sections
MORE

2019 മേയ് മാസത്തിലെ സമ്പൂർണഫലം

HIGHLIGHTS
  • 2019 മേയ് മാസം നിങ്ങൾക്കെങ്ങനെ ?
Monthly Prediction May
SHARE

മേടമാസം കഴിഞ്ഞ്  ഇടവമാസം ആരംഭിക്കുന്ന മാസമാണ്  മേയ്. ഈ മാസത്തിൽ സൂര്യൻ  മേടം രാശിയിലും  ഇടവം രാശിയിലുമായിട്ടാണു കാണപ്പെടുക.  നിരയന ഗണിതരീതി അനുസരിച്ച് മേയ് 15നു പകൽ 11.01നാണു സൂര്യൻ മേടം രാശിയിൽ നിന്ന് ഇടവം രാശിയിലേക്കു കടക്കുക. അതുകൊണ്ട് മേയ്  15നു ബുധനാഴ്ചയാണ് ഇടവം ഒന്നാംതീയതി.

സൂര്യന്റെ സ്ഥിതി അനുസരിച്ച് ഓരോ കൂറുകാർക്കും മേയ് മാസം എങ്ങനെ അനുഭവപ്പെടുമെന്നു നോക്കാം. 

മേടക്കൂറ് (അശ്വതി, ഭരണി, കാർത്തിക ആദ്യത്തെ കാൽഭാഗം)

മേടക്കൂറുകാർക്ക് മേയ് മാസത്തിൽ സൂര്യൻ  ജന്മക്കൂറിലും 2-ലുമായി നിൽക്കുന്നു. അതിനാൽ മാസത്തിന്റെ ആദ്യപകുതിയിൽ യാത്രയ്ക്ക് അവസരം ലഭിക്കും.  ധനനാശം, രോഗാരിഷ്ടം എന്നിവയും ഫലം. മാസത്തിന്റെ രണ്ടാമത്തെ പകുതിയിൽ കണ്ണിന് അസുഖം ഉണ്ടാകാനിടയുണ്ട്, കരുതൽ വേണം.  

ഇടവക്കൂറ് (കാർത്തിക അവസാനത്തെ മുക്കാൽ ഭാഗം, രോഹിണി, മകയിരം ആദ്യപകുതി)

ഇടവക്കൂറുകാർക്ക്  മേയ് മാസത്തിൽ സൂര്യൻ 12ലും ജന്മക്കൂറിലുമായിട്ടാണു നിൽക്കുന്നത്. അതിനാൽ സ്ഥാനമാറ്റം, ധനനഷ്ടം, രോഗാരിഷ്ടം എന്നിവ ഫലം. യാത്രയ്ക്ക് അവസരം ലഭിക്കും. മാസത്തിന്റെ രണ്ടാംപകുതിയിലാണ് നല്ല ഫലങ്ങൾ കൂടുതലും അനുഭവപ്പെടുക.

മിഥുനക്കൂറ് (മകയിരം അവസാനപകുതി, തിരുവാതിര, പുണർതം ആദ്യത്തെ മുക്കാൽ ഭാഗം)

മിഥുനക്കൂറുകാർക്ക് ഈ മാസം സൂര്യൻ 11-ൽ നിന്ന് 12-ലേക്കു കടക്കുന്നു. അതിനാൽ മേയ് 15 വരെ കാര്യങ്ങളിൽ വിജയം, ജോലിയിൽ ഉയർന്ന സ്ഥാനനേട്ടം. ഇടവം ഒന്നിന് ശേഷം സാമ്പത്തികനഷ്ടം, സ്ഥാനചലനം. 

കർക്കടകക്കൂറ് (പുണർതം അവസാനത്തെ കാൽ ഭാഗം, പൂയം, ആയില്യം)

കർക്കടകക്കൂറുകാർക്ക്  സൂര്യൻ 10-ൽ നിന്നു 11-ലേക്കു കടക്കുന്നു. അതിനാൽ മേയ്  മാസം മുഴുവൻ നല്ല ഫലം. കാര്യസിദ്ധി, ഇഷ്ടലാഭം, ശരീരസുഖം, വിജയം, സ്ഥാനനേട്ടം.

ചിങ്ങക്കൂറ് (മകം, പൂരം, ഉത്രം ആദ്യത്തെ കാൽ ഭാഗം)

ചിങ്ങക്കൂറുകാർക്ക്  സൂര്യൻ 9-ൽ നിന്നു 10-ലേക്കു കടക്കുന്നു. അതിനാൽ മേയ് 15  വരെ അനിഷ്ടങ്ങൾ, അസുഖം, ധനനഷ്ടം. മേയ് 16 മുതൽ കാര്യസിദ്ധി, ഇഷ്ടലാഭം, ശരീരസുഖം. 

കന്നിക്കൂറ് (ഉത്രം അവസാനത്തെ മുക്കാൽ ഭാഗം, അത്തം, ചിത്തിര ആദ്യപകുതി)

കന്നിക്കൂറുകാർക്ക് സൂര്യൻ 8-ൽനിന്ന് 9-ലേക്കു കടക്കുന്നു.  അതിനാൽ മേയ് മാസത്തിൽ പൊതുവേ ശരീരസുഖം കുറയും. ധനനഷ്ടം, രോഗഭീതി എന്നിവയും ഫലം.

തുലാക്കൂറ് (ചിത്തിര അവസാനപകുതി, ചോതി, വിശാഖം ആദ്യത്തെ മുക്കാൽ ഭാഗം)

തുലാക്കൂറുകാർക്ക് സൂര്യൻ 7-ൽ നിന്ന് 8-ലേക്കു കടക്കുന്നു. അതിനാൽ മേയ് മാസം പൊതുവേ ഗുണദോഷഫലങ്ങൾ. വയറുവേദന, ധനനാശം, ഭയം എന്നിവയും ഫലം. യാത്ര നടത്താൻ അവസരം ലഭിക്കും.  ആദ്യപകുതിയിൽ ഗുണഫലങ്ങളാണു കൂടുതലും അനുഭവപ്പെടുക.

വൃശ്ചികക്കൂറ് (വിശാഖം അവസാനത്തെ കാൽ ഭാഗം, അനിഴം, തൃക്കേട്ട)

വൃശ്ചികക്കൂറുകാർക്ക് സൂര്യൻ 6-ലും 7-ലുമായി നിൽക്കുന്നു. അതിനാൽ ഗുണദോഷമിശ്രമായ ഫലം. മേയ് മാസത്തിന്റെ ആദ്യപകുതിയിൽ കാര്യജയം, ആരോഗ്യം, സ്ഥാനനേട്ടം. 15-നു ശേഷം യാത്ര, അസുഖം, വയറുവേദന.

ധനുക്കൂറ് (മൂലം, പൂരാടം, ഉത്രാടം ആദ്യത്തെ കാൽ ഭാഗം)

ധനുക്കൂറുകാർക്ക് സൂര്യൻ 5-ലും 6-ലുമായി നിൽക്കുന്നു. അതിനാൽ  മേയ് പകുതി വരെ രോഗാരിഷ്ടം, ശത്രുശല്യം, ധനനഷ്ടം. പകുതിക്കു ശേഷം കാര്യജയം, ആരോഗ്യം, സ്ഥാനനേട്ടം. 

മകരക്കൂറ് (ഉത്രാടം അവസാനത്തെ മുക്കാൽ ഭാഗം, തിരുവോണം, അവിട്ടം ആദ്യപകുതി)

മകരക്കൂറുകാർക്ക് മേയ് മാസത്തിൽ സൂര്യൻ 4-ലും 5-ലുമായി നിൽക്കുന്നു. അതിനാൽ പൊതുവേ ശരീരസുഖം കുറയും. സുഹൃത്തുക്കളിൽ ചിലരുമായി വിരോധം, ശത്രുശല്യം, ധനനാശം എന്നിവയും ഫലം. 

കുംഭക്കൂറ് (അവിട്ടം അവസാനപകുതി, ചതയം, പൂരുരുട്ടാതി ആദ്യത്തെ മുക്കാൽ ഭാഗം)

കുംഭക്കൂറുകാർക്ക് സൂര്യൻ 3-ലും 4-ലുമായി നിൽക്കുന്നു. അതിനാൽ ഗുണദോഷമിശ്രമായ ഫലം. മേയ് പകുതി വരെ സ്ഥാനനേട്ടം, ശത്രുനാശം, ആരോഗ്യം. പകുതിക്കു ശേഷം ഇടവമാസം പിറക്കുന്നതോടെ ശരീരസുഖം കുറയും. 

മീനക്കൂറ് (പൂരുരുട്ടാതി അവസാനത്തെ കാൽ ഭാഗം, ഉത്തൃട്ടാതി, രേവതി)

മീനക്കൂറുകാർക്ക് സൂര്യൻ 2-ലും 3-ലുമായി നിൽക്കുന്നു. അതിനാൽ മേയ് മാസത്തിന്റെ ആദ്യപകുതിയിൽ കണ്ണിന് അസുഖം, ധനനഷ്ടം, വഞ്ചന എന്നിവ ഫലം. പകുതിക്കു ശേഷം സ്ഥാനമാനം, ശത്രുനാശം, ആരോഗ്യം എന്നിവ അനുഭവപ്പെടും.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN STAR PREDICTIONS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA