sections
MORE

1197 മലയാള പുതുവർഷഫലം ധനുക്കൂറുകാർക്ക് എങ്ങനെ?

HIGHLIGHTS
  • 1197 ചിങ്ങം 01 മുതൽ ഒരു വർഷത്തേക്കുള്ള ഫലം
1197-malayalam-new-year-prediction-dhanukooru
SHARE

ഈ വർഷം കൂടി ഏഴരശനി ദോഷകാലം (മേടം 15 മുതൽ മിഥുനം 28 വരെയുള്ള അവസരം ശനി മൂന്നിലൊഴിച്ച്)  തുടരുകയാണ്. അതുകൊണ്ട് ശനിയാഴ്‌ച വ്രതം മുതലായ ശനിപ്രീതികർമങ്ങൾ  അനുഷ്ഠിക്കണം. തന്മൂലം ബാലാരിഷ്ടം, അപകടസന്ധി, വിദ്യാഭ്യാസ ഭംഗം, ഗുരുജന വിരോധം, പരാജയഭീതി, തൊഴിലിനുവേണ്ടി അലച്ചിൽ, സ്വദേശത്തായാലും വിദേശത്തായാലും ജോലിക്ക് പ്രശ്‌നം, കിട്ടാനുള്ള ധനം തന്നെ തടസ്സപ്പെട്ടു കിട്ടാതെ വരിക, മംഗളകാര്യതടസ്സം, ദാമ്പത്യത്തിൽ പ്രശ്നങ്ങൾ, കുടുംബത്തിൽ ക്ലേശം, സന്താനാരിഷ്ടം, യാത്രഭംഗം, കൃഷി, കച്ചവടം തുടങ്ങിയ മേഖലയിൽ ആണെങ്കിലും നാശനഷ്ടം, വർക് ഷോപ്പ് മുതലായ വ്യവസായ രംഗങ്ങളിൽ സാമ്പത്തിക കുരുക്ക്, ജപ്‌തി ഭീഷണി, ഭൂമി, ഗൃഹം, വാഹനം മുതലായവയ്ക്ക് നാശനഷ്ടം, വ്യവഹാര പരാജയം, മർദനം, പീഡനം, ബന്ധനം മുതലായ ശിക്ഷണ നടപടികൾ, ബഹുവ്യയം, ദേഹാരിഷ്ടം, അഗ്നി, ആയുധം, ജലം, വൈദ്യുതി എന്നിവകളിൽ നിന്നും അപകടസന്ധി, തനിക്കോ വേണ്ടപ്പെട്ടവർക്കോ വേണ്ടി ആശുപത്രി വാസം, രോഗക്ലേശം, തനിക്കോ വേണ്ടപ്പെട്ടവർക്കോ മൃത്യുക്ലേശാദി ദുഃഖങ്ങൾ തുടങ്ങിയ ഗൗരവമുള്ള ദോഷങ്ങളെ തരണം ചെയ്യുവാൻ കഴിയും. 

ജനനതിയതി പ്രകാരം 1197 കൊല്ലവർഷം നിങ്ങൾക്കെങ്ങനെ?

ചിങ്ങം 01 മുതൽ 29 വരെയും അതിനുശേഷം വൃശ്ചികം 05 മുതൽ മീനം 30 വരെയും വ്യാഴം 3 ൽ നിൽക്കുന്നു.  ചിങ്ങം 29 മുതൽ വൃശ്ചികം 5 വരെ വ്യാഴം 2 ൽ  നിൽക്കുന്നതിനാൽ ഈശ്വരാധീനം കിട്ടും.  ഏതു രംഗത്തായാലും പുരോഗതിയും ഉണ്ടാകും. വിദ്യാഭ്യാസ പുരോഗതി, പരീക്ഷാജയം, സ്വദേശത്തോ വിദേശത്തോ ജോലിലാഭം, മറ്റു രംഗങ്ങളിലായാലും ആദായ വർധന, യുവതീയുവാക്കൾക്ക് വിവാഹസിദ്ധി മറ്റുള്ളവർക്ക് വേണ്ടപ്പെട്ടവരുടെ വിവാഹത്തിൽ പങ്കെടുത്ത് സംതൃപ്‌തി, നവദമ്പതികൾക്ക് സന്താനലാഭം എന്നിവയും ഫലങ്ങളാണ് .

English Summary : 1197  Malayalam New Year Prediction for Dhanukooru

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN STAR PREDICTIONS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

തമാശയിൽ തുടങ്ങിയത് അനുഗ്രഹമായി | Johny Antony | Candid Talks

MORE VIDEOS
FROM ONMANORAMA