കൊച്ചിയിൽ നിന്ന് ഹെലികോപ്റ്റർ മാർഗം നിലക്കലിൽ; ശബരിമല ദർശനം നടത്തി അജയ് ദേവ്ഗണ്‍, വിഡിയോ

ശബരിമല ദർശനം നടത്തി ബോളിവുഡ് താരം അജയ് ദേവ്ഗണ്‍. നാലാം തവണയാണ് ഇതോടെ താരം ശബരിമല ദർശനം നടത്തുന്നത്. ബുധനാഴ്ച രാവിലെ ഒമ്പതോടെ കൊച്ചിയിൽ നിന്ന് ഹെലികോപ്റ്റർ മാർഗം നിലക്കലിൽ എത്തിയ താരം പതിനൊന്നു മണിയോടെയാണ് പതിനെട്ടാംപടി ചവിട്ടിയത് . 

ദർശനശേഷം തന്ത്രി, മേൽശാന്തി എന്നിവരുടെ അനുഗ്രഹം തേടി. മാളികപ്പുറത്തും ദർശനം നടത്തി വഴിപാടുകൾ സമർപ്പിച്ച ശേഷമാണ് അദ്ദേഹം മടങ്ങിയത്.

നാളെ ( ജനുവരി14 ) ഉച്ചയ്ക്ക് 2.29 നാണ് മകരസംക്രമ പൂജ. വൈകിട്ട് 6.30ന് തിരുവാഭരണം ചാർത്തി ദീപാരാധന നടക്കും. തുടർന്നാണ് മകരജ്യോതി തെളിയുക.

English Summary : Ajay Devgn Visits Sabarimala  Temple