ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: നിസ്സാര കാര്യങ്ങൾക്കു പോലും അഹോരാത്രം പ്രവർത്തനം വേണ്ടിവരും. ഔചിത്യമുള്ള സമീപനശൈലിക്ക് അർഹമായ അംഗീകാരം അന്തിമ നിമിഷത്തിൽ അനുഭവയോഗ്യമാകും.
ഭരണി: ബന്ധുമിത്രാദികളുടെ സ്വകാര്യ കുടുംബകാര്യങ്ങളിൽ ഏർപ്പെടുന്നതു ശത്രുതയ്ക്കു വഴിയൊരുക്കും. സഹോദര–സുഹൃത്‌ സഹായ ഗുണത്താൽ ഉദ്യോഗം ലഭിക്കും.
കാർത്തിക: ആഗ്രഹ സാഫല്യത്താൽ ആത്മനിർവൃതിയുണ്ടാകും. ആദരവും വിനയവുമുള്ള സമീപനം മാർഗതടസ്സങ്ങളെ അതിജീവിച്ചു സർവകാര്യവിജയം നേടുവാൻ ഉപകരിക്കും.
രോഹിണി: ദ്രതയില്ലാത്ത സാമ്പത്തിക ഇടപാടുകളിൽ നിന്നു യുക്തിപൂർവം പിന്മാറും. ഈശ്വരപ്രാർഥനകളാൽ പുനഃപരീക്ഷയിൽ വിജയം ഉണ്ടാകും.
മകയിരം: ഗൗരവമുള്ള വിഷയങ്ങൾ തനതായ അർഥതലങ്ങളോടുകൂടി ലക്ഷ്യപ്രാപ്തിയിലെത്തിക്കുവാൻ സാധിക്കും. കുടുംബാംഗങ്ങളിൽ ചിലരുടെ മൗഢ്യമനോഭാവം മനോവിഷമത്തിനു വഴിയൊരുക്കും.
തിരുവാതിര: ആർജിച്ച വിജ്ഞാനം മറ്റുള്ളവർക്കു പകർന്നുകൊടുക്കുന്നതിൽ ആത്മസംതൃപ്തി തോന്നും. പരമപ്രധാനമായ കാര്യങ്ങളിൽ സഹകരിക്കും.
പുണർതം: യാഥാർഥ്യബോധത്തോടു കൂടിയ ജീവിതപങ്കാളിയുടെ സമീപനം മനസ്സമാധാനത്തിനു വഴിയൊരുക്കും. നീതിന്യായങ്ങൾ നടപ്പിലാക്കുവാൻ നിയമസഹായം തേടും.
പൂയം: പരീക്ഷ, ഇന്റർവ്യൂ, കലാകായിക മത്സരങ്ങൾ തുടങ്ങിയവയിൽ വിജയിക്കും. അഭിപ്രായ സമന്വയം തൊഴിൽ മേഖലകളിലും കുടുംബജീവിതത്തിലും അനുകൂല സാഹചര്യങ്ങൾക്കു വഴിയൊരുക്കും.
ആയില്യം: സങ്കീർണമായ പ്രശ്നങ്ങളെ ലാഘവത്തോടു കൂടി അഭിമുഖീകരിക്കുവാനവസരമുണ്ടാകും.അശരണരായവർക്ക് ആശ്രയം നൽകുന്നതിൽ ആത്മസംതൃപ്തി തോന്നും.
മകം: ക്ലേശകരമായ വിഷയങ്ങളാണെങ്കിലും വേണ്ട വിധത്തിൽ നിറവേറ്റുവാനും അതിജീവിക്കുവാനും സാധിക്കും. കാര്യങ്ങൾ നിഷ്കർഷയോടുകൂടി ചെയ്തുതീർക്കുവാൻ സാധിക്കും.
പൂരം: ആധുനിക സംവിധാനം ഉപയോഗിച്ചു കൃഷി വിപുലമാക്കും. പുനഃപരീക്ഷയിൽ വിജയശതമാനം വർധിക്കും.
ഉത്രം: ഗൗരവമുള്ള വിഷയങ്ങൾ ലാഘവത്തോടു കൂടി ചെയ്തു തീർക്കുവാൻ സാധിക്കും. സന്താനങ്ങളുടെ വിദ്യാഭ്യാസ വിഷയത്തിൽ ആശങ്ക വർധിക്കും.
അത്തം: മറ്റുള്ളവരുടെ ഉയർച്ചയിൽ അഭിനന്ദിക്കുന്നതു വഴി ആത്മാഭിമാനമുണ്ടാകും. ബന്ധുവിന്റെ അകാല വിയോഗം ഗതകാല സ്മരണകൾക്കു വഴിയൊരുക്കും.
ചിത്തിര: ദമ്പതികൾക്ക് ഒരുമിച്ചു താമസിക്കുവാൻ തക്കവണ്ണം ഉദ്യോഗമാറ്റമുണ്ടാകും. പദ്ധതി ആസൂത്രണ വിഭാഗത്തിൽ ഉൾപ്പെട്ടതിനാൽ കഴിവിന്റെ പരമാവധി പ്രകടിപ്പിക്കുവാൻ സാധിക്കും.
ചോതി: സുഖദുഃഖങ്ങൾ ഒരുപോലെ സ്വീകരിക്കുവാനുള്ള മാനസികാവസ്ഥ സംജാതമാകും. മാതാപിതാക്കളുടെ ഇഷ്ടമനുസരിച്ചു പ്രവർത്തിക്കുന്നതിൽ ആത്മസംതൃപ്തിയുണ്ടാകും.
വിശാഖം: വിൽപനോദ്ദേശ്യം മനസ്സിൽ കരുതി വാങ്ങിയ ഭൂമിക്കു ഭേദപ്പെട്ട ലാഭമുണ്ടാകയാൽ വിൽപനയ്ക്കു തയാറാകും. പാരമ്പര്യപ്രവൃത്തികളിൽ താൽപര്യം വർധിക്കും.
അനിഴം: എല്ലാ മേഖലകളിലും ആത്മനിയന്ത്രണം വേണം. വിവരസാങ്കേതികവിദ്യയിൽ പുതിയ കണ്ടെത്തലുകൾക്കു സാക്ഷിയാകും.
തൃക്കേട്ട: അനവധി കാര്യങ്ങൾ നിഷ്കർഷയോടു കൂടി ചെയ്തുതീർക്കും. ഭരണസംവിധാനത്തിലെ അപര്യപ്തതകൾ പരിഹരിക്കും.
മൂലം: പുത്രപൗത്രാദികളോടൊപ്പം വിദേശത്തേക്ക് മാസങ്ങളോളം താമസിക്കുവാനവസരമുണ്ടാകും. വികസനപ്രവർത്തനങ്ങൾക്കു നേതൃത്വം നൽകും.
പൂരാടം:അടിസ്ഥാനസൗകര്യങ്ങൾ നടപ്പിലാക്കിയ മേലധികാരിയോട് ആദരം തോന്നും. പാരമ്പര്യപ്രവൃത്തികളിൽ പരിശീലനം നേടി പ്രവർത്തനതലത്തിൽ കൊണ്ടുവരും.
ഉത്രാടം: ഉൽപന്നങ്ങളുടെ ഗുണനിലവാരം വർധിപ്പിക്കുവാൻ വ്യവസായം നവീകരിക്കും. വിവിധങ്ങളും വ്യത്യസ്തങ്ങളുമായ പ്രവർത്തനങ്ങളിൽ ഏർപ്പെടുന്നതിനാൽ സൽകീർത്തിയും സജ്ജനപ്രീതിയും ആത്മസാക്ഷാത്കാരവും ഉണ്ടാകും.
തിരുവോണം: ആധ്യാത്മിക-ആത്മീയ ചിന്തകൾ മനോധൈര്യത്തിനും ആത്മവിശ്വാസത്തിനും വഴിയൊരുക്കും. ദമ്പതികൾക്ക് ഒരുമിച്ചു താമസിക്കുവാൻ തക്കവണ്ണം ഉദ്യോഗ മാറ്റമുണ്ടാകും.
അവിട്ടം: അർഹതയുള്ളവരെ അനുമോദിക്കുന്നതിൽ ആത്മസംതൃപ്തിയുണ്ടാകും. പരിമിതികൾക്കനുസരിച്ചു ജീവിക്കുവാൻ തയാറാകുന്നത് മനസ്സമാധാനത്തിനു വഴിയൊരുക്കും.
ചതയം: ആസൂത്രിത പദ്ധതികളിൽ അന്തിമമായി അനുകൂല വിജയവും അനുഭവവും ഉണ്ടാകും. നിലനിൽപിനാധാരമായ ഉദ്യോഗം ലഭിക്കും.
പൂരുരുട്ടാതി: തടസ്സപ്പെട്ട പാഠ്യപദ്ധതിക്കു പ്രവേശനം ലഭിക്കും. സുരക്ഷാസംവിധാനം സുശക്തമാക്കുവാൻ നിർബന്ധിതനാകും.
ഉത്തൃട്ടാതി: സജീവ സാന്നിധ്യത്താൽ സർവകാര്യവിജയം നേടും. പുതിയ കരാർ ജോലികൾ ഏറ്റെടുത്തു നടപ്പിലാക്കും.
രേവതി: നടപടിക്രമങ്ങളിലുള്ള ആത്മാർഥതയും നിഷ്കർഷയും നിശ്ചയദാർഢ്യവും ലക്ഷ്യബോധവും മാതൃകാപരമായതിനാൽ പുതിയ തലങ്ങൾക്കു വഴിയൊരുക്കും.