ശനിദോഷമകറ്റാൻ ശബരിമല തീർഥാടനം നടത്താം; പക്ഷേ വേണം ഈ ചിട്ടവട്ടങ്ങൾ

ശനിദോഷ ഫലമായി വനവാസം, അന്യദേശവാസം ഒക്കെ അനുഭവിക്കേണ്ടി വരിക സാധാരണമാണ്. അപവാദം കേൾക്കാനും അപകടങ്ങൾ നേരിടാനും ഈ കാലത്ത് സാധ്യതയുണ്ട്. എല്ലാ കാര്യങ്ങളും മന്ദഗതിയിൽ ആവുകയും ചെയ്യും. പെട്ടെന്ന് നടക്കേണ്ട പലകാര്യങ്ങൾക്കും ഒരുപാട് പ്രാവശ്യം പരിശ്രമിക്കേണ്ടതായും വരാം.

ഏഴര ശനി, കണ്ടക ശനി, ശനിദശ തുടങ്ങിയ കാലങ്ങളിൽ നാടുവിടാനും ദുരിതങ്ങൾ അനുഭവിക്കാനുമൊക്കെ സാധ്യത ഉണ്ട്. ശ്രീരാമചന്ദ്ര ൻ വനവാസം ചെയ്തത് പോലും ശനിദശയിലായിരുന്നു. ഭഗവാൻ പരമശിവൻ  തവളയുടെ രൂപത്തിൽ അമ്പലത്തിലെ ഓവിൽ കയറി ഒളിച്ചിരുന്ന കഥയും പലരും കേട്ടിട്ടുണ്ടാവും. അൽപകാലമെങ്കിലും ശനിയുടെ ദുരിതം എല്ലാവരും അനുഭവിക്കേണ്ടിവരും എന്നാണ് ഇത് നൽകുന്ന സൂചന.

കറുപ്പ് വസ്ത്രം ധരിച്ച് , മാലയിട്ട് , വ്രതം  എടുത്തു സന്യാസിയെ പോലെ മുടിയും നീട്ടി, കല്ലും മുള്ളും ചവിട്ടി, ശരണം വിളിച്ചു മലകേറി അയ്യപ്പനെ കണ്ട് തൊഴുകയും സാധ്യമെങ്കിൽ അവിടെ തങ്ങുകയും ചെയ്യുന്നു. മടങ്ങി വരുമ്പോൾ നമ്മളറിയാതെ ശനിദോഷ പരിഹാരമാണ് ചെയ്യുന്നത്. കറുപ്പും നീലയും വസ്ത്രങ്ങൾ ധരിക്കുന്നത് ശനി ദോഷങ്ങൾക്ക് പരിഹാരമാണ്. ശബരിമലയിൽ പോകുന്നവർ അവ ധരിക്കുന്നത് ആചാരത്തിന്റെ ഭാഗവുമാണ്. അനുഭവിക്കാൻ ഉള്ള ദോഷങ്ങളും ദുരിതങ്ങളും ഒക്കെ ഈ കാനനവാസത്തിലൂടെ ഒഴിവായി പോവുകയാണ് ചെയ്യുന്നത്. 

ലേഖകൻ   

Dr. P. B. Rajesh     

Rama Nivas  ,Poovathum parambil, 

Near ESI  Dispensary Eloor East , 

Udyogamandal.P.O,    Ernakulam 683501   

email : rajeshastro1963@gmail.com 

Phone : 9846033337, 0484 2546421

English Summary : Sabarimala Darshan to Avoid Shani Dosham