പുണർതം ; സമ്പൂർണ വർഷഫലം 2020

വിദ്യാർഥികൾക്ക്  കഴിഞ്ഞ വർഷം പരാജയങ്ങൾ അഭിമുഖീകരിക്കേണ്ടി വന്നു. ഈ  വർഷം പുനർ‌പരീക്ഷയിൽ അനുകൂലമായ വിജയംകൈവരിക്കുവാനും ഉപരിപഠനത്തിന് പ്രവേശനം ലഭിക്കാനും ഇടയുണ്ട്. പരീക്ഷ കൃത്യമായ രീതിയിൽ അവതരിപ്പിക്കുക വഴി വിചാരിക്കുന്നതിലുപരി അനുകൂലമായ വിജയം ഉണ്ടായി തീരും. പഠിച്ച വിദ്യയോടനുബന്ധമായ ഉദ്യോഗത്തിന് നിയമനാനുമതി ലഭിക്കും. മറ്റു ചിലർക്ക് അന്യദേശത്തൊ വിദേശത്തൊ ഉദേശിച്ച വിഷയത്തിൽ ഉപരിപഠന പ്രവേശനത്തിനു വേണ്ടി പരിശ്രമിക്കുകയും അന്തിമ നിമിഷത്തിൽ  അനുകൂലമായുള്ള പ്രവേശനം ലഭിക്കുവാനും സാധ്യത കാണുന്നുണ്ട്.

ഉദ്യോഗത്തിൽ സ്ഥാനകയറ്റം ലഭിക്കും എന്നു മാത്രമല്ല കുടുംബാംഗങ്ങളെയൊ ജീവിതപങ്കാളിയെയൊ ഒന്നിച്ചു താമസിപ്പി ക്കാൻ തക്കവണ്ണം സ്ഥാനകയറ്റത്തിനു യോഗമുണ്ട്. ആദ്യത്തെ പരിശീലനത്തിന്റെ ഭാഗമായി കുറച്ചുനാൾ ഗൃഹത്തിൽ നിന്നും വിട്ടു നില്‍ക്കുന്നതായിട്ടുള്ള സാഹചര്യം ഉണ്ടാകും എങ്കിലും, പിന്നീട് വളരെ ഉന്നതാധികാരത്തൊടു കൂടിയതായിട്ടുള്ള സ്ഥാനകയറ്റത്തൊടു കൂടിയ അവസരം വന്നു ചേരുവാനും യോഗമുണ്ട്. പഠിച്ച വിദ്യ പ്രാവർത്തികമാക്കുവാൻ സാധിക്കുന്നത് വഴി, ആത്മവിശ്വാസത്തൊടു കൂടി പുതിയ ചുമതലകള്‍ ഏറ്റെടുക്കുവാനിടയുണ്ട്. വ്യാപാരം, വിപണനം, വിതരണം എന്നീ മേഖലകളിൽ അഭൂത പൂർവമായിട്ടുള്ള വളർച്ച വന്നു ചേരുവാനും തന്മൂലം കുറെ പേർക്ക് ജോലിയുടെ അവസരം നൽകുവാനും സാധ്യത കാണുന്നുണ്ട്. ഈ ഒരു സാഹചര്യത്തിൽ സാമ്പത്തികമായ നേട്ടം കൈവരിക്കുവാനും സ്ഥിരമായിട്ടുള്ള നിക്ഷേപം എന്ന നിലയിൽ പുതിയതായിട്ടുള്ള ചില കർമ്മപദ്ധതികള്‍ അവലംബിക്കുവാനും സാധ്യത കാണുന്നു.

നിലവിലുള്ള ഗൃഹത്തിന് വാസ്തുശാസ്ത്ര പിഴവുണ്ട്  എന്നറിഞ്ഞതിനാൽ മറ്റൊരു ഭൂമി വാങ്ങി ഗൃഹം നിർമിക്കുന്നതിനെ പറ്റി പുനരാലോചിക്കുവാനും ആഗസ്റ്റ് മാസം മുതൽ തുടക്കം കുറിക്കുവാനും ഇടയുണ്ട്. 2020–22 ൽ ഗൃഹ നിർമ്മാണം പൂർത്തീകരിക്കത്തക്ക വിധത്തിലുള്ള പ്രവർത്തനങ്ങൾക്കാണ് തുടക്കം കുറിക്കുവാൻ സാധ്യതയുള്ളത്. വ്യക്തിത്വ വികസനത്തിന് തയ്യാറാകുന്നതു വഴി മാനസികമായിട്ടുള്ള സ്വസ്ഥത എല്ലാ പ്രകാരത്തിലും വന്നു ചേരും.സാമ്പത്തികമായിട്ടുള്ള പുരോഗതി ഉണ്ടാകുന്നതു വഴി വളരെ സമാധാനപരമായിട്ടുള്ള അന്തരീക്ഷം സംജാതമാകുവാനുള്ള യോഗം കാണുന്നു. അധികൃതരുടെ പ്രീതി നിമിത്തം ഉന്നത സ്ഥാനമാനങ്ങള്‍ വന്നു ലഭിക്കുവാനുള്ള സാധ്യത കാണുന്നു. ദമ്പതികൾക്ക് ഒരുമിച്ചു താമസിക്കുവാനുള്ള അവസരം എല്ലാ പ്രകാരത്തിലും വന്നു ചേരും. പരിശ്രമങ്ങൾക്ക് അനുകൂലമായിട്ടുള്ള ഫലം വന്നു ചേരുന്നതു വഴി സമാധാനപരമായിട്ടുള്ള അന്തരീക്ഷം സംജാതമാകുവാനുള്ള യോഗം കാണുന്നുണ്ട്.

കഴിഞ്ഞ വർഷം അനുഭവിച്ചു വന്നിരുന്ന സ്വസ്ഥത കേടുകൾക്കും സമാധാനകേടുകൾക്കും ഒരറുതി ഉണ്ടാവുകയും   ശ്രമകരമായിട്ടുള്ള പ്രവർത്തനങ്ങളിൽ ക്രമാനുകതമായുള്ള പുരോഗതി ഉണ്ടാകുന്നതു വഴി സമാധാനപരമായിട്ടുള്ള അന്തരീക്ഷം  വന്നു ചേരുവാൻ ഇടയുണ്ട്. ആത്മവിശ്വാസത്തൊടു കൂടി ഏറ്റെടുക്കുന്ന കാര്യങ്ങളിലെല്ലാം തന്നെ അനുകൂലമായുള്ള വിജയം കൈവരിക്കും. അധികാര സ്ഥാനങ്ങൾ ഏറ്റെടുക്കുന്നതും പുതിയ ഭരണ സംവിധാനം അവലംബിക്കുന്നതും സല്‍കീർത്തിക്കും സജ്ജനപ്രീതിക്കും വഴിയൊരുക്കും. മറ്റൊരു ഉദ്യോഗത്തിന് അവസരം വന്നു ചേരുവാനും ഇടയുണ്ട്. ആത്മവിശ്വാസത്തൊടു കൂടി പുതിയ കർമ്മപദ്ധതികളിൽ അനുകൂലമായ വിജയം കൈവരിക്കുന്നത് സൽകീർത്തിക്ക് വഴിയൊരുക്കും. സുതാര്യതയുള്ള സമീപനം സർവകാര്യ വിജയങ്ങൾക്കും വഴിയൊരുക്കുവാൻ ഇടയുണ്ട്.

ഗുരു കാരണവന്മാരുടെ അനുഗ്രഹാശിസ്സുകളൊടു കൂടി  പ്രവർത്തിക്കുവാനുള്ള അവസരം വേണ്ടവിധത്തിലവലംബിക്കുന്നത് അനുകൂലമായിട്ടുള്ള വിജയങ്ങൾക്ക് വഴിയൊരുക്കുവാൻ യോഗം കാണുന്നു. സത്യസന്ധവും നീതിയുക്തവുമായുള്ള സമീപനം സ്വീകരിക്കുക വഴി ഏതൊരു വിപരീതമായിട്ടുള്ള സാഹചര്യങ്ങളെയും അതിജീവിക്കുന്നതിനു വഴിയൊരുക്കും. പ്രത്യുപകാരം ചെയ്യുവാനുള്ള അവസരം വേണ്ട വിധത്തിൽ അവലംബിക്കുവാനിടയുണ്ട്. ഏതൊരു കാര്യവും തനതായ അർഥ വ്യാപ്തിയൊടു കൂടി അവലംബിക്കുന്നതു വഴി സൽകീർത്തി സജ്ജന പ്രീതി, പ്രതാപം, ഐശ്വര്യം എന്നിവയ്ക്ക് യോഗം കാണുന്നു. പുണ്യതീർഥ  യാത്രകള്‍ മംഗളകരമാക്കി തീർക്കുവാനും. വേണ്ടപ്പെട്ടവരെ ഉൾപ്പെടുത്തി കൊണ്ട് അവർക്കു കൂടി അനുകൂലമാവും വിധത്തിൽ അവലംബിക്കുവാനും സാധ്യത കാണുന്നുണ്ട്. വർഷങ്ങൾക്ക് മുമ്പ് വാങ്ങിയതായിട്ടുള്ള ഭൂമിക്ക് ഏറെക്കുറെ  തൃപ്തിയായ വിലക്ക് ആവശ്യക്കാർ വന്നു ചേരുന്നതു വഴി ഭൂമി വില്പനക്ക് അനുകൂലമായ സാഹചര്യങ്ങൾ വന്നു ചേരും.

ദുശ്ശീലങ്ങൾ ഉപേക്ഷിച്ച് സത്ശീലങ്ങൾ  സ്വീകരിക്കുവാനുള്ള മാനസികമായ തയ്യാറെടുപ്പുവഴി മാതാപിതാക്കളിൽ നിന്നും അനുമോദനങ്ങൾ വന്നു ചേരുവാനിടയുണ്ട്. സങ്കൽപം അനുസരിച്ച് ജീവിക്കുവാനുള്ള അവസരം മനസ്സമാധാനത്തിന് വഴിയൊരുക്കും. നിലവിലുള്ള ഗൃഹത്തിന്റെ അറ്റകുറ്റപണികൾക്ക് പ്രതീക്ഷിച്ചതിലുപരി പണചെലവ് അനുഭവപ്പെടുന്നതു വഴി കടം വാങ്ങേണ്ടതായ സാഹചര്യങ്ങള്‍  കാണുന്നു. പാരമ്പര്യ പ്രവർത്തികൾ അധുനിക സംവിധാനം അവലംബിച്ചു കൊണ്ട് മറ്റുള്ളവർക്കു കൂടി പകർന്നു കൊടുക്കുവാനുള്ള അവസരം വേണ്ടവിധത്തിൽ വിനിയോഗിക്കുന്നത്  നന്നായിരിക്കും. ഉദരനീർദോശ രോഗ പിഡകൾക്ക്, വ്യായാമ മുറകൾക്ക് പ്രാധാന്യം നൽകുകയും ഭക്ഷണക്രമീകരണങ്ങൾക്ക് വേണ്ട മാറ്റങ്ങൾ വരുത്തുകയും ചെയ്യുന്നത് ഒരു പരിധി വരെ രോഗാവസ്ഥകളെ പ്രതിരോധിക്കാൻ സാധിക്കും.   കഴിഞ്ഞവർ‌ഷം വിപരീതമായി  തീർന്നവ അനുകൂലമായി തീരുവാനുള്ള യോഗം കാണുന്നു.