ഈ ആഴ്ച ഓരോ നക്ഷത്രക്കാർക്കും എങ്ങനെ? കാണിപ്പയ്യൂർ

അശ്വതി:

അവഗണിക്കപ്പെടുന്ന അവസ്ഥാവിശേഷങ്ങൾ മാറി പരിഗണിക്കപ്പെടുന്നതിൽ അധികൃതരോട് ആദരവു തോന്നും. ചിരകാലാഭിലാഷ പ്രാപ്തിയായ വിദേശയാത്രയ്ക്ക് അനുമതി ലഭിക്കും. അനാവശ്യ കാര്യങ്ങൾ ചിന്തിച്ച് ആധി വർധിക്കും.

ഭരണി:

അധികച്ചുമതലകൾ ഏറ്റെടുക്കുവാൻ നിർബന്ധിതനാകും. സത്യസന്ധമായ പ്രവർത്തനങ്ങളാൽ മേലധികാരിയുടെ മിഥ്യാധാരണകൾ നീങ്ങും. കീഴ്ജീവനക്കാരുടെ സഹായത്താൽ പുതിയ കരാർ ജോലികൾ ഏറ്റെടുക്കുവാനിട വരും.

കാർത്തിക: പുനരാലോചനയിൽ ദീർഘകാല പദ്ധതികൾക്കു രൂപകൽപന ചെയ്യും. പഠിച്ച വിഷയത്തോടനുബന്ധമായ ഉദ്യോഗത്തിനു നിയമനാനുമതി ലഭിക്കും. വർധിച്ചുവരുന്ന ഉത്തരവാദിത്തങ്ങൾ ഏറ്റെടുക്കും. സംശയാസ്പദമായ സാഹചര്യങ്ങൾ സ്ഥിരീകരിക്കും. 

രോഹിണി:

കുടുംബത്തിലെ ചിലരുടെ മനോഭാവത്താൽ മാറിത്താമസിക്കുവാൻ തീരുമാനിക്കും. പ്രത്യുപകാരം ചെയ്യുവാൻ അവസരമുണ്ടാകും. ജീവിതപങ്കാളിയുടെ സംശയങ്ങൾക്കു വിശദീകരണം നൽകുവാൻ തയാറാകും.  കൃത്യനിർവഹണത്തിൽ ലക്ഷ്യപ്രാപ്തി കൈവരിക്കും. 

മകയിരം:

വർധിച്ചു വരുന്ന ഉത്തരവാദിത്തങ്ങൾ ഏറ്റെടുക്കുന്നതിൽ ആത്മാഭിമാനവും ആത്മവിശ്വാസവും തോന്നും. വിദ്യാർഥികൾക്ക് ഉദാസീന മനോഭാവം വർധിക്കും.  സാമ്പത്തിക നേട്ടമുണ്ടാകുമെങ്കിലും ചെലവിനങ്ങളിൽ നിയന്ത്രണം വേണം.  

തിരുവാതിര:

വർഷങ്ങൾക്കുശേഷം സഹപാഠികളെ കാണുവാനും ഗതകാല സ്മരണകൾ പങ്കുവയ്ക്കുവാനും അവസരമുണ്ടാകും.   ചെലവിനങ്ങൾക്കു നിയന്ത്രണം ഏർപ്പെടുത്തും. ഭക്ഷ്യവിഷബാധയേൽക്കാതെ സൂക്ഷിക്കണം. 

പുണർതം:

വികസന പ്രവർത്തനങ്ങൾക്കു തടസ്സം നിൽക്കുന്ന ജോലിക്കാരെ പിരിച്ചുവിടുവാൻ നടപടികൾ സ്വീകരിക്കും.   മാതാപിതാക്കളുടെ ഹിതമനുസരിച്ചു പ്രവർത്തിക്കും.   

പൂയം:

നടപടിക്രമങ്ങളിൽ അപാകതകൾ ഉണ്ടാകാതിരിക്കുവാൻ വിദഗ്ധ നിർദേശം തേടും. വ്യവസ്ഥകൾക്കതീതമായി പ്രവർത്തിക്കുവാൻ സാധിക്കുന്നതിനാൽ ആത്മാഭിമാനം തോന്നും.  പൊതുപ്രവർത്തനങ്ങളിൽ സജീവമാകുവാൻ സാധിക്കും. 

ആയില്യം:

തൃപ്തിയായ വിഷയത്തിൽ ഉപരിപഠനത്തിനു ചേരും. യുക്തിയുക്തമായ സമീപനത്താൽ സാമ്പത്തിക പ്രതിസന്ധി തരണം ചെയ്യുവാൻ സാധിക്കും. വിശ്വാസയോഗ്യമായ പ്രവർത്തനങ്ങളിൽ ആത്മാർഥമായി പ്രവർത്തിക്കുവാനുള്ള സാഹചര്യം ഉണ്ടാകും.   സമർപ്പിക്കുന്ന പദ്ധതികൾക്ക് അംഗീകാരം ലഭിക്കും. 

മകം:

മാതാപിതാക്കളുടെ ആവശ്യങ്ങൾ നിറവേറ്റും. സത്യസന്ധമായ പ്രവർത്തനങ്ങളാൽ സർവകാര്യവിജയം നേടും. മക്കളുടെ ഉയർച്ചയിൽ അഭിമാനവും ആശ്വാസവും ഉണ്ടാകും. കാർഷിക മേഖലയിൽ സംയുക്ത സംരംഭങ്ങൾക്കു തയാറാകും. വിദേശ ഉദ്യോഗം നഷ്ടപ്പെടും. ശ്രമകരമായ പ്രവർത്തനങ്ങൾക്കു സഹപ്രവർത്തകരുടെ സഹായമുണ്ടാകും. കരാർ ജോലികളിൽനിന്നു ലാഭവിഹിതം കുറയും.

 പൂരം:

പവിത്രമായ കാര്യങ്ങൾ തനതായ അർഥമൂല്യങ്ങളോടു കൂടി പ്രവർത്തിക്കുന്നതിനാൽ ആത്മസംതൃപ്തിയുണ്ടാകും. നിശ്ചയദാർഢ്യത്തോടു കൂടി പ്രവർത്തിക്കുന്നതിനാൽ തൊഴിൽപരമായ അനിഷ്ടങ്ങൾ ഒഴിവാകും. ഭൂമിവിൽപനയ്ക്കു കാലതാമസം നേരിടും. ആരോപണം വന്നുചേരുമെങ്കിലും നിരപരാധിത്വം തെളിയിക്കുവാൻ സാധിക്കും. സമർപ്പിക്കുന്ന പദ്ധതികൾക്ക് അന്തിമ നിമിഷത്തിൽ അംഗീകാരം ലഭിക്കും.

ഉത്രം:

പലപ്പോഴും വൈകി ഉണരുന്ന വിവേകത്താൽ നല്ല അവസരങ്ങൾ നഷ്ടമാകും. ഭാവനകൾ യാഥാർഥ്യമാകുവാൻ സുഹൃത് സഹായം തോടും. വിശ്വാസയോഗ്യമല്ലാത്ത പ്രവൃത്തികളിൽനിന്നു നിരുപാധികം പിന്മാറും.  

അത്തം:

അനുഭവജ്ഞാനത്താൽ സുഖദുഃഖങ്ങൾ ഒരുപോലെ സ്വീകരിക്കുവാനുള്ള മാനസികാവസ്ഥ സംജാതമാകും.  അവധിയെടുത്തു മംഗളകർമങ്ങളിൽ പങ്കെടുക്കും. അനാവശ്യ ചിന്തകൾ ഉപേക്ഷിക്കണം.  

 ചിത്തിര:

ഭാവിയിൽ സുരക്ഷിതവും സ്ഥിരവരുമാനവുമുള്ള പ്രവർത്തനമേഖലകൾക്കു തുടക്കം കുറിക്കും. പുനഃപരീക്ഷ, കലാകായിക മത്സരങ്ങൾ എന്നിവയിൽ ശോഭിക്കും. വസ്തുതർക്കം മധ്യസ്ഥർ മുഖാന്തരം പരിഹരിക്കും. 

ചോതി:

വിവിധങ്ങളായ പ്രവർത്തനങ്ങൾ നിശ്ചിത സമയപരിധിക്കുള്ളിൽ തൃപ്തിയോടു കൂടി ചെയ്തുതീർക്കുവാൻ സാധിക്കും. ജീവിതപങ്കാളിയുടെ നിർദേശങ്ങൾ പലപ്പോഴും വിഷമഘട്ടങ്ങളെ അതിജീവിക്കുവാൻ ഉപകരിക്കും.   അനുഭവ ജ്ഞാനത്താൽ അവ്യക്തമായ പണമിടപാടിൽ നിന്നു പിന്മാറും.

വിശാഖം:

സങ്കൽപത്തിനനുസരിച്ചു പദ്ധതികൾ സമർപ്പിച്ചു പ്രാവർത്തികമാക്കുവാൻ സാധിക്കും. പ്രതികൂല സാഹചര്യങ്ങളും പ്രലോഭനങ്ങളും ഉണ്ടാകുമെങ്കിലും സ്വന്തം നിലപാടിൽനിന്നു വ്യതിചലിക്കാത്ത നിലപാടിനാൽ അനുകൂല സാഹചര്യങ്ങൾ വന്നുചേരും. ഉദ്യോഗമന്വേഷിച്ചുള്ള വിദേശയാത്ര വിഫലമാകും. ചെലവിനങ്ങൾക്കു നിയന്ത്രണം ഏർപ്പെടുത്തും. ആത്മവിശ്വാസവും കാര്യനിർവഹണശക്തിയും വർധിക്കും.

 അനിഴം:

സമൂഹത്തിൽ ഉന്നതരെ പരിചയപ്പെടുവാൻ അവസരമുണ്ടാകും. സഹപ്രവർത്തകർ വരുത്തിവച്ച അബദ്ധങ്ങൾ തിരുത്തുവാൻ അഹോരാത്രം പ്രയത്നിക്കും. സുദീർഘമായ ചർച്ചയിലൂടെ സങ്കീർണമായ പ്രശ്നങ്ങൾ പരിഹരിക്കുവാൻ സാധിക്കും. വ്യവസ്ഥയില്ലാത്ത കക്ഷിരാഷ്ട്രീയ പ്രവർത്തനങ്ങളിൽ നിന്നു പിന്മാറും. ഗുരുനാഥന്റെ നിർദേശപ്രകാരം ഉപരിപഠനം പുനരാരംഭിക്കും. 

 തൃക്കേട്ട:

ആഗ്രഹത്തിനനുസരിച്ചു പ്രവർത്തിക്കുവാൻ സാധിക്കുന്നതിനാൽ ആത്മാഭിമാനം തോന്നും. അപേക്ഷിച്ച പദ്ധതിക്ക് അംഗീകാരം ലഭിക്കും. അനൗദ്യോഗികമായി സാമ്പത്തിക നേട്ടമുണ്ടാകും. വീഴ്ചകളുണ്ടാകാതെ സൂക്ഷിക്കണം. വാഹനാപകടത്തിനു ദൃക്സാക്ഷിയാകും. തൊഴിൽമേഖലകളോടു ബന്ധപ്പെട്ടു ദൂരയാത്രകൾ വേണ്ടിവരും. സുഹൃത്തിന്റെ ഉപദേശപ്രകാരം ഹ്രസ്വകാല പദ്ധതിയിൽ പണം നിക്ഷേപിക്കും. 

മൂലം:

നിർണായക തീരുമാനങ്ങൾക്കു ജീവിതപങ്കാളിയുടെ നിർദേശങ്ങൾ സ്വീകരിക്കും. അർപ്പണ മനോഭാവത്തോടു കൂടിയുള്ള പ്രവർത്തനങ്ങൾ ഉദ്യോഗം നഷ്ടപ്പെടുവാനുള്ള സാഹചര്യങ്ങളെ കുറയ്ക്കും. പ്രത്യുപകാരം ചെയ്യുവാൻ അവസരമുണ്ടാകും.

പൂരാടം:

ഗൃഹത്തിന്റെ അറ്റകുറ്റപ്പണികൾ പൂർത്തീകരിക്കും. സാമ്പത്തിക നേട്ടമില്ലെങ്കിലും തുടങ്ങിവച്ച കർമപദ്ധതികൾ ലക്ഷ്യപ്രാപ്തിയിലെത്തിക്കുവാൻ നിർബന്ധിതനാകും. പ്രവർത്തന വിജയം വിലയിരുത്തി പുതിയ മേഖലകൾ തുടങ്ങുവാനുള്ള ചർച്ചകളിൽ പങ്കെടുക്കും.

ഉത്രാടം: സംയുക്ത സംരംഭങ്ങളിൽ നിന്നു പിന്മാറി സ്വന്തമായ വ്യാപാരമേഖലകൾക്കു തുടക്കം കുറിക്കും. ആവർത്തന വിരസത ഒഴിവാക്കുവാൻ ഉൾപ്രേരണയുണ്ടാകും. പരിശ്രമങ്ങൾ ശുഭപരിസമാപ്തിയിലെത്തും. 

തിരുവോണം:

ചിന്തകൾക്കതീതമായി പ്രവർത്തിക്കുവാൻ സാധിക്കും. സാമ്പത്തിക വരുമാനം കുറഞ്ഞു വരുന്നതിനാൽ ആർഭാടങ്ങൾ ഒഴിവാക്കും.കാർഷിക മേഖലയിൽ കൂടുതൽ സമയം പ്രവർത്തിക്കും. 

അവിട്ടം:

കുടുംബജീവിതത്തിൽ സ്വസ്ഥതയും സമാധാനവും ഉണ്ടാകും. സന്താനങ്ങളുടെ വിദ്യാഭ്യാസ ആവശ്യങ്ങൾക്കായി അവധിയെടുക്കും.  പുതിയ കരാർ ജോലികൾ ഏറ്റെടുക്കുമെങ്കിലും സാമ്പത്തിക നേട്ടം കുറയും. 

ചതയം:

മത്സര രംഗങ്ങളിൽ വിജയിക്കും. അഭിപ്രായ സമന്വയത്തിനായി അശ്രാന്ത പരിശ്രമം വേണ്ടിവരും. മേലധികാരിയുടെ പ്രത്യേക നിർദേശപ്രകാരം പുതിയ കർമപദ്ധതിക്കു രൂപം നൽകും.  

പൂരുരുട്ടാതി:

അനാസ്ഥയുള്ള ഉദ്യോഗസ്ഥരെ പിരിച്ചുവിടുവാൻ നടപടികൾ സ്വീകരിക്കും. പുതിയ കരാർ ജോലികളിൽ ഒപ്പുവയ്ക്കും.  ഗൃഹനിർമാണ പ്രവർത്തനങ്ങൾ പൂർത്തീകരിക്കും.  

ഉത്രട്ടാതി:

സുവ്യക്തമായ കർമപദ്ധതികൾക്കു രൂപം നൽകും. വിതരണ സമ്പ്രദായം വിപുലമാക്കുവാൻ നടപടികൾ സ്വീകരിക്കും. അനാസ്ഥയുള്ള വിഭാഗത്തിൽ കൂടുതൽ ശ്രദ്ധ കേന്ദ്രീകരിക്കും.  

രേവതി:

സാമ്പത്തികസ്ഥിതി മെച്ചപ്പെടും. ഗർഭിണികൾക്കു പൂർണ വിശ്രമം വേണ്ടിവരും. സമർപ്പിക്കുന്ന പദ്ധതികൾക്ക് അംഗീകാരം ലഭിക്കും.മേലധികാരിയുടെ നിർബന്ധത്താൽ ഒരു വിഭാഗത്തിന്റെ ചുമതല ഏറ്റെടുക്കുവാനിടവരും. 

English Summary : Weekly Star Prediction by Kanippayyur / 2021 September 05 to 11