കൈകളിലെ രേഖകൾ നോക്കി ഭാവി പ്രവചിക്കുന്ന ഹസ്തരേഖാശാസ്ത്രത്തിനു യുഗങ്ങളുടെ പഴക്കവും പാരമ്പര്യവും അവകാശപ്പെടാനുണ്ട്. സ്ത്രീകൾ ഇടതു കൈത്തലവും പുരുഷന്മാർ വലതു കയ്യിലെ രേഖയുമാണ് ശ്രദ്ധിക്കേണ്ടത് എന്നാണ് ഹസ്തരേഖാശാസ്ത്രത്തിൽ പറയുന്നത്.

ഹൃദയ രേഖയ്ക്കും ബുദ്ധിരേഖയ്ക്കും ഇടയിലായി ക്രോസ് ചിഹ്നം വന്നാൽ .

ഹൃദയ രേഖയ്ക്കും ബുദ്ധിരേഖയ്ക്കും ഇടയിലായി വരുന്ന  ക്രോസ് ചിഹ്നം മിസ്റ്റിക്  ക്രോസ് എന്നാണ് അറിയപ്പെടുന്നത്. പൊതുവെ മോതിര വിരലിനോ നാടുവിരലിനോ താഴെയായി കയ്യുടെ മധ്യഭാഗത്തു കാണുന്ന ചിഹ്നമാണ് . ഈ ചിഹ്നം കയ്യിലുള്ളവർ ദൈവീകമായി അനുഗ്രഹം ഉള്ളവരാണ്. ആപത്തിൽ നിന്നും ജീവിതത്തിലെ മോശം സാഹചര്യത്തിൽ നിന്നും കരകയറാൻ ഇക്കൂട്ടർക്ക് കഴിയും . 40 കഴിഞ്ഞാൽ സാമ്പത്തിക അഭിവൃദ്ധിയും രാജയോഗവും ലഭിക്കുമെന്നാണ് പറയപ്പെടുന്നത്  

പെരുവിരലിൽ നെന്മണി ചിഹ്നം വന്നാൽ 

പെരുവിരലിൽ കാണപ്പെടുന്ന  നെന്മണി ചിഹ്നം യവ ചിഹ്നം എന്നാണ് അറിയപ്പെടുന്നത്. സാമ്പത്തികമായി രാജയോഗത്തെ സൂചിപ്പിക്കുന്ന ഒരു ചിഹ്നം ആണിത് . കൂടാതെ സാഹചര്യത്തിന് അനുസരിച്ചു പെരുമാറാൻ ഇക്കൂട്ടർക്ക് അസാമാന്യ കഴിവും ഉണ്ടാവും .

സൂര്യമണ്ഡലത്തിന് താഴെ ക്രോസ് ചിഹ്നം വന്നാൽ

മോതിര വിരലിനു താഴെയുള്ള ഭാഗമാണ് സൂര്യ മണ്ഡലം. ഈ ഭാഗത്തു ക്രോസ് ചിഹ്നം വന്നാൽ സാമ്പത്തിക നഷ്ടം ഉണ്ടാവാനുള്ള സാധ്യത കൂടുതലാണ് . തൊഴിൽ തടസ്സം നേരിടാൻ ഇടയുണ്ട് . എപ്പോഴും ആശങ്കയുള്ളവർ ആയിരിക്കും ഇക്കൂട്ടർ . സാമ്പത്തിക കാര്യങ്ങൾ കൈകാര്യം ചെയ്യുമ്പോൾ അധിക ശ്രദ്ധ പുലർത്തണം  

ലേഖകൻ 

ജ്യോതിഷഭൂഷണം പ്രജീഷ് .ബി.നായർ, 

ശിവപാർവതീ ജ്യോതിഷാലയം , 

നാലുകോടി പി. ഒ, 

ചങ്ങനാശ്ശേരി  

Ph : 9562988304

കൂടുതൽ വിവരങ്ങൾക്ക് സന്ദർശിക്കാം

pregeeshbnairastrologer youtube channel

English Summary : Symbols in Palm Tells About Life Success