ധനനേട്ടം, കർമരംഗത്ത് ഉയർച്ച ; അനുകൂലഫലങ്ങൾ 5 കൂറുകാർക്ക്

Mail This Article
മേടക്കൂർ :അശ്വതി, ഭരണി, കാർത്തികയുടെ കാൽഭാഗം ചേർന്ന മേടക്കൂറുകാർക്ക് ഈ വാരത്തിൽ, പലവിധ സ്രോതസ്സുകളിൽ നിന്നും ധനാഗമനം പ്രതീക്ഷിക്കാം. കർമരംഗത്ത് നല്ല ഉയർച്ച തന്നെ പ്രതീക്ഷിക്കാം. പേരും പ്രശസ്തിയും ഉണ്ടാകും. സ്ഥാനമാറ്റം, ഉന്നതി എന്നിവ ഉണ്ടാകും. സന്താനങ്ങളുടെ ഉന്നമനത്തിനായി പ്രവർത്തിച്ച് സന്തോഷത്തോടെ മുന്നോട്ടു പോകാൻ ആകും. സന്താനങ്ങൾക്കും പലവിധ ഉയർച്ചകൾ ഉണ്ടാകും. സുഹൃത്തുക്കളുടെയും സഹോദരങ്ങളുടെയും സഹായം ലഭിക്കുന്നതാണ്. പങ്കാളിയിൽ നിന്നും നേട്ടങ്ങൾ പ്രതീക്ഷിക്കാം. ദാമ്പത്യ സൗഖ്യം ഉണ്ടാകും. കുടുംബത്ത് സമാധാനം പ്രതീക്ഷിക്കാം. ബിസിനസ് രംഗത്ത് നല്ല ശ്രദ്ധ ചെലുത്തുകയാണെങ്കിൽ നല്ല രീതിയിൽ കാര്യങ്ങൾ മുന്നോട്ടു കൊണ്ടു പോകാൻ ആകും. അമ്മയുടെ ആരോഗ്യകാര്യത്തിൽ ശ്രദ്ധയുണ്ടാകണം. ഹൃദയസംബന്ധമായി അസ്വസ്ഥതകൾ ഉള്ളവർ പ്രത്യേകം ശ്രദ്ധാലുക്കൾ ആയിരിക്കണം. വാഹനം കൈകാര്യം ചെയ്യുമ്പോൾ അതീവ ശ്രദ്ധാലുക്കൾ ആയിരിക്കണം.ചൊവ്വാഴ്ച ദിവസങ്ങളിൽ ദേവീക്ഷേത്ര ദർശനം അനിവാര്യമാണ്.
ഇടവക്കൂർ :കാർത്തികയുടെ ബാക്കി മുക്കാൽ ഭാഗം, രോഹിണി, മകയിരത്തിന്റെ ആദ്യപകുതിയും ഉൾപ്പെടുന്ന ഇടവക്കൂറുകാർക്ക് ഈ വാരത്തിൽ, അപ്രതീക്ഷിതമായ ധന നേട്ടങ്ങൾ ഉണ്ടാകും. ലോണുകൾക്കോ ചിട്ടികൾക്കോ അനുമതി ലഭിക്കാൻ ഇടയുണ്ട്. കർമരംഗത്ത് സഹപ്രവർത്തകരും മേൽ ഉദ്യോഗസ്ഥരുമായി യോജിച്ചു പോകാൻ ശ്രദ്ധിക്കണം. സഹോദരങ്ങളും സുഹൃത്തുക്കളുമായി നല്ല ബന്ധം പുലർത്തി മുന്നോട്ടുപോകാൻ ആകും. സന്താനങ്ങളുമായി അഭിപ്രായ വ്യത്യാസങ്ങൾ ഉണ്ടാകാതിരിക്കാൻ ശ്രദ്ധിക്കണം. പങ്കാളിയിൽ നിന്നും സഹായങ്ങൾ പ്രതീക്ഷിക്കാം. ദാമ്പത്യ സൗഖ്യം ഉണ്ടാകും. ബിസിനസ് രംഗത്ത് പ്രവർത്തിക്കുന്നവർക്ക് മുതിർന്നവരുടെ സഹായങ്ങൾ ലഭിക്കാൻ ഇടയുണ്ട്. ധന ചെലവുകളും വന്നു ചേരുന്നതാണ്. ഉദരസംബന്ധമായ അസ്വസ്ഥതകളും, നെഞ്ചിരിച്ചിൽ പോലുള്ള ബുദ്ധിമുട്ടുകളും ഉണ്ടാകാൻ ഇടയുണ്ട്. ബുധനാഴ്ച ദിവസം ശ്രീകൃഷ്ണസ്വാമിക്ക് തൃക്കൈവെണ്ണ സമർപ്പിക്കുക.
മിഥുനക്കൂർ :മകയിരത്തിന്റെ ബാക്കി പകുതിയും, തിരുവാതിര, പുണർതത്തിന്റെ ആദ്യ മുക്കാൽ ഭാഗവും ഉൾപ്പെടുന്ന മിഥുനക്കൂറുകാർക്ക് ഈ വാരത്തിൽ, ധനം വന്നു ചേരുന്നതിന് തടസ്സങ്ങൾ അനുഭവപ്പെടുന്നതാണ്. ധനം ഇടപാടുകളിൽ അതീവ ശ്രദ്ധാലുക്കൾ ആയിരിക്കണം. വാക്കുകൾ സൂക്ഷിച്ച് ഉപയോഗിക്കണം. കർമരംഗത്ത് മേൽ ഉദ്യോഗസ്ഥരുമായും സഹപ്രവർത്തകരുമായും അഭിപ്രായവ്യത്യാസങ്ങൾ ഉണ്ടാകാതിരിക്കാൻ പ്രത്യേകം ശ്രദ്ധിക്കണം. കുടുംബത്ത് ചില അഭിപ്രായവ്യത്യാസങ്ങൾക്ക് സാധ്യതയുണ്ട്. ദാമ്പത്യ സൗഖ്യം ഉണ്ടാകും.പ്രണയിതാക്കൾക്ക് ബന്ധം ഊഷ്മളമായിരിക്കും. സന്താനങ്ങളുടെ ക്ഷേമത്തിനായി അക്ഷീണം പ്രയത്നിക്കേണ്ടി വരുന്നതാണ്. ബിസിനസ് രംഗത്ത് നല്ല നേട്ടങ്ങൾ ഉണ്ടാകും. സർക്കാർ ആനുകൂല്യങ്ങൾ ലഭിക്കുവാൻ ഇടയുണ്ട്. വീട്, വസ്തു, വാഹനം എന്നിവയുമായി ബന്ധപ്പെട്ട നല്ല അനുഭവങ്ങൾ ഉണ്ടാകും. തൊണ്ടയിൽ അണുബാധ ഉണ്ടാകാൻ ഇടയുണ്ട്. ചൊവ്വാഴ്ച ദിവസങ്ങളിൽ ദേവീക്ഷേത്ര ദർശനവും, മഹാവിഷ്ണുവിന്റെ അഷ്ടോത്തരം ജപിക്കുകയും ചെയ്യുക.
കർക്കടകക്കൂർ :പുണർതത്തിന്റെ അവസാന കാൽഭാഗം, പൂയം, ആയില്യം എന്നീ നക്ഷത്രങ്ങൾ ചേർന്ന കർക്കടകക്കൂറുകാർക്ക് ഈ വാരത്തിൽ, ധന നേട്ടങ്ങൾക്ക് സാധ്യതയുണ്ട്. ലോണുകളോ ചിട്ടികളോ ലഭിക്കാം. സർക്കാർ ആനുകൂല്യങ്ങൾ ലഭിക്കുവാൻ ഇടയുണ്ട്. ദൂരയാത്രകൾ വേണ്ടി വന്നേക്കാം. കർമരംഗത്ത് ഉത്തരവാദിത്വം കൂടുതലും അലച്ചിലുകളും ഉണ്ടായേക്കാം. ബിസിനസ് രംഗത്ത് നല്ല ശ്രദ്ധ ചെലുത്തി മുന്നോട്ടു പോകേണ്ടതാണ്. വീട്, വസ്തു, വാഹനം എന്നിവയുമായി ബന്ധപ്പെട്ട കാര്യങ്ങളിൽ കാലതാമസങ്ങൾ നേരിടുന്നതാണ്. വിവാഹ കാര്യങ്ങൾക്ക് കാലതാമസം നേരിടുന്നതാണ്. പ്രണയിതാക്കൾക്ക് ഗുണപ്രദമാണ്. വിദ്യാർഥികൾക്ക് നല്ല മികവ് പുലർത്താൻ ആവും. ടെസ്റ്റുകളിലും ഇന്റർവ്യൂകളിലും വിജയിക്കാനാകും. ആരോഗ്യ കാര്യങ്ങളിൽ നല്ല ശ്രദ്ധ ചെലുത്തി മുന്നോട്ടു പോകേണ്ടതുണ്ട്. ശരീരത്തിന് ക്ഷീണം, തളർച്ച എന്നിവ അനുഭവപ്പെടാം. അമ്മയുടെ ആരോഗ്യകാര്യത്തിൽ ശ്രദ്ധ ഉണ്ടാകണം. ചൊവ്വ, വെള്ളി ദിവസങ്ങളിൽ ദേവീക്ഷേത്ര ദർശനവും മഹാദേവന് ധാര സമർപ്പിച്ചും മുന്നോട്ടു പോകേണ്ടതാണ്.
ചിങ്ങക്കൂർ :മകം, പൂരം, ഉത്രത്തിന്റെ കാൽഭാഗം ചേർന്ന ചിങ്ങക്കൂറുകാർക്കു ഈ വാരത്തിൽ, അപ്രതീക്ഷിതമായ ധന നേട്ടം ഉണ്ടാകും. പേരും പ്രശസ്തിയും വർധിക്കുന്നതാണ്. കർമരംഗത്ത് സ്ഥാനമാറ്റം, സ്ഥലം മാറ്റം എന്നിവ പ്രതീക്ഷിക്കാം. മേൽ ഉദ്യോഗസ്ഥരുമായി യോജിച്ചു പോകാൻ ആകും. നല്ല നേട്ടങ്ങളും ലഭിക്കുന്നതാണ്. വിദ്യാർഥികൾ പഠനത്തിൽ നല്ല ശ്രദ്ധ ചെലുത്തി മുന്നോട്ടു പോകേണ്ടതാണ്. ബിസിനസ് രംഗത്ത് പ്രവർത്തിക്കുന്നവർക്ക് നല്ല നേട്ടങ്ങൾ കൊയ്യാനാകും. ഊഹ കച്ചവടത്തിൽ വിജയിക്കാനാകും. വീട്, വസ്തു, വാഹനം എന്നിവയുമായി ബന്ധപ്പെട്ട നല്ല അനുഭവങ്ങൾ ഉണ്ടാകുന്നതാണ്. അച്ഛനമ്മമാരുമായി യോജിച്ച് മുന്നോട്ടു പോകേണ്ടതാണ്. വിവാഹ കാര്യങ്ങൾക്ക് അനുകൂല വാരമാണ്. പ്രണയിതാക്കൾക്ക് ഗുണപ്രദമാണ്. യാത്രാവേളകളിൽ മുറിവ്, ചതവ് എന്നിവ ഉണ്ടാകാൻ ഇടയുണ്ട്. ഉദര സംബന്ധമായ ക്ലേശങ്ങൾക്ക് ഇടയുണ്ട്. പങ്കാളിയുടെ ആരോഗ്യകാര്യത്തിലും ശ്രദ്ധയുണ്ടാകണം. മഹാദേവന് ധാര സമർപ്പിക്കുക.
കന്നിക്കൂർ :ഉത്രത്തിന്റെ ബാക്കി മുക്കാൽ ഭാഗം, അത്തം, ചിത്തിരയുടെ ആദ്യ പകുതിയും ഉൾപ്പെടുന്ന കന്നിക്കൂറുകാർക്ക് ഈ വാരത്തിൽ, അപ്രതീക്ഷിതമായ ധനചെലവുകൾ വന്നു ചേരുന്നതാണ്. കർമരംഗത്ത് നല്ല ഉയർച്ചകൾ പ്രതീക്ഷിക്കാം. സഹോദരങ്ങളിൽ നിന്നും നല്ല സഹായങ്ങൾ പ്രതീക്ഷിക്കാം. ശത്രുശല്യം വർധിക്കും. കടബാധ്യതകൾ വന്നു ചേരാതിരിക്കാൻ പ്രത്യേകം ശ്രദ്ധിക്കണം. വിവാഹ കാര്യങ്ങൾ തീരുമാനം ആകാൻ ഇടയുണ്ട്. പ്രണയിതാക്കൾക്കും ബന്ധം ഊഷ്മളമായിരിക്കും. ബിസിനസ് രംഗത്ത് നല്ല ഉയർച്ചകൾ ഉണ്ടാകും. സർക്കാർ ആനുകൂല്യങ്ങൾ പ്രതീക്ഷിക്കാം. വിദ്യാർഥികൾക്ക് പഠനത്തിൽ മികവ് പുലർത്താൻ ആകും. വീട്, വസ്തു, വാഹനം എന്നിവയുമായി ബന്ധപ്പെട്ട നല്ല അനുഭവങ്ങൾ ഉണ്ടാകും. സന്താനങ്ങളുടെ ആരോഗ്യകാരത്തിൽ പ്രത്യേകം ശ്രദ്ധയുണ്ടാകണം. മുറിവ്, ചതവ്, വീഴ്ച, പൊള്ളൽ എന്നിവ ഉണ്ടാകാൻ ഇടയുണ്ട്. ഉദര സംബന്ധമായ അസ്വസ്ഥതകൾ ഉണ്ടാകാൻ ഇടയുണ്ട്. നെഞ്ചിരിച്ചിൽ ഉണ്ടാകാനിടയുണ്ട്.മഹാദേവന് ധാര, നാഗങ്ങൾക്ക് മഞ്ഞളഭിഷേകം, എന്നിവ സമർപ്പിക്കുക.
തുലാക്കൂർ:ചിത്തിരയുടെ ബാക്കി പകുതിയും, ചോതി, വിശാഖത്തിന്റെ ആദ്യ മുക്കാൽ ഭാഗവും ഉൾപ്പെടുന്ന തുലാക്കൂറുകാർക്ക് ഈ വാരത്തിൽ, കർമരംഗത്ത് ചില വെല്ലുവിളികളെ തരണം ചെയ്തു ധന നേട്ടങ്ങൾക്ക് ഇടയാകും. ഐടി മേഖലയിൽ ജോലിയിൽ ഉള്ളവർക്ക് ഗുണാനുഭവങ്ങൾ കാണുന്നു. ബിസിനസ് രംഗത്ത് പ്രവർത്തിക്കുന്നവർക്കും പുതിയ പദ്ധതികൾ പ്രാവർത്തികമാക്കാൻ ആകും. വിവാഹ കാര്യങ്ങൾക്ക് കാലതാമസം നേരിടുന്നതാണ്. വിദ്യാർഥികൾ ശ്രദ്ധ ചെലുത്തി മുന്നോട്ടു പോകേണ്ടതുണ്ട്. ആത്മവിശ്വാസക്കൂടുതൽ അനുഭവപ്പെടുന്നതാണ്. വിദ്യാർഥികൾക്ക് ടെസ്റ്റുകളിലും ഇന്റർവ്യൂകളിലും വിജയിക്കാനാകും. സർക്കാർ സംബന്ധമായ കാര്യങ്ങൾക്കു അനുകൂല വാരമാണ്. മാനസിക പ്രയാസങ്ങൾ ഉണ്ടാകാൻ ഇടയുണ്ട്. ഹൃദയസംബന്ധമായ അസ്വസ്ഥതകൾ ഉള്ളവർ പ്രത്യേകം ശ്രദ്ധിക്കേണ്ടതാണ്. ശനിയാഴ്ച ദിവസം ശാസ്താവിന് എള്ള് പായസം സമർപ്പിക്കുക.
വൃശ്ചികക്കൂർ :വിശാഖത്തിന്റെ അവസാന കാൽഭാഗം, അനിഴം, തൃക്കേട്ട എന്നീ നക്ഷത്രങ്ങൾ ചേർന്ന വൃശ്ചികക്കൂറുകാർക്ക് ഈ വാരത്തിൽ, ധനനേട്ടം ഉണ്ടാകാനും കർമരംഗത്ത് നല്ല ഗുണാനുഭവങ്ങൾ ലഭിക്കുന്നതാണ്. പേരും പ്രശസ്തിയും, ബന്ധു സമാഗമം എന്നിവ പ്രതീക്ഷിക്കാം. ബിസിനസ് രംഗത്തുള്ളവർക്ക് നല്ല ഗുണാനുഭവങ്ങൾ പ്രതീക്ഷിക്കാവുന്നതാണ്. അയൽവക്കക്കാരും സുഹൃത്തുക്കളുമായി ഇടപഴകുമ്പോൾ അതീവ ശ്രദ്ധാലുക്കൾ ആയിരിക്കണം. വിദ്യാർഥികൾ നല്ല ശ്രദ്ധ ചെലുത്തി മുന്നോട്ടു പോകേണ്ടതുണ്ട്. അമ്മയുടെ ആരോഗ്യകാര്യത്തിലും പ്രത്യേകം ശ്രദ്ധയുണ്ടാകണം. വാഹനം കൈകാര്യം ചെയ്യുമ്പോഴും ശ്രദ്ധിക്കേണ്ടതാണ്. വിവാഹ കാര്യങ്ങൾ തീരുമാനമാകാൻ ഇടയുണ്ട്. പ്രണയിതാക്കൾക്കും ഗുണപ്രദമാണ്. കുടുംബത്തെ സന്തോഷവും സമാധാനവും ഉണ്ടാകും. പലവിധ അലർജി പ്രശ്നങ്ങളും അലട്ടാനിടയുണ്ട്. ഹൃദയസംബന്ധമായ അസ്വസ്ഥതകൾ ഉള്ളവർ ശ്രദ്ധിക്കേണ്ടതാണ്. ചൊവ്വാഴ്ച ദിവസം ദേവീക്ഷേത്ര ദർശനവും, യഥാവിധി വഴിപാടുകളും, മഹാദേവന് ധാരയും സമർപ്പിക്കുക.
ധനുക്കൂർ :മൂലം, പൂരാടം, ഉത്രാടത്തിന്റെ കാൽഭാഗം ചേർന്ന ധനുക്കൂറുകാർക്ക് ഈ വാരത്തിൽ, ധന നേട്ടങ്ങൾ ഉണ്ടാകാനും ധന ചെലവുകളും വന്നു ചേരുന്നതാണ്. ലോണുകൾക്ക് അനുമതി ലഭിക്കുന്നതിനും കടം വർധിച്ചു വരുന്നതിനും സാധ്യതയുണ്ട്. വാക്കുകൾ ഉപയോഗിക്കുമ്പോൾ സൂക്ഷിക്കേണ്ടതാണ്. വിവാഹ കാര്യങ്ങൾക്ക് അനുകൂല വാരമാണ്. കുടുംബത്ത് അഭിപ്രായവ്യത്യാസങ്ങൾ ഉണ്ടാകാതിരിക്കാൻ ശ്രദ്ധിക്കണം. സഹോദരങ്ങളുടെ സഹായം ലഭിക്കാൻ ഇടയുണ്ട്. കർമരംഗത്ത് മേലധികാരിയുമായി യോജിച്ച് മുന്നോട്ടു പോകാൻ ആകും. ബിസിനസ് രംഗം വിപുലപ്പെടുത്തി എടുക്കുവാനും നല്ല നേട്ടം കൊയ്യാനും ആകും. വീട്, വസ്തു, വാഹനം എന്നിവയുമായി ബന്ധപ്പെട്ട് ചില ബുദ്ധിമുട്ടുകൾ അനുഭവപ്പെടുന്നതാണ്. സന്താനങ്ങളുമായി യോജിച്ചു പോകാൻ ശ്രദ്ധിക്കണം. ആരോഗ്യ കാര്യങ്ങളിൽ പ്രത്യേകം ശ്രദ്ധിക്കണം. തൈറോയ്ഡ് പ്രശ്നങ്ങളോ തൊണ്ട വീക്കം പോലുള്ള അസ്വസ്ഥതകൾ ഉണ്ടാകാൻ ഇടയുണ്ട്. ശനിയാഴ്ച ദിവസം ശാസ്താവിന് എള്ള് പായസം, ശിവഭഗവാന് പിൻവിളക്ക് എന്നിവ സമർപ്പിക്കുക.
മകരക്കൂർ :ഉത്രാടത്തിന്റെ ബാക്കി മുക്കാൽഭാഗം, തിരുവോണം, അവിട്ടത്തിന്റെ ആദ്യപകുതിയും ഉൾപ്പെടുന്ന മകരക്കൂറുകാർക്ക് ഈ വാരത്തിൽ,അപ്രതീക്ഷിതമായ ധന നേട്ടമുണ്ടാകും. എന്നാൽ ധനം ഇടപാടുകളിൽ അതീവ ശ്രദ്ധാലുക്കൾ ആയിരിക്കണം. വാക്കുകൾ സൂക്ഷിച്ച് ഉപയോഗിക്കണം. സഹോദരങ്ങളും സുഹൃത്തുക്കളുമായി നല്ല ബന്ധം പുലർത്തി മുന്നോട്ടു പോകാൻ ആകും. കർമരംഗത്ത് നല്ല ഗുണാനുഭവങ്ങൾ ലഭിക്കുന്നതാണ്. ബിസിനസ് രംഗത്ത് പ്രവർത്തിക്കുന്നവർക്കും അനുകൂലവാരമാണ്. വിദ്യാർഥികൾ പഠനത്തിൽ നല്ല ശ്രദ്ധ ചെലുത്തി മുന്നോട്ടു പോകേണ്ടതുണ്ട്. വീട്, വസ്തു, വാഹനം എന്നിവയുമായി ബന്ധപ്പെട്ട നല്ല ഗുണാനുഭവങ്ങൾ പ്രതീക്ഷിക്കാം.ശരീരത്തിന് ക്ഷീണം, മുറിവ്, ചതവ്, പൊള്ളൽ എന്നിവ ഉണ്ടാകാൻ ഇടയുള്ളതിനാൽ പ്രത്യേകം ശ്രദ്ധിക്കേണ്ടതാണ്. അച്ഛന്റെ ആരോഗ്യകാര്യത്തിലും പ്രത്യേകം ശ്രദ്ധയുണ്ടാകണം. മഹാദേവനു ധാര, അയ്യപ്പസ്വാമിക്ക് നീരാഞ്ജനം എന്നിവ സമർപ്പിച്ച മുന്നോട്ടു പോകേണ്ടതാണ്.
കുംഭക്കൂർ:അവിട്ടത്തിന്റെ ബാക്കി പകുതിയും, ചതയം, പൂരുരുട്ടാതിയുടെ ആദ്യ മുക്കാൽ ഭാഗവും ഉൾപ്പെടുന്ന കുംഭക്കൂറുകാർക്ക് ഈ വാരത്തിൽ, സാമ്പത്തിക സ്ഥിതി മെച്ചപ്പെടും. കർമരംഗത്ത് നല്ല ഗുണാനുഭവങ്ങൾ ഉണ്ടാകുന്നതാണ്. ബിസിനസ് രംഗത്ത് പ്രവർത്തിക്കുന്നവർക്കും നല്ല നേട്ടങ്ങൾ ലഭിക്കുന്നതാണ്. വിവാഹ കാര്യങ്ങൾക്ക് കാലതാമസം നേരിടുന്നതാണ്. എന്നാൽ പ്രണയിതാക്കൾക്ക് ഗുണപ്രദമാണ്. വിദ്യാർഥികൾക്ക് പഠനത്തിൽ മികവ് പുലർത്താൻ ആകും. ടെസ്റ്റുകളിലും ഇന്റർവ്യൂകളിലും വിജയിക്കാനാകും. വീട്, വസ്തു, വാഹനം എന്നിവയുമായി ബന്ധപ്പെട്ട് നല്ല ഗുണാനുഭവങ്ങൾ പ്രതീക്ഷിക്കാം. ദാമ്പത്യ സൗഖ്യം കുറയാം. ദൂരദേശ യാത്രകൾ വേണ്ടി വന്നേക്കാം. അലച്ചിലുകളും ഫലമാണ്. മാതാപിതാക്കളുടെ ആരോഗ്യകാര്യത്തിൽ ശ്രദ്ധയുണ്ടാകണം. സഹോദരങ്ങളുമായും സുഹൃത്തുക്കളുമായും നല്ല ബന്ധം പുലർത്തി മുന്നോട്ടു പോകാൻ ആകും. ശരീരത്തിന് ക്ഷതം സംഭവിക്കാതിരിക്കാൻ ശ്രദ്ധിക്കേണ്ടതാണ്. ശരീരത്തിന് ക്ഷീണം അനുഭവപ്പെടാം. ശനിയാഴ്ച ദിവസം ശാസ്താവിന് നീരാഞ്ജനം, ചൊവ്വാഴ്ച ദിവസം ദേവീക്ഷേത്ര ദർശനവും അനിവാര്യമാണ്.
മീനക്കൂർ :പൂരുരുട്ടതിയുടെ അവസാന കാൽ ഭാഗം, ഉത്തൃട്ടാതി, രേവതി എന്നീ നക്ഷത്രങ്ങൾ ചേർന്ന മീനക്കൂറുകാർക്കു ഈ വാരത്തിൽ,അപ്രതീക്ഷിതമായ ധന നേട്ടങ്ങൾക്കും, ധന ചെലവുകൾക്കും സാധ്യതയുണ്ട്. കർമരംഗത്ത് പലവിധ നേട്ടങ്ങൾ ഉണ്ടാകാൻ ഇടയുണ്ട്. മേലധികാരിയുടെ പ്രീതി ലഭിക്കുന്നതാണ്. ബിസിനസ് രംഗത്ത് പ്രവർത്തിക്കുന്നവർക്കും നല്ല നേട്ടങ്ങൾ കൊയ്യാൻ ആകും. ലോണുകൾക്കോ ചിട്ടികൾക്കോ അനുമതി ലഭിക്കുന്നതാണ്. സന്താനങ്ങളുടെ ക്ഷേമത്തിനായി അക്ഷീണം പ്രയത്നിക്കേണ്ടി വരുന്നതാണ്. വീട്, വസ്തു, വാഹനം എന്നിവയുമായി ബന്ധപ്പെട്ട നല്ല ഗുണാനുഭവങ്ങൾ ലഭിക്കുന്നതാണ്. പങ്കാളിയിൽ നിന്നും സഹായങ്ങൾ പ്രതീക്ഷിക്കാം. വിദ്യാർഥികൾക്ക് പഠനത്തിൽ നല്ല മികവ് പുലർത്താൻ ആകും. വിവാഹകാര്യങ്ങൾ തീരുമാനമാകാൻ ഇടയുണ്ട്. പ്രണയിതാക്കൾക്കും ഗുണപ്രദമാണ്. കുടുംബത്ത് ചില ആശയക്കുഴപ്പങ്ങൾ ഉണ്ടാകാൻ ഇടയുണ്ട്. മറ്റുള്ളവരെ സഹായിക്കാനുള്ള സേവന സന്നദ്ധത പ്രകടമാകും. ഉദര സംബന്ധമായ ക്ലേശങ്ങൾക്ക് ഇടയാകും. നാഗങ്ങൾക്ക് മഞ്ഞളഭിഷേകം, അയ്യപ്പസ്വാമിക്ക് നെയ്യഭിഷേകം, വിഷ്ണു സഹസ്രനാമം നിത്യവും കൃത്യനിഷ്ഠയോടെ ജപിക്കുകയും ചെയ്യുക.
ലേഖിക
ദേവകി അന്തർജനം
ph: 8281560180