പണമിടപാടുകളിൽ നേട്ടം, ആഗ്രഹ സാഫല്യം, ഭവനനിര്‍മാണം; അടുത്ത ആഴ്ച നിങ്ങൾക്കെങ്ങനെ? നക്ഷത്രഫലം

അശ്വതി: ആരോഗ്യപരമായ പുരോഗതി കാണുന്നു. നില നിന്നിരുന്ന രോഗങ്ങൾക്ക് ശമനം കാണുന്നു. തൊഴിൽ രംഗത്ത് നിലനിന്നിരുന്ന അനശ്ചിതത്വം വിട്ടൊഴിയും. ബന്ധുക്കൾ വഴി കാര്യലാഭം. പുണ്യസ്ഥലങ്ങൾ സന്ദർശിക്കും. പണം കടം വാങ്ങേണ്ടി വരും. 

ഭരണി: അനുകൂലവാരമാണ്. ധനപരമായ നേട്ടങ്ങൾ കാണുന്നു. ഈശ്വരാരാധനയ്ക്കായി സമയം കണ്ടെത്തും. രോഗശമനം കാണുന്നു. ഉദ്ദേശിച്ച പല കാര്യങ്ങളും സുഗമമായി പൂർത്തീകരിക്കുവാൻ സാധിക്കും. 

കാർത്തിക: പണമിടപാടുകളിൽ നേട്ടം. സുഹൃത്തുക്കൾ വഴി കാര്യസാധ്യം. മാനസികമായ അലച്ചില്‍ വര്‍ധിക്കും. കഠിനപരിശ്രമം കൊണ്ട് മാത്രമേ കാര്യസാധ്യം ഉണ്ടാവുകയുള്ളൂ. സാമ്പത്തിക ബുദ്ധിമുട്ട് മൂലം പല കാര്യങ്ങളും മാറ്റിവയ്ക്കേണ്ടിവരും. 

രോഹിണി: കാര്യപുരോഗതി കാണുന്നു. ഏറ്റെടുത്ത ജോലികളിൽ വിജയം കൈവരിക്കും. ചെറിയ ഔഷധസേവ വേണ്ടിവരും.   ഗുണദോഷസമ്മിശ്രമായ ഫലങ്ങള്‍ നിലനില്‍ക്കുന്നു. ഏതെങ്കിലും തരത്തിലുള്ള അധിക ചെലവ് വർധിക്കും. 

മകയിരം: തൊഴിൽപരമായി സ്വദേശം വിട്ടുനില്‍ക്കേണ്ടിവന്നേക്കാം. വിദേശ ജോലിയിൽ നേട്ടങ്ങൾ. വ്യവഹാരങ്ങളില്‍ വിജയമുണ്ടാകും.  തര്‍ക്കങ്ങളില്‍ മധ്യസ്ഥം വഹിക്കും. അവിചാരിത ധനലാഭം പ്രതീക്ഷിക്കാം. വിശ്രമം കുറഞ്ഞിരിക്കും. 

തിരുവാതിര: സാമ്പത്തികവിഷമതകള്‍ ശമിക്കും. അധ്യാത്മിക ചിന്ത അധികരിക്കും. സന്താനങ്ങള്‍ക്കായി പണം ചെലവിടും. അര്‍ഹിക്കാത്ത ധനം കൈവശം വന്നുചേര്‍ന്നെന്നു വരാം. വളരെക്കാലം ശ്രമിച്ചിട്ടും നടക്കാതിരുന്ന കാര്യങ്ങള്‍ പെട്ടെന്ന് സാധിക്കും.

പുണർതം: കലാരംഗത്ത് പ്രവര്‍ത്തിക്കുന്നവര്‍ക്ക് മികവ്. അടുത്ത ബന്ധുക്കളുടെ വിവാഹാലോചനകൾ തീരുമാനത്തിലെത്തും.  സ്വപ്രയത്നത്താൽ വിജയം. നേട്ടങ്ങള്‍ മനഃസന്തോഷം നല്‍കും. ഉത്തരവാദിത്തങ്ങള്‍ വര്‍ധിച്ചുകൊണ്ടിരിക്കും. 

പൂയം: മനസ്സിൽ അനാവശ്യ ചിന്തകൾ ഉണ്ടാകും. അന്യരെ വാക്കുകൊണ്ട് വേദനിപ്പിക്കാതെ ശ്രദ്ധിക്കണം. ഗൃഹോപകരണങ്ങൾക്ക് കേടുപാടുകൾ സംഭവിക്കാം. പിതാവിൽ നിന്ന് അനുഭവഗുണമുണ്ടാകും. 

ആയില്യം: ആരോഗ്യ വിഷമങ്ങൾ നേരിടും. വിശ്രമം കുറവായിരിക്കും. എല്ലാ കാര്യങ്ങളിലും അധിക ശ്രദ്ധ പുലർത്തുക. ജലജന്യരോഗങ്ങള്‍ക്കു സാധ്യത. പലതരത്തില്‍ നിലനിന്നിരുന്ന വിഷമതകള്‍ക്ക് ശമനം കാണുന്നു. ധനാഗമം പ്രതീക്ഷിക്കാം.

മകം: ഭൂമിയില്‍ നിന്നുള്ള ആദായം ലഭിക്കും. കുടുംബസുഖവർധനയ്ക്കുള്ള ആഗ്രഹം സഫലമാകും. ബിസിനസില്‍ അസ്വസ്ഥതകൾ. പ്രവർത്തനത്തിന് പലതരത്തിലുള്ള അംഗീകാരങ്ങള്‍ ലഭിക്കും. സുദൃഢമായ കുടുംബാന്തരീക്ഷമുണ്ടാകും. 

പൂരം: ഗുണഫലങ്ങള്‍ ഒന്നൊന്നായി അനുഭവത്തില്‍ വരും. മാതാപിതാക്കളുടെ ഇഷ്ടത്തിനനുസരിച്ച് പ്രവര്‍ത്തിക്കും. ബന്ധുജനഗുണമനുഭവിക്കും. ഉദ്യോഗസ്ഥര്‍ക്ക് മേലധികാരികളുടെ അംഗീകാരം ലഭിക്കും. തൊഴിൽപരമായ സംതൃപ്തി. 

ഉത്രം: തൊഴിലന്വേഷകർക്ക് അനുകൂലഫലങ്ങൾക്കായി കാത്തിരിക്കേണ്ട അവസ്ഥ കാണുന്നു. ബന്ധുജനങ്ങളില്‍ നിന്നുള്ള ഗുണാനുഭവങ്ങൾ കിട്ടും. ചെലവ് വർധിക്കും. അകന്നുകഴിഞ്ഞിരുന്ന ബന്ധുക്കള്‍ പിണക്കം മതിയാക്കും. രോഗാവസ്ഥയിലുള്ളവര്‍ക്ക് ആശ്വാസം ലഭിക്കും. 

അത്തം: ഗൃഹോപകരണങ്ങൾക്ക് അറ്റകുറ്റപ്പണികൾ. സുഹൃത്തുക്കള്‍ക്കായി പണം ചെലവഴിക്കേണ്ടിവരും. ദാമ്പത്യജീവിതത്തില്‍ നിലനിന്നിരുന്ന അസ്വസ്ഥതകള്‍ ശമിക്കും. ശാരീരികമായി നിലനിന്നിരുന്ന വിഷമങ്ങള്‍ ശമിക്കും.

ചിത്തിര: പണമിടപാടുകളില്‍ നഷ്ടങ്ങള്‍ക്കുള്ള സാധ്യതയാണ് നിലനില്‍ക്കുന്നത്. ചികിത്സാ സഹായം വേണ്ടിവരും. ആരോഗ്യസ്ഥിതിയിൽ  പുരോഗതി കൈവരിക്കും. വിദ്യാര്‍ഥികൾക്ക് പഠനത്തില്‍ മികവു പുലര്‍ത്താൻ സാധിക്കും. പ്രതികൂലസാഹചര്യങ്ങള്‍ ഒന്നൊന്നായി തരണം ചെയ്യും. 

ചോതി: സാമ്പത്തിക വിഷമതകള്‍ തരണം ചെയ്യും. ഭൂമി, ഭവനം എന്നിവ വാങ്ങാനുള്ള ആലോചന പുരോഗമിക്കും. തൊഴിലന്വേഷകര്‍ക്ക് അനുകൂല മറുപടി ലഭിക്കും. ആയുധം, അഗ്നി ഇവയാല്‍ പരിക്കേല്‍ക്കുവാൻ സാധ്യതയുണ്ട്. 

വിശാഖം: ഗുണാനുഭവങ്ങള്‍ വര്‍ധിച്ചു നില്‍ക്കും. ഏര്‍പ്പെടുന്ന പ്രവര്‍ത്തനങ്ങളില്‍ വിജയം കൈവരിക്കും. സാമ്പത്തികമായി നിലനിന്നിരുന്ന വിഷമതകള്‍ ശമിക്കും. മനസ്സിൽ ഒരുതരം അസംതൃപ്തി എപ്പോഴും പിന്തുടരും. 

അനിഴം: സഹോദരങ്ങളില്‍ നിന്നുള്ള സഹായം ലഭിക്കും. തൊഴിലില്‍ ഉത്തരവാദിത്വം വര്‍ധിക്കും. തൊഴില്‍പരമായ തടസ്സങ്ങൾ കാണുന്നു. ചെറിയ രോഗസാധ്യതയുള്ള വാരമാണ്. എന്നാൽ ശക്തമായിരുന്ന രോഗദുരിതം ശമിക്കും. 

തൃക്കേട്ട: ദാമ്പത്യ ജീവിതത്തിൽ സുഖകരമല്ലാത്ത അനുഭവങ്ങളുണ്ടാകും. കൃഷിയില്‍ നിന്ന് നേട്ടങ്ങളുണ്ടാകും. തൊഴിലില്‍ നിന്നുള്ള നേട്ടങ്ങള്‍ കൈവരിക്കും. ദമ്പതികൾ തമ്മിൽ തർക്കം ഉടലെടുക്കുവാൻ സാധ്യതയുണ്ട്. വിശ്രമം കുറവായിരിക്കും.

മൂലം: മേലുദ്യോഗസ്ഥരുടെ നിർദേശമനുസരിച്ച് പ്രവർത്തിക്കേണ്ടി വരും. സമ്പാദിക്കും. കുടുംബസമേതം സന്തോഷം പങ്കിടും. വിവാഹം ആലോചിക്കുന്നവര്‍ക്ക് അനുകൂലഫലം. സ്വന്തമായി ബിസിനസ് നടത്തുന്നവര്‍ക്ക് തടസ്സങ്ങൾ. ബന്ധുജനഗുണം വര്‍ധിക്കും. 

പൂരാടം: പുണ്യ സ്ഥലങ്ങൾ സന്ദർശിക്കും. മാനസികമായി നിലനിന്നിരുന്ന ആഗ്രഹങ്ങള്‍ സാധിക്കും. ഉപഹാരങ്ങൾ ലഭിക്കും. അപ്രതീക്ഷിത ചെലവുകള്‍ വര്‍ധിക്കും. സ്വകാര്യസ്ഥാപനത്തിലെ ജോലിക്ക് തടസ്സം. 

ഉത്രാടം: കലാരംഗത്ത് പ്രവര്‍ത്തിക്കുന്നവര്‍ക്ക് പ്രശസ്തി. ഔദ്യോഗികപരമായ യാത്രകൾ മാറ്റിവയ്ക്കേണ്ടിവരും. വിദ്യാർഥികൾക്ക് ഉത്കണ്ഠ വർധിക്കും. സുഹൃത്തുക്കളുടെ സഹായം ലഭിക്കും. 

തിരുവോണം: ദേഹസുഖം വര്‍ധിക്കും. വിവാഹം ആലോചിക്കുന്നവര്‍ക്ക് അനുകൂലബന്ധം ലഭിക്കുവാനുള്ള സൂചന. ഗൃഹനിര്‍മാണത്തില്‍ ചെറിയ തടസ്സങ്ങൾ. പൊതുരംഗങ്ങളില്‍ പ്രവര്‍ത്തിക്കുന്നവര്‍ക്ക് അനുകൂല സമയം. സന്താനങ്ങളില്ലാതെ വിഷമിക്കുന്നവര്‍ക്ക് ആശ്വാസം ലഭിക്കും. 

അവിട്ടം: സാമ്പത്തിക അച്ചടക്കം പാലിക്കുവാന്‍ പലപ്പോഴും കഴിയാതെ വരും. ചില സുഹൃത്തുക്കൾ മൂലം ധന നഷ്ടം ഉണ്ടാകാം.  മറ്റുള്ളവരില്‍ നിന്ന് സഹായം ലഭിക്കും. രോഗദുരിതങ്ങള്‍ക്ക് ശമനം കണ്ടുതുടങ്ങും. ഏര്‍പ്പെടുന്ന കാര്യങ്ങളില്‍ വിജയം. 

ചതയം: വിദ്യാഭ്യാസപരമായും തൊഴില്‍പരമായും ആശങ്ക വർധിക്കും. തൊഴിൽപരമായ സംതൃപ്തി കുറയും. ബന്ധുക്കള്‍ നിമിത്തം നേട്ടം. പൊതുപ്രവര്‍ത്തനങ്ങളിൽ വിജയം. 

പൂരുരുട്ടാതി: അവിചാരിത ധനനഷ്ടം സംഭവിക്കാന്‍ സാധ്യത. സ്വദേശം വെടിഞ്ഞു കഴിയേണ്ടിവരും. ഭവനമാറ്റത്തിന് സാധ്യത. ഭക്ഷണസുഖം കുറയും. തൊഴിൽപരമായ തടസ്സങ്ങള്‍ മാറും.

ഉത്തൃട്ടാതി: പുതിയ സംരംഭങ്ങളില്‍ തടസ്സങ്ങള്‍ നേരിടാം. മേലധികാരികൾ വഴി നേട്ടം. ഭവനനിര്‍മാണം പൂര്‍ത്തീകരിക്കും. രോഗാവസ്ഥയില്‍ കഴിയുന്നവര്‍ക്ക് ആശ്വാസം ലഭിക്കും. ഉദ്യോഗാര്‍ഥികൾക്ക് സമയം അനുകൂലം. താല്‍ക്കാലിക ജോലി സ്ഥിരപ്പെടും. 

രേവതി: അടുത്ത ബന്ധുക്കളുടെ പെരുമാറ്റം വിഷമം സൃഷ്ടിക്കും. വിദേശയാത്രാശ്രമത്തിൽ തടസ്സം. മുൻകൂട്ടി നിശ്ചയിച്ച കാര്യങ്ങൾക്കല്ലാതെ പണം മുടക്കേണ്ടിവരും. മോഷണം പോയ വസ്തുക്കള്‍ തിരികെ കിട്ടും.

Content Highlights: Weekly Star Prediction | Sajeev Sastharam | 2023 August 13 to 19 | Weekly Star Prediction | Star Prediction | Manorama Astrology