അശ്വതി: ധനപരമായി അനുകൂലം. ബന്ധുജന സഹായം ലഭിക്കും. പൊതുവെ മാനസിക സമ്മർദം വിട്ടൊഴിയും, തൊഴിലന്വേഷണത്തിൽ നേട്ടം കൈവരിക്കും. വിവാഹ ആലോചനകളിൽ തീരുമാനമുണ്ടാകും. 

ഭരണി: ഉറ്റ സുഹൃത്തുക്കളുടെ സഹായത്താൽ  സാമ്പത്തിക വിഷമതകൾ തരണം ചെയ്യും. നഷ്ടപ്പെട്ടെന്നു കരുതിയിരുന്ന വസ്തുക്കള്‍ തിരികെ ലഭിക്കും. വാസസ്ഥാനത്തിനു മാറ്റം സംഭവിക്കാം. 

കാർത്തിക: പൊതുപ്രവർത്തനരംഗത്തു പ്രവർത്തിക്കുന്നവർക്ക് ജനസമ്മിതി വർധിക്കുന്ന തരത്തിലുള്ള പ്രവർത്തനങ്ങൾ നടത്തുവാൻ കഴിയും.ആരോഗ്യസ്ഥിതി മെച്ചപ്പെടും. വാഹനത്തിനായി പണം മുടക്കേണ്ടി വരും.

രോഹിണി: പുതിയ ജോലിയിൽ പ്രവേശിക്കും. ഏറ്റെടുത്ത പ്രവർത്തനങ്ങളില്‍ വിജയിക്കുവാന്‍ കഠിനശ്രമം വേണ്ടിവരും. ആരോഗ്യവിഷമതകൾ ശമിക്കും. മാതാവിനോ തത്തുല്യരായവർക്ക് അരിഷ്ടതകൾ. 

മകയിരം: അനുഭവിച്ചുകൊണ്ടിരുന്ന രോഗദുരിതങ്ങളില്‍ നിന്ന് മോചനം. വിലപിടിപ്പുള്ള രേഖകൾ കൈമോശം വരാനിടയുണ്ട്. ഔദ്യോഗികരംഗത്ത് നേട്ടമുണ്ടാകും. സഹോദരങ്ങൾക്ക് അരിഷ്ടതകൾക്കു സാധ്യത. തൊഴിൽ രംഗത്ത് ഉത്തരവാദിത്തം വർധിക്കും

തിരുവാതിര: പണമിടപാടുകളില്‍ കൃത്യത പാലിക്കും. മേലുദ്യോഗസ്ഥരുടെ പ്രീതി സമ്പാദിക്കും. ഗൃഹത്തില്‍ നവീകരണ പ്രവർത്തനങ്ങള്‍ നടക്കും. കുടുംബജീവിത സൗഖ്യം വർധിക്കും. വിവാദപരമായ പല കാര്യങ്ങളില്‍ നിന്നും മനസിന് സുഖം ലഭിക്കും. 

പുണർതം: ഗൃഹനിർമാണം പുരോഗമിക്കും. ശ്വാസകോശ രോഗങ്ങള്‍ പിടിപെടാം. ദീർഘയാത്രകള്‍ ഒഴിവാക്കുക. പണമിടപാടുകളിൽ അധിക ശ്രദ്ധ പുലർത്തുക.   പൈതൃക സ്വത്തിന്റെ അനുഭവമുണ്ടാകും. 

പൂയം‍:  സാമ്പത്തികമായി വാരം അനുകൂലമല്ല. ദാമ്പത്യ ജീവിതത്തില്‍ ചെറിയ പിണക്കങ്ങള്‍ ഉടലെടുക്കും. മുതിർന്ന ബന്ധുക്കൾക്ക് അനാരോഗ്യം. ഏർപ്പെടുന്ന കാര്യങ്ങളിൽ ഉദ്ദേശിച്ച വിജയം ലഭിച്ചെന്നു വരില്ല. ഊഹക്കച്ചവടത്തിൽ നഷ്ടം സംഭവിക്കാം. ബന്ധുക്കളെ താൽക്കാലികമായി പിരിഞ്ഞുകഴിയേണ്ടി വരും. 

ആയില്യം : ബന്ധുജനങ്ങളുമായി കൂടുതല്‍ അടുത്തു കഴിയും. പൂർവിക  സ്വത്തു ലഭിക്കുൻ യോഗമുണ്ട്. യാത്രകളിൽ അധിക ശ്രദ്ധ പുലർത്തുക. സംസാരിച്ച് മറ്റുള്ളവരുടെ വിരോധം സമ്പാദിക്കാതെ ശ്രദ്ധിക്കണം. മനസ്സിനെ അനാവശ്യ ചിന്തകൾ അലട്ടും.

മകം : അവസരത്തിനൊത്തു പ്രവർത്തിക്കുന്നതിലൂടെ പ്രശ്നങ്ങൾ തരണം ചെയ്യും. കടം നൽകിയ പണം തിരികെ ലഭിക്കും. ബന്ധുജനസമാഗമം ഉണ്ടാകും. സർക്കാരിൽ നിന്ന് പ്രതീക്ഷിച്ചിരുന്ന   ആനുകൂല്യങ്ങൾ  ലഭിക്കും. വാഹനം മാറ്റിവാങ്ങുന്നതിനെക്കുറിച്ച് ആലോചിക്കും.

പൂരം: ബന്ധുഗൃഹങ്ങൾ സന്ദർശിക്കും. സഹോദരസ്ഥാനീയരിൽനിന്നും ഗുണാനുഭവം. വിദ്യാർഥികൾക്കു മത്സരപ്പരീക്ഷകളിൽ ഉന്നത വിജയം. ദാമ്പത്യ ജീവിത സൗഖ്യം. പൊതുപ്രവർത്തന വിജയം കൈവരിക്കും. 

ഉത്രം:   ഔദ്യോഗികരംഗത്ത് അംഗീകാരം. വിവാഹക്കാര്യത്തിൽ  ഉചിതമായ തീരുമാനമെടുക്കും. കർമരംഗം പുഷ്ടിപ്പെടും. മംഗളകർമങ്ങളിൽ പങ്കെടുക്കും. ഇരുചക്ര വാഹനം  വാങ്ങുവാനുള്ള ആഗ്രഹങ്ങള്‍ സഫലമാകും.

അത്തം:  തൊഴിൽ പരമായ നേട്ടങ്ങൾ കൈവരിക്കും. വിദേശത്തുനിന്ന് നാട്ടിൽ തിരിച്ചെത്തും. യാത്രകൾ വഴി നേട്ടം, കടങ്ങൾ വീട്ടുവാൻ സാധിക്കും. മാനസിക സന്തോഷം അനുഭവിക്കുന്ന കാലമാണ്. വ്യവഹാര വിജയം, കൃഷി ഭൂമിയിൽ‌ നിന്ന് ധനലാഭം പ്രതീക്ഷിക്കാം.

ചിത്തിര :  ധനപരമായ നേട്ടങ്ങൾ,  മുടങ്ങിയ ഗൃഹ നിർമ്മാണം പുനരാരംഭിക്കും. കുടുംബസമേത  യാത്രകൾ. ഭൂമി വിൽപ്പന വാക്കു റപ്പിക്കും. തൊഴിൽ പരമമായ ഉയർച്ച. ആരോഗ്യ പുരോഗതി. സഞ്ചാരക്ലേശം മൂലം ക്ഷീണം. തൊഴിലിൽ രംഗത്ത് അനുകൂലമായ സാഹചര്യം.

ചോതി:  ധനപരമായ വിഷമതകൾ  മറികടക്കും. സ്വന്തക്കാർക്ക് രോഗബാധാ സാധ്യത. മംഗള കർമങ്ങളിൽ സംബന്ധിക്കും. പണമിടപാടുകളിൽ അധിക ശ്രദ്ധ പുലർത്തണം.  ആരോഗ്യപരമായ വിഷമതകൾ ശമിക്കും, സന്താനഗുണ മനുഭവിക്കും.  

വിശാഖം : തൊഴിൽപരമായ നേട്ടങ്ങൾ ഉണ്ടാവും.  അപ്രതീക്ഷിതമായ പ്രതിസന്ധികളെ നേരിടേണ്ടി വരും. പരിശ്രമത്തിനു തക്ക അംഗീകാരം ലഭിച്ചെന്നു വരില്ല. ആരോഗ്യസ്ഥിതിയിൽ നിലനിന്നിരുന്ന പ്രശ്നങ്ങൾ ശമിക്കും.

അനിഴം: പൈതൃക സ്വത്ത് ലഭിക്കുവാൻ യോഗം. ഭൂമി വാങ്ങൽ, ഗൃഹനിർമാണം എന്നിവയ്ക്കുള്ള സാഹചര്യമൊരുങ്ങും. സർക്കാർ ഉദ്യോഗസ്ഥർക്ക് ഇഷ്ട സ്ഥലത്തേക്ക് മാറ്റം ലാഭിക്കാം. വിദ്യാഭ്യാസ പരമായി ഉന്നതവിജയം  കൈവരിക്കും.

തൃക്കേട്ട : പുതിയ ജോലികളിൽ പ്രവേശിക്കുവാൻ അവസരമൊരുങ്ങും. അടുത്ത ബന്ധുക്കളുമായി നിലനിന്നിരുന്ന തർക്കം  അവസാനിക്കും. സകുടുംബ യാത്രകൾക്കായി പണച്ചെലവ്. രോഗദുരിതത്തിൽ ശമനം. ബന്ധുജനങ്ങളിൽ നിന്നുള്ള സഹായം ലഭിക്കും.

മൂലം: വിവാഹം ആലോചിക്കുന്നവർക്ക് സമയം അനുകൂലം. തൊഴിൽ പരമമായ ഉയർച്ച. അത്യാവശ്യ യാത്രകൾ വേണ്ടിവരും.  ദാമ്പത്യ ജീവിത പ്രശ്നങ്ങൾ ശമിക്കും. തൊഴിൽ രംഗത്ത് മാന്യമായ നില കൈവരിക്കും. 

പൂരാടം : തൊഴിലിൽ അനുകൂലമായ സാഹചര്യം. ദേശം വിട്ടുള്ള യാത്രകൾ വേണ്ടിവരും. സന്താനങ്ങൾക്ക് രോഗദുരിതം. മാനസിക സമ്മർദം അധികരിക്കും. വാഹനങ്ങൾ കൈകാര്യം ചെയ്യുമ്പോൾ ശ്രദ്ധിക്കുക.

ഉത്രാടം:  ശാരീരികവും മാനസികവുമായ വിഷമതകൾ നേരിടും.  പ്രധാന തൊഴിലിൽ നിന്ന് വിട്ടു  നിൽക്കേണ്ടി വരും. പ്രധാനപ്പെട്ട കാര്യങ്ങളിൽ  വിജയം കാണില്ല. ഗൃഹസുഖം കുറയും. 

അനാവശ്യ ചെലവുകൾ  മൂലം മനസ്സു വിഷമിക്കും. ബന്ധുക്കൾ തമ്മിൽ ഭിന്നത. ദാമ്പത്യപ്രശ്നങ്ങൾ ഉടലെടുക്കും.

തിരുവോണം: സുഹൃദ് സഹായം വർധിക്കും. ഗൃഹ നിർമാണത്തിൽ പുരോഗതി. ധനപരമായ അധികച്ചെലവ് .ലഹരി വസ്തുക്കളിൽ നിന്ന് വിടുതൽ നേടുവാൻ സാധിക്കും. ബന്ധുജന സഹായം ലഭിക്കും.  സാമ്പത്തിക വിഷമതകൾ മറികടക്കും. മനസ്സിനെ അനാവശ്യ ചിന്തകൾ  അലട്ടും. 

അവിട്ടം: ഗൃഹനിർമാണത്തിൽ പുരോഗതി, മനഃസുഖം വർധിക്കും. അലങ്കാര വസ്തുക്കൾക്കായി പണച്ചെലവ്. ഇരു ചക്ര വാഹനം ഉപയോഗിക്കുന്നവർ ശ്രദ്ധിക്കുക. അടുത്ത ബന്ധുക്കളിൽ നിന്നുള്ള സഹായം പ്രതീക്ഷിക്കാം. പുതിയ ജോലികളിൽ പ്രവേശിക്കുവാൻ അവസരമൊരുങ്ങും.

ചതയം : സാമ്പത്തിക വിഷമതകൾ മറികടക്കും.  ഔഷധങ്ങളില്‍ നിന്ന് അലർജി പിടിപെടാനിടയുണ്ട്. വിശ്രമം കുറയും. സാമ്പത്തികമായ തടസ്സങ്ങൾ നീങ്ങും. മംഗള കർമങ്ങളിൽ പങ്കെടുക്കുവാൻ കഴിയാതെ വരും. 

പൂരുരുട്ടാതി: ആരോഗ്യ വിഷമതകൾ വിട്ടൊഴിയും. മറ്റുള്ളവരെ അന്ധമായി വിശ്വസിച്ച് അബദ്ധത്തില്‍ ചാടും. ചെവി, കണ്ണ് എന്നിവയ്ക്ക് രോഗബാധയ്ക്കു സാധ്യത. വിദ്യാഭ്യാസ കാര്യങ്ങളില്‍ വിജയം ലഭിക്കും. പ്രവർത്തനരംഗത്ത്  വിജയിക്കുവാനും അംഗീകാരം  ലഭിക്കുവാനും സാധ്യത. 

ഉത്രട്ടാതി: കലാരംഗത്തു പ്രവർത്തിക്കുന്നവർക്ക് നേട്ടം. മറ്റുള്ളവരെ അമിതമായി ആശ്രയിച്ച് മാനസിക വിഷമം വരുത്തിവയ്ക്കും. മാനസികമായി ഇഷ്ടപ്പെടാത്ത കാര്യങ്ങളിൽ  ഇടപെടേണ്ടിവരും. ബന്ധുഗുണം വർധിക്കും . 

രേവതി: സാമ്പത്തിക നേട്ടങ്ങൾ പ്രതീക്ഷിക്കാം. അനുകൂലമായി നിന്നിരുന്നവർക്ക് മാനസിക വിരോധം. അനാരോഗ്യം മൂലം യാത്രകൾ ഒഴിവാക്കും. തൊഴിൽ രംഗത്ത് നേട്ടങ്ങൾ സഹോദരങ്ങൾ വഴി സഹായം ലഭിക്കും. പ്രധാന തൊഴിലില്‍ നിന്നല്ലാതെ ധനവരുമാനം പ്രതീക്ഷിക്കാം. 

Content Highlights: Weekly Star Prediction | Sajeev Sastharam | 2023 September 03 to 09 | Weekly Star Prediction | Star Prediction | Manorama Astrology