മേയ് 23 നു ശനി വക്രത്തിലേയ്ക്ക് , ഈ നാളുകാർ ശ്രദ്ധിക്കണം
Mail This Article
മകരം രാശിയിൽ തിരുവോണം നക്ഷത്രത്തിൽ സഞ്ചരിച്ചുകൊണ്ടിരിക്കുന്ന ശനി 2021 മേയ് മാസം 23 ആം തീയതി മുതൽ 141 ദിവസം അതായത് ഒക്ടോബർ 11 വരെ വക്ര ഗതിയിലാണ് . ഈ വക്രഗതി ലോകത്തിനകമാനവും ചില നക്ഷതക്കാർക്ക് പ്രത്യേകിച്ചും അതീവ ദോഷഫലദാനശേഷിയുള്ളതാണ് . മകരം രാശിയുടെ ഏതാണ്ട് മദ്ധ്യത്തിലായി സഞ്ചരിക്കുന്ന ശനിക്കു സംഭവിക്കുന്ന ഈ വക്രഗതിക്കാലത്ത് ജൂൺ 02 മുതൽ ജൂലൈ 20 വരെ ശനിയും ചൊവ്വയുമായി പരസ്പര ദൃഷ്ടിയിൽ അഗ്നിമാരുത യോഗം കൂടി സംജാതമാകുന്നുണ്ട് . കോവിഡ് പ്രതിസന്ധിയിൽ വലയുന്ന ലോകത്തിന് ശനിയുടെ ഈ വക്രഗതി വളരെ പ്രതികൂലമായ കാലമാണ്.
പരാശര ഹോര , ജൈമിനി ഹോര ഇവയെ അടിസ്ഥാനമാക്കി ഈ വക്രഗതിക്കാലം എപ്രകാരം ആയിരിക്കും എന്ന് പരിശോധിക്കുകയാണ് ഇവിടെ. കേവലം ഏതാനും നാളുകാർക്കുള്ള ദോഷഫല പ്രവചനം എന്നതിലുപരിയായി ലോകത്തെ തന്നെ ബാധിക്കുന്ന ഒരു ദുരിതകാലമായിരിക്കും ഈ ശനി വക്രക്കാലം.
ലോക രാഷ്ട്രങ്ങൾ തമ്മിൽ നിലനിൽക്കുന്ന പരസ്പര ധാരണ നഷ്ടമാവുക , പ്രകൃതി ക്ഷോഭങ്ങൾ , പ്രത്യേകിച്ച് കടൽക്ഷോഭം , ചുഴലിക്കാറ്റ് , അഗ്നിപർവത സ്ഫോടനം , വാഹന ദുരന്തങ്ങൾ എന്നിവയ്ക്ക് വലിയ സാദ്ധ്യതയാണുള്ളത് . പൊതു രംഗത്ത് വളരെ പ്രശസ്തരായവർക്ക് ജീവഹാനി സംഭവിക്കുക, അവർ അപമാനിതരാവുക എന്നിവയും സംഭവിക്കാം .
സ്വാഭാവികമായും ചില പ്രത്യേക നാളുകാർക്ക് ഈ പ്രതിഭാസം കൂടുതൽ ദോഷകരം ആണ് .
അതിൽ താരതമ്യേന ദോഷാധിക്യമുള്ളത് ശനി സഞ്ചരിക്കുന്ന തിരുവോണം നക്ഷത്രക്കാർക്കാണ് . തിരുവോണത്തിന്റെ വേധ നക്ഷത്രമായ തിരുവാതിരക്കാർ , ശനിയുടെ ദൃഷ്ടി പതിയുന്ന ഉത്തൃട്ടാതി , പൂയം , വിശാഖത്തിന്റെ ആദ്യപാദക്കാർ , ശനി സഞ്ചരിക്കുന്ന നക്ഷത്രത്തിന്റെ ചില പ്രത്യേക ഭാഗകളിൽ വരുന്ന പൂരാടം , ഭരണി , പൂരം , തൃക്കേട്ട , ആയില്യം തുടങ്ങിയ നക്ഷത്രക്കാരെയും ശനിയുടെ ഈ വക്രഗതി വളരെ പ്രതികൂലമായി ബാധിക്കുന്നതിന് ഇടയുണ്ട് .
ഇപ്പോൾ പ്രതികൂല ശനി ദശാകാലം അനുഭവിക്കുന്നവർ ജാതകത്തിൽ ശനി മേടം , കർക്കടകം , ചിങ്ങം വൃശ്ചികം , ധനു രാശികളിൽ ഉള്ളവർ ജനന സമയത്ത് ശനി രാശി സന്ധിയിൽ നിൽക്കുന്നവർ തുങ്ങിയവരും ശനിക്കു വക്രം സംഭവിക്കുന്ന 141 ദിവസങ്ങൾ കരുതലോടെ ഇരിക്കണം .
മുകളിൽ സൂചിപ്പിച്ച നാളുകാർക്ക് ദോഷങ്ങൾ എപ്രകാരം ആയിരിക്കുമെന്ന് നോക്കാം
തിരുവോണം :
കടുത്ത ആരോഗ്യ വിഷമതകൾ, ധനപരമായ പ്രശ്ങ്ങൾ, തൊഴിൽ രംഗത്ത് തടസ്സങ്ങൾ പലതരത്തിലുള്ള സാമ്പത്തിക വിഷമതകൾ എന്നിവ അനുഭവിക്കും. മനസ്സിൽ ഉദ്ദേശിച്ച കാര്യങ്ങൾ നടപ്പിലായി എന്നുവരില്ല . നടപ്പിലാക്കുവാൻ ഉദ്ദേശിച്ച പല കാര്യങ്ങളും തൊട്ടടുത്തെത്തി അകന്നു പോവുന്ന സ്ഥിതി ഉണ്ടാവും.
തിരുവാതിര :
ആരോഗ്യ വിഷമതകൾ ഉണ്ടാവാതെ ശ്രദ്ധിക്കണം. കാലികമായ രോഗ ദുരിത സാദ്ധ്യത അധികരിച്ചു നിൽക്കുന്നു . കൂടാതെ എല്ലുകൾക്കും പല്ലുകൾക്കും ക്ഷതം സംഭവിക്കാം. വാതജന്യ രോഗങ്ങൾ കലശലാകുന്നതിനും സാദ്ധ്യത .
ഭരണി :
തൊഴിൽ പരമായ തിരിച്ചടികൾ നേരിടും. തൊഴിൽ നഷ്ടം സംഭവിക്കാം. ഉള്ള ജോലികളിൽ നിന്ന് വിട്ടുനിൽക്കേണ്ടി വരാം. പണം കടം വാങ്ങേണ്ടി വരാം .
ഉത്തൃട്ടാതി :
ആശുപത്രി വാസം , ഔഷധസേവ എന്നിവ വേണ്ടി വരും. അടുത്ത ബന്ധുക്കൾ സുഹൃത്തുക്കൾ എന്നിവരുമായി അഭിപ്രായഭിന്നത ഉടലെടുക്കും. അതെ തുടർന്നുള്ള മനോവിഷമം , പോലീസ് കേസുകൾ ഉണ്ടാവാൻ സാദ്ധ്യതയുണ്ട് .
മകം :
മാനസികമായ ഭയം , ധനനഷ്ടം , അടുത്ത ബന്ധുക്കൾക്ക് രോഗദുരിതം , പഠനത്തിൽ അലസത , അകാരണമായ വാക്കുതർക്കം , ബിസിനസ്സിൽ ധന നഷ്ടം , ബന്ധു ജനങ്ങളിൽ നിന്ന് ഒറ്റപ്പെടൽ എന്നിവ ഉണ്ടാവാം.
പൂരം :
ശാരീരികവും മാനസികവുമായ വിഷമതകൾ. സന്താനങ്ങൾമൂലം വിഷമിക്കും. ബന്ധുക്കളുമായി കലഹം. സാമ്പത്തിക ക്ലേശം. സഹപ്രവർത്തകർ, അയൽവാസികൾ എന്നിവരിൽ നിന്ന് എതിർപ്പുകൾ എന്നിവ പ്രതീക്ഷിക്കാം.
വിശാഖത്തിന്റെ ആദ്യപാദം :
തൊഴിൽ നഷ്ടം , സാമ്പത്തിക പ്രതിസന്ധി , രോഗാവസ്ഥയിൽ കഴിയുന്നവര്ക്ക് വിഷമതകൾ , ഉദ്യോഗാര്ഥികള്ക്ക് പ്രതികൂല ഫലങ്ങൾ എന്നിവയുണ്ടാവും.
പൂയം :
കേസ്, വ്യവഹാരങ്ങൾ എന്നിവയെ നേരിടേണ്ടി വരും. തൊഴിൽ രംഗത്ത് അവിചാരിത മാറ്റങ്ങൾ , മാനസികമായ നിരാശ വർധിക്കും .
ആയില്യം :
അടുത്ത ബന്ധുക്കൾക്ക് രോഗദുരിതം തുടർന്ന് അലച്ചിൽ, പണച്ചെലവ് , മാനസികമായ നിരാശ, ചെറിയ അപകടങ്ങൾ ഉണ്ടാവാൻ സാദ്ധ്യത കാണുന്നു .
പൂരാടം :
ധനപരമായി വലിയ വിഷമതകൾ നേരിടുന്ന സമയമാണ്. ഹൃദയ സംബന്ധമായ അരിഷ്ടതകൾ. ഇഷ്ടജനങ്ങളെ പിരിഞ്ഞു കഴിയേണ്ടിവരും. പെട്ടെന്നുള്ള ഭവനമാറ്റത്തിന് സാധ്യത.
തൃക്കേട്ട:
അലസത മൂലം പ്രവർത്തനങ്ങൾ തടസ്സപ്പെടും. സാമ്പത്തികമായ നഷ്ടങ്ങൾ. ജീവിത പങ്കാളിക്ക് രോഗദുരിതമുണ്ടാകും. എതിരാളികൾ പ്രബലരാവും. വ്യവഹാരത്തിൽ തിരിച്ചടികൾ. ആരോഗ്യ പരമായ കടുത്ത വിഷമതകൾ രോഗദുരിതങ്ങൾ അനുഭവിക്കാനിടയുള്ള കാലമാണ് .
English Summary : Effect of Saturn Transit 2021