സാമ്പത്തിക വിഷമതകളിൽ നിന്ന് മോചനം, വ്യവഹാര വിജയം; നേട്ടങ്ങൾ ഈ നാളുകാർക്ക്, അടുത്ത ആഴ്ച നിങ്ങൾക്കെങ്ങനെ?

അശ്വതി: തൊഴിൽപരമായ കാര്യങ്ങളാൽ സ്വകുടുംബത്തിൽ നിന്ന് അകന്നു കഴിയേണ്ടിവരും. മംഗളകര്‍മങ്ങളില്‍ സംബന്ധിക്കും. രോഗത്താൽ വിഷമിച്ചിരുന്നവര്‍ക്ക് ആശ്വാസം. വിവാഹാലോചനകളില്‍ പുരോഗതി. 

ഭരണി: കുടുംബത്തില്‍ നിലനിന്നിരുന്ന പലതരം പ്രശ്നങ്ങളില്‍ ആശ്വാസം. മുതിര്‍ന്ന കുടുംബാംഗങ്ങള്‍ക്ക് രോഗദുരിത സാധ്യത. കലാരംഗത്ത് പ്രവര്‍ത്തിക്കുന്നവര്‍ക്ക് നേട്ടം. ഔഷധ സേവ വേണ്ടിവരും. 

കാർത്തിക: നേട്ടങ്ങൾ ഉണ്ടാകുന്ന വാരമാണ്. ധനപരമായി അനുകൂലം. രോഗാവസ്ഥയില്‍ കഴിഞ്ഞിരുന്നവര്‍ക്ക് ആശ്വാസം. ഔഷധസേവ അവസാനിപ്പിക്കുവാന്‍ സാധിക്കും. 

രോഹിണി: കാലാവസ്ഥാജന്യ രോഗസാധ്യത. പ്രണയബന്ധിതര്‍ക്ക് അനുകൂലമായ സമയം. വിഹാഹം തീരുമാനം ആകാം. ബിസിനസില്‍ പണം മുടക്കി വിജയം നേടുവാന്‍ സാധിക്കും. പഠനരംഗത്ത് മികവ് പുലര്‍ത്തും.

മകയിരം: അനുകൂല വാരം. ബന്ധുഗുണം അനുഭവിക്കും. ഗൃഹനിര്‍മാണത്തില്‍ പുരോഗതി. സ്വഗൃഹത്തില്‍ നിന്നു വിട്ടുനില്‍ക്കേണ്ടിവരും. ആഘോഷ ചടങ്ങുകളില്‍ സംബന്ധിക്കും. 

തിരുവാതിര: ഗൃഹനിര്‍മാണത്തിൽ പുരോഗതി. കാര്‍ഷികമേഖലയില്‍ നിന്നുള്ള ലാഭം പ്രതീക്ഷിക്കാം. ഏജന്‍സി, ബ്രോക്കര്‍ തൊഴിലില്‍ നിന്ന് ധനനേട്ടം കൈവരിക്കും. വൈവാഹിക ജീവിതത്തിൽ നിലനിന്നിരുന്ന പ്രശ്നങ്ങൾ ശമിക്കും. 

പുണർതം: സന്താനങ്ങളെക്കൊണ്ട് മനോവിഷമം, വ്യവഹാരം നടത്തുന്നവര്‍ക്ക് വിജയം. അനിയന്ത്രിതകോപം പലപ്പോഴും മാനസികനിലയില്‍ പ്രതിഫലിക്കും. അനാവശ്യ വിവാദങ്ങളിൽ ഏർപ്പെടും. 

പൂയം: ആരോഗ്യ സാമ്പത്തിക വിഷമതകളിൽ നിന്ന് മോചനം. തൊഴില്‍സ്ഥലത്ത് അംഗീകാരം. വിവാഹാലോചനകള്‍ പുരോഗമിക്കും. വിദേശയാത്രയ്ക്കുള്ള ശ്രമം വിജയിക്കും. 

ആയില്യം: മാനസികമായ സുഖക്കുറവുണ്ടാകും. ദാമ്പത്യപരമായ അസ്വസ്ഥത ഉടലെടുക്കും. ഉദ്യോഗസ്ഥര്‍ക്ക് ഇഷ്ടമില്ലാത്ത സ്ഥലത്തേക്ക് മാറ്റം ഉണ്ടാകും. വ്യവഹാരങ്ങളിൽ തിരിച്ചടികൾ.

മകം: ഗൃഹോപകരണങ്ങൾ വാങ്ങുന്നതിന് അനുകൂലമായ സമയമാണ്. മേലധികാരികള്‍, മുതിര്‍ന്ന സഹപ്രവര്‍ത്തകര്‍ എന്നിവരില്‍ നിന്നു സഹായം ലഭിക്കും. ബന്ധുജനഗുണം വര്‍ധിക്കും. കാലാവസ്ഥാജന്യരോഗങ്ങള്‍ പിടിപെടാന്‍ സാധ്യതയുണ്ട്.

പൂരം: ധനപരമായ പുരോഗതി. വിദ്യാഭ്യാസപരമായ ഉന്നതവിജയം കൈവരിക്കും. ഇന്‍റര്‍വ്യൂ, മത്സരപ്പരീക്ഷകള്‍ എന്നിവയിൽ വിജയം. വിദേശയാത്രയ്ക്കുള്ള ശ്രമത്തിൽ വിജയിക്കും. സന്താനഗുണമനുഭവിക്കും. 

ഉത്രം: നിലനിന്നിരുന്ന തടസ്സങ്ങൾ ഒഴിയും. ജോലിയിൽ ഉത്തരവാദിത്തങ്ങള്‍ വർധിക്കും. ഇഷ്ടപ്പെട്ട തൊഴിലുകളില്‍ ഏര്‍പ്പെടുവാന്‍ സാധിക്കും. ബിസിനസില്‍ മികവു പുലര്‍ത്തും. ഔഷധങ്ങളില്‍ നിന്ന് അലര്‍ജി പിടിപെടാന്‍ സാധ്യത. 

അത്തം: ആരോഗ്യ പ്രശ്നങ്ങളിൽ നിന്ന്  മോചനം. വിവാഹാലോചനകളില്‍ ഉത്തമബന്ധം ലഭിക്കും. സാഹിത്യരംഗത്ത് ശോഭിക്കും. സാമ്പത്തികമായി ചെറിയ വിഷമതകള്‍ നേരിടും. 

ചിത്തിര : സാമ്പത്തിക വിഷമതകളിൽ നിന്ന് മോചനം. ധനകാര്യസ്ഥാപനങ്ങളില്‍ നിന്നു പണം കണ്ടെത്തും. ദമ്പതികൾ തമ്മിൽ നിലനിന്നിരുന്ന അകല്‍ച്ച കുറയ്ക്കുവാന്‍ സാധിക്കും. മംഗളകര്‍മങ്ങളില്‍ സംബന്ധിക്കും.

ചോതി: സാമ്പത്തിക വിഷമതകൾ മറികടക്കും. വാക്കുതര്‍ക്കം, വ്യവഹാരം എന്നിവയിലേര്‍പ്പെടാതിരിക്കുവാന്‍ ശ്രദ്ധിക്കുക. പുണ്യസ്ഥലങ്ങള്‍ സന്ദര്‍ശിക്കുവാന്‍ യോഗം. സഹോദരങ്ങള്‍ക്ക് രോഗാരിഷ്ടതയ്ക്ക് സാധ്യത.

വിശാഖം: അവിചാരിത ധനലാഭം, ആരോഗ്യപരമായ വിഷമതകള്‍ ശമിക്കും. മനസില്‍ നിലനിന്നിരുന്ന ആഗ്രഹങ്ങള്‍ ഒന്നൊന്നായി നടപ്പാകും. മാതാവിനോ മാതൃസഹോദരിക്കോ രോഗസാധ്യത. 

അനിഴം: യാത്രകൾ വേണ്ടിവരും. അടുത്ത ബന്ധുക്കളില്‍ നിന്നുള്ള സഹായം മനഃസന്തോഷം തരും. ദമ്പതികൾ തമ്മില്‍ നിലനിന്നിരുന്ന അഭിപ്രായഭിന്നത മാറി ശാന്തതയുണ്ടാകും. സ്വന്തം ബിസിനസില്‍ നിന്ന് മികച്ച നേട്ടം.

തൃക്കേട്ട : ശരീരത്തിൽ ചെറിയ പരിക്ക് പറ്റുവാൻ സാധ്യത. ഉദരവിഷമതകള്‍ അനുഭവിക്കും. ആവശ്യത്തിന് പണം കണ്ടെത്താനാവാതെ വിഷമിക്കും. മുന്‍പ് പരിചയമില്ലാത്തവര്‍ക്ക് സഹായം ചെയ്യേണ്ടിവരും.

മൂലം : പ്രവർത്തത്തിൽ അലസത വർധിക്കുവാൻ ഇടയുണ്ട്. പുതിയ ഗൃഹോപകരണങ്ങൾ വാങ്ങും. കര്‍മരംഗം പുഷ്ടിപ്പെടും. വിദേശജോലിക്കുള്ള ശ്രമത്തില്‍ വിജയിക്കും. ഗൃഹനിർമാണത്തിലെ തടസ്സങ്ങൾ മാറും. ആരോഗ്യപ്രശ്നങ്ങൾ ശമിക്കും.

പൂരാടം: ഭവനനിര്‍മാണം, ഭവനം മോടിപിടിപ്പിക്കല്‍ എന്നിവ സാധിക്കും. മനഃസുഖം നല്‍കുന്ന വാര്‍ത്തകള്‍ ശ്രവിക്കും. ദാമ്പത്യപരമായി നിലനിന്നിരുന്ന പ്രശ്നങ്ങൾ ശമിക്കും. ധനപരമായ നേട്ടങ്ങൾ മനഃസുഖം നൽകും.

ഉത്രാടം : പൊതുരംഗത്തു പ്രവര്‍ത്തിക്കുന്നവര്‍ക്ക് അംഗീകാരം. ദീര്‍ഘയാത്രകള്‍ വേണ്ടിവരും. മനസ്സിൽ നിലനിന്നിരുന്ന അനാവശ്യ വിഷമതകൾ ശമിക്കും. ആരോഗ്യപരമായ വിഷമതകൾ തരണം ചെയ്യും. 

തിരുവോണം: സ്വന്തം പ്രയത്നത്താല്‍ തടസങ്ങള്‍ തരണം ചെയ്യും. സര്‍ക്കാരില്‍ നിന്നോ മറ്റ് ഉന്നതസ്ഥാനങ്ങളില്‍ നിന്നോ ആനുകൂല്യങ്ങള്‍ പ്രതീക്ഷിക്കാം. ഏറ്റെടുത്ത തൊഴിലുകള്‍ വിജയകരമായി പൂര്‍ത്തിയാക്കും. 

അവിട്ടം: സാമ്പത്തിക വിഷമതകൾ നേരിട്ട്  തരണം ചെയ്യും. ഭൂമി വിൽപനയിൽ നിന്നുള്ള ധനലാഭം പ്രതീക്ഷിക്കാം. സന്താനങ്ങളുടെ ഉന്നത വിദ്യാഭ്യാസത്തിനായി തയാറെടുപ്പുകള്‍ നടത്തും. വിവാഹാലോചനകളില്‍ തീരുമാനം. നേത്രരോഗത്തിന് ചികിത്സ തേടും.

ചതയം: യാത്രകള്‍ കൂടുതലായി വേണ്ടിവരും. പ്രവര്‍ത്തനങ്ങളില്‍ മന്ദത നേരിടും. പൈതൃകസ്വത്ത് ലഭിക്കുവാന്‍ യോഗം. ഭൂമി വാങ്ങല്‍, ഗൃഹനിര്‍മാണം എന്നിവയും സാധിതമാകും. സര്‍ക്കാര്‍ ഉദ്യോഗസ്ഥര്‍ക്ക് ദിനം പ്രതികൂലം. 

പൂരുരുട്ടാതി: ജീവിതപങ്കാളിക്ക് തൊഴിൽപരമായ ഉയർച്ച. പലതരത്തില്‍ നിലനിന്നിരുന്ന സാമ്പത്തിക വിഷമതകള്‍ക്ക് ശമനം. പുതിയ വസ്ത്രലാഭമുണ്ടാകും. ബിസിനസില്‍ നേട്ടം. പ്രവര്‍ത്തനങ്ങളില്‍ വിജയം. ഭക്ഷണസുഖം വര്‍ധിക്കും.

ഉത്തൃട്ടാതി: സാമ്പത്തിക വിഷമതകൾ മറികടക്കും. വിവാഹമോചനക്കേസുകള്‍ നടത്തുന്നവര്‍ക്ക് ഒത്തുതീര്‍പ്പിനുള്ള അവസരം. സ്വപ്രയത്നത്താല്‍ തടസങ്ങള്‍ തരണം ചെയ്യും. ഉന്നതവിദ്യാഭ്യാസത്തിനുള്ള പ്രവേശനം ലഭിക്കും. 

രേവതി : തൊഴിലന്വേഷണങ്ങളിൽ വിജയം, താല്‍ക്കാലിക ജോലികള്‍ സ്ഥിരപ്പെടാന്‍ സാധ്യത. രോഗാവസ്ഥയില്‍ കഴിയുന്നവര്‍ക്ക് ആശ്വാസം. ഭക്ഷണസുഖം ലഭിക്കുന്ന സന്ദർഭങ്ങൾ ഉണ്ടാവും. പൊതുപ്രവർത്തന രംഗത്ത് നേട്ടങ്ങൾ.

Content Highlights:Weekly Star Prediction | Sajeev Sastharam | 2023 August 27 to September 02 | Weekly Star Prediction | Star Prediction | Manorama Astrology