൃഷ്ണ ഭജനം നടത്തുക. നിത്യേന ഭവനത്തിൽ ഭാഗവതം ദശമി സ്കന്ധം അൽപ്പനേരം പാരായണം ചെയ്യുക.
കന്നിക്കൂർ ( ഉത്രം 3/4, അത്തം, ചിത്തിര 1/2)
പൊതുവെ മാനസിക സംഘർഷം അധികരിച്ചു നിൽക്കുന്ന മാസമാണ്. ഗുണവർധനവിനും ദോഷശമനത്തിനുമായി ശിവ ഭജനം നടത്തുക. ശിവാഷ്ടോത്തരം നിത്യേന പാരായണം ചെയ്യുക . ശിവങ്കൽ എള്ളെണ്ണ വിളക്കിൽ ഒഴിപ്പിച്ചു പ്രാർഥിക്കുക
തുലാക്കൂർ ( ചിത്തിര1/2 , ചോതി , വിശാഖം 3/4)
ദോഷശമനത്തിനായി ദേവീ ഭജനം നടത്തുക . നിത്യേന ഭവനത്തിൽ വൈകിട്ടു ലളിതാ സഹസ്രനാമപാരായണം നടത്തുക .
വൃശ്ചികക്കൂർ ( വിശാഖം 1/4 , അനിഴം, തൃക്കേട്ട )
ദോഷശമനത്തിനായി ശ്രീകൃഷ്ണ ഭജനം നടത്തുക. ബുധനാഴ്ചകളിൽ ശ്രീകൃഷ്ണ സ്വാമിക്ക് വെണ്ണ, കദളിപ്പഴം ഇവ നിവേദിക്കുക . നിത്യേന ഭവനത്തിൽ ശ്രീകൃഷ്ണ ഭജനം നടത്തുക.
ധനുക്കൂർ ( മൂലം , പൂരാടം , ഉത്രാടം 1/4)
അനുകൂല ഫലങ്ങൾ അധികരിക്കുന്ന മാസമാണ് .ഗുണവർധനവിനും ദോഷശമനത്തിനുമായി ശാസ്താ ഭജനം നടത്തുക. അഷ്ടോത്തരം നിത്യേന പാരായണം ചെയ്യുക . ശനിയാഴ്ചകളിൽ നീരാജനം കത്തിച്ചുതൊഴുതു പ്രാർഥിക്കുക .
മകരക്കൂർ (ഉത്രാടം ¾ തിരുവോണം , അവിട്ടം1/2 )
ദോഷശമനത്തിനായി ഗണപതി ഭജനം നടത്തുക . നിത്യേന ഉദയത്തിൽ വീട്ടിൽ വിളക്കു കൊളുത്തി ഗണപതിയെ സ്മരിച്ച് പ്രാർഥിക്കുക. ജന്മനാളിൽ ഗണപതിഹോമം കഴിപ്പിക്കുക.
കുംഭക്കൂർ ( അവിട്ടം 1/2, ചതയം , പൂരുരുട്ടാതി ¾ )
ദോഷ ശമനത്തിനായി ദേവീ ഭജനം നടത്തുക. ദേവീ ക്ഷേത്ര ദർശനം നടത്തി പഞ്ചാദുർഗ്ഗാ മന്ത്ര പുഷ്പാഞ്ജലി നടത്തിച്ച് പ്രാർഥിക്കുക. നിത്യേന ഭവനത്തിൽ ലഘു മന്ത്ര ജപത്താൽ ദേവിയെ ഭജിക്കുക .
മീനക്കൂർ ( പൂരുരുട്ടാതി 1/4 , ഉത്രട്ടാതി , രേവതി )
ഗുണവർധവിനും ദോഷശമനത്തിനുമായി ഭദ്രകാളി ഭജനം നടത്തുക , ഭദ്രകാളി സഹസ്രനാമം പാരായണം ചെയ്യുകയോ ശ്രദ്ധയോടെ കേൾക്കുകയോ ചെയ്യുക.
English Summary : Dosha Remedy in Midhunam Month