sections
MORE

തിരുവോണം ; സമ്പൂർണ വർഷഫലം 2021 : കാണിപ്പയ്യൂർ

HIGHLIGHTS
  • 2021 പുതുവർഷം തിരുവോണം നക്ഷത്രക്കാർക്കെങ്ങനെ?
Thiruvonam-yearly-horoscope-2021
SHARE

തിരുവോണം നക്ഷത്രത്തിൽ ജനിച്ചവർക്ക് 2021 ൽ വിദ്യാർഥികൾക്ക് അനുകൂലമായ സമയം. പരാജയഭീതികളെല്ലാം അതിജീവിക്കും. ഉദ്യോഗാർഥികൾക്ക്  ജനുവരി 15 നു ശേഷം സമയം അനുകൂലം. ഏപ്രിൽ മാസം മുതൽ സാമ്പത്തിക നേട്ടം കാണുന്നു. നിലനില്പിനനുകൂലമായ ഉദ്യോഗം ലഭിക്കും. കുടുംബാംഗങ്ങളെ ഒരുമിച്ചു താമസിപ്പിക്കും. വ്യവസായ വ്യാപാര മേഖലകൾ വിപുലീകരിക്കും. ഏപ്രിൽ മാസത്തിൽ ഗൃഹപ്രവേശന കർമ്മത്തിനുള്ള യോഗം കാണുന്നു. തീരുമാനങ്ങളിൽ ഔചിത്യമുണ്ടാകുന്നത് വഴി  ആശ്വാസം തോന്നും. വന്നു ചേരുന്ന അധികാരപരിധി വേണ്ട വിധത്തിൽ ആത്മാർഥമായി ചെയ്തു തീർക്കും. ജീവിത നിലവാരം വർധിയ്ക്കും. സെപ്റ്റംബർ മാസം മുതൽ വാഹനം മാറ്റി വാങ്ങാനുള്ള യോഗം കാണുന്നു. ആരാധനാലയ ദർശനം സഫലമാകും. നേർന്നു കിടക്കുന്ന വഴിപാടുകൾ ചെയ്തു തീർക്കും. 

നിരവധി കാര്യങ്ങൾ സമയപരിധിയ്ക്കുള്ളിൽ ചെയ്തു തീർക്കുന്നത് വഴി  ആശ്ചര്യമനുഭവപ്പെടും. അഹംഭാവം ഒഴിവാക്കണം. കൃത്യനിർവഹണത്തിൽ ലക്ഷ്യപ്രാപ്തി നേടും. പ്രവർത്തനമണ്ഡലങ്ങളോട് ബന്ധപ്പെട്ട് അധികാരപരിധി വന്നു ചേരുന്നത് ആത്മാർഥമായി ഏറ്റെടുക്കുകയും ലക്ഷ്യപ്രാപ്‌തി നേടുകയും ചെയ്യന്നത് വഴി സാമ്പത്തിക നേട്ടം കാണുന്നു. പഠിച്ച വിദ്യയോടനുബന്ധമായി ജോലി ലഭിയ്ക്കും. വിദേശപര്യടനത്തിനുള്ള യോഗം കാണുന്നു. ശമ്പളവർധന മുൻകാല പ്രാബല്യത്തോടെ ലഭിയ്ക്കും. വ്യാപാരത്തിൽ അഭൂതപൂർവ്വമായ വളർച്ചയും നേട്ടവും കാണുന്നു. പുതിയ ഭരണസംവിധാനം സ്വീകരിയ്ക്കും. ഭാവനകൾ യാഥാർഥ്യമാകും. 

 കുടുംബജീവിതം സന്തോഷകരമാകും. ദമ്പതികൾക്ക് ഒരുമിച്ചു താമസിക്കാൻ തക്കവണ്ണം തൊഴിൽ ക്രമീകരിക്കും. കലാകായിക മത്സരങ്ങളിൽ അനുകൂലമായ വിജയം കൈവരിക്കും. രാഷ്ട്രീയ മത്സരങ്ങളിൽ അനുകൂലമായ വിജയം കൈവരിക്കും. നേതൃസ്ഥാനം വഹിക്കാനുമുള്ള യോഗം കാണുന്നു. ഉദ്യോഗത്തിൽ നിന്ന് അവധിയെടുക്കേണ്ടതായ സാഹചര്യം കാണുന്നു. ദൂരദേശത്ത് ജോലി ഉള്ളവർ ജോലി രാജിവച്ച് ജന്മനാട്ടിൽ ഗൃഹനിർമാണപ്രവർത്തനങ്ങൾ പൂർത്തീകരിച്ച് സ്ഥിരതാമസമാക്കാനുള്ള യോഗം കാണുന്നു. ആചാരാനുഷ്ടാനങ്ങൾ  പിന്തുടരുവാനുള്ള തീരുമാനം കൈക്കൊള്ളുന്നത്  സമാധാനപരമായിട്ടുള്ള ജീവിതം നയിക്കുവാൻ സഹായിക്കും. 

ഗൗരവമുള്ള വിഷയങ്ങൾ ലാഘവത്തോടെ ചെയ്‌തു  തീർക്കും. കാർഷിക മേഖലകളിൽ സമാന ചിന്താഗതിയുള്ളവരെ ഉൾപ്പെടുത്തിക്കൊണ്ട്  വിപുലമാക്കാനുള്ള സാധ്യത കാണുന്നു. നിശ്ചയദാർഢ്യത്തോടെയുള്ള പ്രവർത്തനങ്ങൾ  സഫലമാകും. മഹത് വ്യക്തികളുടെ ആശയങ്ങൾ ജീവിതത്തിൽ പകർത്താൻ തയാറാകുന്നത് ആശ്വാസത്തിന് വഴിയൊരുക്കും. വസ്തു തർക്കം പരിഹരിക്കാൻ വിട്ടുവീഴ്ചാ മനോഭാവം സ്വീകരിക്കേണ്ടതാണ്. മാതാപിതാക്കളുടെ ആഗ്രഹങ്ങൾ നിറവേറ്റും. സന്താനസൗഭാഗ്യത്തിനുള്ള യോഗം കാണുന്നു. വ്യക്തിതാല്പര്യം പ്രയോജനപ്പെടുത്തും. തിരുവോണം നക്ഷത്രക്കാർക്ക് എല്ലാ വിധത്തിലുമുള്ള അനിഷ്ടങ്ങളെയും അതിജീവിച്ച് സർവ വിധത്തിലുള്ള സൗഭാഗ്യങ്ങളും ലഭിയ്ക്കുവാൻ 2021 ൽ യോഗം കാണുന്നു.

English Summary :  Thiruvonam Birth Star / Yearly Horoscope 2021 by Kanippayyur 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN STAR PREDICTIONS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA