ഫെബ്രുവരിയിലെ സമ്പൂർണ നക്ഷത്രഫലം ; ആയില്യം ,മകം, പൂരം , ഉത്രം
Mail This Article
ആയില്യം:മാനസിക സമ്മർദം വർധിക്കും. ഗവേഷകർക്കും ശാസ്ത്രജ്ഞർക്കും അനുകൂലമായ സമയം. വാഹന ഉപയോഗത്തിൽ വളരെയധികം ശ്രദ്ധ വേണം. പുതിയ കരാർ ജോലികൾ ഏറ്റെടുക്കുവാനുള്ള അവസരം ലഭിക്കുന്നതിനും ആയില്യം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു.
മകം:മാസത്തിന്റെ ആദ്യത്തെ പകുതി അനുകൂലമായിരിക്കില്ല. ഭക്ഷ്യവിഷബാധ ഏൽക്കുവാനുള്ള സാധ്യത കാണുന്നു. ഔദ്യോഗിക മേഖലകളിൽ അധികാരപരിധി വർധിക്കും. ജന്മസിദ്ധമായ കഴിവുകള് പ്രകടിപ്പിക്കാൻ അവസരം ലഭിക്കുന്നതിനും മകം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു.
പൂരം:ഏറ്റെടുക്കുന്ന കാര്യങ്ങളിൽ അഹോരാത്രം പ്രവർത്തിക്കുന്നതു വഴി ലക്ഷ്യപ്രാപ്തി കൈവരിക്കും. കുടുംബത്തിൽ സമാധാന അന്തരീക്ഷം സംജാതമാകും. സമ്മാനപദ്ധതികളിൽ അനുകൂലമായ വിജയം കൈവരിക്കുവാനും പൂരം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു.
ഉത്രം:പദ്ധതി സമർപണത്തിൽ അനുകൂലമായ വിജയം ൈകവരിക്കും. വാഹനം മാറ്റി വാങ്ങും. മാസത്തിന്റെ രണ്ടാമത്തെ പകുതി അനുകൂലമല്ല. കാർഷിക മേഖലകളിൽ നിന്ന് ആദായം ലഭിക്കുന്നതിനും ഉത്രം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു.
Content Summary: Monthly Prediction by Kanippayyur February 2023 / Ayilyam, Makam, Pooram, Uthram