ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: ഉദ്യോഗ സ്ഥലത്തേക്ക് മാതാപിതാക്കളെ കൊണ്ടു പോകുവാനിടവരും. പ്രാണായാമം,വ്യായാമം എന്നിവ ശീലിക്കുന്നതു വഴി സ്വയം സമ്മർദങ്ങളെ അതിജീവിക്കുവാൻ സാധിക്കും. 

ഭരണി: ഗവേഷകർക്കും ശാസ്ത്രജ്ഞർക്കും അനുകൂല സാഹചര്യങ്ങളും അംഗീകാരവും ലഭിക്കും. സത്യസന്ധമായ പ്രവർത്തനങ്ങൾ ലക്ഷ്യപ്രാപ്തി നേടും. 

കാർത്തിക: ആത്മാർഥ സുഹൃത്തിന്റെ അകാല വിയോഗം മനോവിഷമത്തിന് ഇടയാക്കും. അന്യരുടെ വിഷമാവസ്ഥകൾക്കു ശാശ്വത പരിഹാരം നിർദേശിക്കുവാൻ സാധിക്കും. 

രോഹിണി: പദ്ധതി ആസൂത്രണങ്ങളിൽ ലക്ഷ്യപ്രാപ്തി നേടും. ഗവേഷകർക്കും ശാസ്ത്രജ്ഞർക്കും അനുകൂല സാഹചര്യമുണ്ടാകും. അറിവും കഴിവും പരമാവധി പ്രകടിപ്പിക്കുവാൻ തക്കവണ്ണമുള്ള തൊഴിൽ വന്നുചേരും. 

മകയിരം: അപകീർത്തി ഒഴിവാക്കുവാൻ വിട്ടുവീഴ്ചാ മനോഭാവം സ്വീകരിക്കും. മറ്റുള്ളവരുടെ കഴിവിനെ അംഗീകരിക്കുന്നതിൽ ആത്മസംതൃപ്തി തോന്നും. 

തിരുവാതിര: മാതാപിതാക്കളുടെ അസുഖാവസ്ഥ പരിഗണിച്ച് ഒരുമിച്ചു താമസിപ്പിക്കുവാൻ തീരുമാനിക്കും. നിർണായക വിഷയങ്ങളിൽ അനുരഞ്ജനശ്രമം അന്തിമനിമിഷത്തിൽ വിജയിക്കും.

പുണർതം: സാമ്പത്തിക വിഷയം കൈകാര്യം ചെയ്യുന്ന നേതൃത്വം ഉപേക്ഷിക്കുകയാണു നല്ലത്. വിജ്ഞാനം ആർജിക്കുവാനും പകർന്നു കൊടുക്കുവാനുമിടവരും.. അന്യദേശത്തേക്ക് ഉദ്യോഗമാറ്റമുണ്ടാകും.

പൂയം: ഉപരിപഠനം പൂർത്തീകരിച്ചു തൃപ്തിയായ ഉദ്യോഗത്തിൽ പ്രവേശിക്കും. വാസ്തുശാസ്ത്രപ്പിഴയുള്ള ഗൃഹം വിൽപന ചെയ്ത് ഐശ്വര്യമുള്ള ഗൃഹത്തിലേക്കു മാറിത്താമസിക്കും. 

ആയില്യം: ഉദ്യോഗത്തോടനുബന്ധമായി ഹ്രസ്വകാല പ്രവൃത്തിപരിചയ പാഠ്യപദ്ധതിയിൽ ചേരുവാനിടവരും. ആർഭാടങ്ങൾ ഒഴിവാക്കി ലളിതമായ ജീവിതം നയിക്കുവാൻ തയാറാകുന്നത് ആശ്വാസത്തിനു വഴിയൊരുക്കും.

മകം: ഓർമശക്തിക്കുറവിനാൽ സാമ്പത്തിക വിഭാഗത്തിൽ നിന്ന് ഒഴിഞ്ഞുമാറുകയാണ് നല്ലത്. സ്വന്തം കാര്യങ്ങൾ നീക്കി വച്ച് അന്യരുടെ കാര്യങ്ങളിൽ ഇടപെടുന്ന പ്രവണത ഉപേക്ഷിക്കണം. 

പൂരം: ചെലവിനങ്ങളിൽ വളരെ നിയന്ത്രണം വേണം. ജാമ്യം നിൽക്കരുത്. ഉപകാരം ചെയ്തു കൊടുത്തവരിൽ നിന്നു വിപരീത പ്രതികരണങ്ങൾ വന്നുചേരും. 

ഉത്രം: ഊഹാപോഹങ്ങളിലും പ്രലോഭനങ്ങളിലും അകപ്പെടരുത്. ശുഭകരമായ അവസ്ഥകൾ മനഃസമാധാനത്തിനു വഴിയൊരുക്കും. ദീർഘകാല പദ്ധതികൾ അർധമനസ്സോടു കൂടി ഏറ്റെടുക്കും. 

അത്തം: ആഹാര പദാർഥങ്ങളിലുള്ള അപാകതകളാൽ അസ്വാസ്ഥ്യമനുഭവപ്പെടും. സമൂഹത്തിൽ ഉന്നതരുമായി സൗഹൃദ ബന്ധത്തിലേർപ്പെടുന്നതു വഴി പുതിയ കർമപദ്ധതികൾ രൂപകൽപന ചെയ്യുവാൻ സാധിക്കും. 

ചിത്തിര: വാഹനം മാറ്റിവാങ്ങും. സ്വയംഭരണാധികാരം പ്രവർത്തനക്ഷമതയ്ക്കു വഴിയൊരുക്കും. പാരമ്പര്യവിജ്ഞാനം അനാവശ്യ ചിന്തകളെ ഒഴിവാക്കുവാൻ ഉപകരിക്കും. 

ചോതി: ജനമധ്യത്തിൽ പരിഗണന ലഭിക്കും. ജീവിതനിലവാരം വർധിച്ചതിനാൽ കൂടുതൽ സൗകര്യമുള്ള ഗൃഹം വാങ്ങുവാൻ അന്വേഷണമാരംഭിക്കും.

വിശാഖം: പൊതുപ്രവർത്തനങ്ങളിൽ ശോഭിക്കും. അവഗണിക്കപ്പെട്ട വിഷയങ്ങൾ പരിഗണിക്കപ്പെടുന്നതിനാൽ ആശ്വാസമുണ്ടാകും. അനവധി കാര്യങ്ങൾ നിശ്ചിത സമയത്തിനുള്ളിൽ ചെയ്തു തീർക്കും. 

അനിഴം: പുതിയ ഭരണസംവിധാനം പ്രവർത്തനവിജയത്തിനു വഴിയൊരുക്കും. ഗൃഹനിർമാണം പൂർത്തീകരിച്ച് ഗൃഹപ്രവേശന കർമം നിർവഹിക്കും. 

തൃക്കേട്ട: നിർദേശങ്ങളും പ്രവർത്തനശൈലിയും മറ്റുള്ളവർക്ക് ഉപകാരപ്രദമായി എന്നറിഞ്ഞതിൽ കൃതാർഥനാകും. ഏറ്റെടുക്കുന്ന ദൗത്യം നിറവേറ്റാൻ സാധിക്കാത്തതിനാൽ കഴിവുള്ളവരെ ഏൽപിക്കേണ്ടതായി വരും.

മൂലം: കുടുംബാംഗങ്ങളുടെ ആശയങ്ങൾ സ്വീകരിക്കുന്നതിനാൽ സ്വസ്ഥതയും സമാധാനവും ഉണ്ടാകും. ഉദ്ദേശിച്ച വില ലഭിക്കാത്തതിനാൽ ഭൂമിവിൽപന ഉപേക്ഷിക്കും. 

പൂരാടം: ആത്മവിശ്വാസക്കുറവിനാൽ വിജയശതമാനം കുറയും. ഉദ്യോഗവും ഉപരിപഠനവും സമന്വയിപ്പിച്ചുള്ള അവസരം സ്വീകരിക്കും. ഔദ്യോഗിക ചുമതലകളാൽ ദമ്പതികൾക്കു വിട്ടുനിൽക്കേണ്ടതായ സാഹചര്യമുണ്ടാകും. 

ഉത്രാടം: നടപടിക്രമങ്ങളിൽ കൃത്യത പാലിക്കുവാൻ കഠിനപ്രയത്നവും സുഹൃത്‌സഹായവും വേണ്ടിവരും. പ്രതികൂല സാഹചര്യങ്ങളെ അഭിമുഖീകരിക്കുവാനുള്ള ആർജവമുണ്ടാകും.

തിരുവോണം: കർമ മണ്ഡലങ്ങളിൽ പ്രതീക്ഷിച്ചതിലുപരി പുരോഗതിയുണ്ടാകും. സാഹചര്യങ്ങളാൽ ദുശ്ശീലങ്ങൾ ഒഴിവാക്കി സദ്ശീലങ്ങൾ സ്വീകരിക്കും. 

അവിട്ടം: അനവധി കാര്യങ്ങൾ അനുകൂലമാക്കി തീർക്കുന്നതിനാൽ സൽക്കീർത്തിയും സജ്ജനപ്രീതിയും വർധിക്കും. അവസരങ്ങൾ പരമാവധി പ്രയോജനപ്പെടുത്തുന്നതു ഭാവിയിലേക്കു ഗുണകരമാകും. 

ചതയം: പൊതുജനാവശ്യം അന്വേഷിച്ചറിഞ്ഞ് പുതിയ പദ്ധതികൾക്കു രൂപകൽപന ചെയ്യും. സമാന ചിന്താഗതിയിലുള്ളവരെ ഉൾപ്പെടുത്തി കാർഷിക മേഖലകൾ വിപുലമാക്കും.

പൂരുരുട്ടാതി: അനുഭവ ജ്ഞാനമുള്ള മേഖലകളിൽ പണം മുടക്കും. വ്യക്തി പ്രഭാവത്താലും സുതാര്യതയുള്ള സമീപനത്താലും ദുഷ്പ്രചാരണങ്ങൾ നിഷ്പ്രഭമാകും. 

ഉത്തൃട്ടാതി: നിസ്സാര കാര്യങ്ങൾക്കു പോലും അശ്രാന്ത പരിശ്രമം വേണ്ടിവരും. കഴിവും അറിവും പ്രാപ്തിയും അഹംഭാവത്തിനു വഴിയാകരുത്. 

രേവതി: മക്കളുടെ സംരക്ഷണം ആശ്വാസത്തിന് വഴിയൊരുക്കും. മേലധികാരിയുടെ സ്വകാര്യ ആവശ്യങ്ങൾ നിറവേറ്റാൻ സാധിക്കുന്നതിൽ കൃതാർഥനാകും. 

Content Highlights: Weekly Prediction | Kanippayyur Narayanan Namboodiripad | Weekly Star Prediction | Star Prediction |2023 September 10 to16 | Manorama Astrology