ADVERTISEMENT

അവിട്ടം നക്ഷത്രത്തിൽ ജനിച്ചവർക്ക് 2021 ൽ വിദ്യാർഥികൾക്കും ഗവേഷകർക്കും അനുകൂലമായ സമയം. ഉപരിപഠനത്തിന് അവസരം ലഭിയ്ക്കും. ഏപ്രിൽ മാസം മുതൽ  സെപ്റ്റംബർ  മാസത്തിനുള്ളിലാണ് സ്വന്തമായി പരീക്ഷണ നിരീക്ഷണങ്ങൾ നടത്തുവാൻ അനുകൂലമായ സമയം കാണുന്നത്. പദ്ധതി സമർപ്പണത്തിൽ അനുകൂലമായ വിജയം കൈവരിക്കും. സാമ്പത്തിക മേഖലകളിൽ ക്രമാനുഗതമായ പുരോഗതി കാണുന്നു. ആരോഗ്യം തൃപ്‌തികരമായിരിക്കും. പകർച്ചവ്യാധി പിടിപെടുമോ എന്ന ആശങ്കകൾ ഒഴിവാക്കി പ്രവർത്തനമേഖലകളിൽ കൂടുതൽ ശ്രദ്ധ കേന്ദ്രീകരിക്കും. വിദേശത്തുള്ളവർക്ക് മാതാപിതാക്കളെ ഒരുമിച്ചു താമസിപ്പിക്കാനുള്ള അവസരം കാണുന്നു. കാർഷിക മേഖലകളിൽ ക്രമാനുഗതമായ പുരോഗതി കാണുന്നു. ജന്മസിദ്ധമായ കഴിവുകൾ പ്രകടിപ്പിക്കാനുള്ള അവസരം വേണ്ടവിധത്തിൽ വിനിയോഗിക്കും. സൽക്കീർത്തി, സജ്ജനപ്രീതി എന്നിവ ഉണ്ടാകും. 2022 ഒടുവിൽ പൂർത്തീകരിക്കുന്ന ബൃഹത് പദ്ധതികൾ ഏറ്റെടുക്കും. 

 

ദൂരദേശവാസത്തിനുള്ള യോഗം കാണുന്നു. സങ്കല്പങ്ങൾക്കനുസരിച്ച് പ്രവർത്തിക്കാനുള്ള അവസരം കാണുന്നു. കാര്യനിർവഹണശക്തി വർധിക്കും. ദമ്പതികൾക്ക് ഒരുമിച്ചു താമസിക്കാൻ തക്കവണ്ണം ഉദ്യോഗമാറ്റത്തിന് യോഗം കാണുന്നു. വികസനപ്രവർത്തനങ്ങൾക്ക് നേതൃത്വം നൽകാനുള്ള അവസരം വേണ്ടവിധത്തിൽ വിനിയോഗിക്കുന്നത് വളരെ ഗുണം ചെയ്യും. വിരോധികളായിരുന്ന പലരും അനുകൂലമായിത്തീരുവാനുള്ള  സാഹചര്യം കാണുന്നു. പുനഃപരീക്ഷയിൽ വിജയശതമാനം വർധിക്കും. വാസ്തുശാസ്ത്ര പ്രകാരം ഗൃഹത്തിൽ ചില മാറ്റങ്ങൾ വരുത്തും. മറ്റു ചിലർക്ക് ജീവിത സാഹചര്യങ്ങൾ അനുകൂലമായിത്തീരും. ജീവിതനിലവാരം വർധിക്കും. പുതിയ ഭൂമി വാങ്ങി ഗൃഹം നിർമിക്കാനുള്ള തീരുമാനം നല്ലതാണ്. സമർപ്പിക്കുന്ന പദ്ധതികളിലെല്ലാം തന്നെ അനുകൂലമായ വിജയം കൈവരിക്കും. അമിതമായ ആത്മവിശ്വാസം ഒഴിവാക്കണം. ബന്ധുമിത്രാദികളോടൊപ്പം വിനോദയാത്രയ്ക്കുള്ള അവസരം ഉണ്ടായിത്തീരും. നിർത്തിവച്ച പല പദ്ധതികളും പുനരാരംഭിക്കാൻ സാമ്പത്തിക സഹായം ലഭിയ്ക്കും. 

 

കുടുംബബന്ധത്തിന് പ്രാധാന്യം നൽകുന്ന മക്കളുടെയും പുത്രപൗത്രാദികളുടെയും സമീപനത്തിൽ ആശ്വാസം കാണുന്നു. ജന്മനാട്ടിൽ ഗൃഹം വാങ്ങുന്ന തീരുമാനത്തിൽ നിന്ന് പിന്മാറാനുള്ള സാധ്യത കാണുന്നു. തൊഴിലധിഷ്ഠിതമായിട്ടുള്ള പദ്ധതിയ്ക്ക് ചേരാനുള്ള അവസരം കാണുന്നു. വ്യാപാര മേഖലയിൽ വിപണന മേഖല വിപുലീകരിക്കും. ഉത്സാഹികളായ ഉദ്യോഗസ്ഥരെ നിയമിക്കും. മാതാപിതാക്കളുടെ അനുഗ്രഹാശ്ശിസുകളോടെ ചെയ്യുന്ന കാര്യങ്ങളിലെല്ലാം അനുകൂലമായ വിജയം കൈവരിക്കും. അധാർമ്മികമായ പ്രവർത്തികളിൽ നിന്ന് പിന്മാറി ധാർമ്മികമായി ഏറ്റെടുക്കുന്ന പ്രവർത്തികളിൽ എല്ലാം ജനപിന്തുണ ലഭിയ്ക്കും. രാഷ്ട്രീയ പ്രവർത്തനങ്ങളിൽ ആത്മാർഥമായി പ്രവർത്തിയ്ക്കും. ജനസമ്മിതി ലഭിയ്ക്കും. ബന്ധുമിത്രാദികളുടെ ആവശ്യങ്ങൾ നിറവേറ്റും. 

 

കുടുംബത്തിൽ സമാധാനമായ അന്തരീക്ഷം സംജാതമാകും. മാതാപിതാക്കളുടെ നിർദേശങ്ങൾ അനുസരിക്കുന്നത് ഗുണം ചെയ്യും. സന്ധിസംഭാഷണം, പരീക്ഷ, ഇന്റർവ്യൂ മുതലായവയിൽ അനുകൂലമായ വിജയം കൈവരിക്കും. വിദേശത്തുള്ളവർക്ക് പ്രതീക്ഷിച്ച നേട്ടം ഇല്ലാത്തതിനാൽ  ജോലി ഉപേക്ഷിച്ച് മറ്റൊരു ജോലിയ്ക്ക് ശ്രമിക്കുന്നത് നന്നായിരിക്കും. അർദ്ധമനസ്സോടുകൂടി ഏറ്റെടുക്കുന്ന വിഷയങ്ങളിൽ വിജയം കൈവരിക്കുന്നത് ആശ്വാസത്തിന് വഴിതെളിക്കും. ഔചിത്യമുള്ള സമീപനശൈലി സർവ്വാദരങ്ങൾക്കും വഴിയൊരുക്കും. ഭയഭക്തി ബഹുമാനത്തോടെ ചെയ്യുന്ന കാര്യങ്ങളിൽ വിജയം കൈവരിക്കുന്നത് വഴി സൽക്കീർത്തി, സജ്ജനപ്രീതി, പ്രതാപം, ഐശ്വര്യം എന്നിവ എല്ലാപ്രകാരത്തിലും വന്നു ചേരുവാൻ അവിട്ടം നക്ഷത്രക്കാർക്ക് 2021 ൽ യോഗം കാണുന്നു.

English Summary :  Avittam Birth Star / Yearly Horoscope 2021 by Kanippayyur

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com