ഡൽഹി കൽക്കാജി ഗോവിന്ദ്പുരിയിലെ ഭൂമിഹീൻ ക്യാംപ് ഇടിച്ചു നിരത്തിയപ്പോൾ തന്റെ വീടിന്റെ അവശിഷ്ടങ്ങൾക്കു മുകളിൽ ദുഖത്തോടെയിരിക്കുന്ന 70 വയസ്സുകാരി ഉഷാ ഷാ.

ഡൽഹി കൽക്കാജി ഗോവിന്ദ്പുരിയിലെ ഭൂമിഹീൻ ക്യാംപിൽ കഴിഞ്ഞിരുന്നവരുടെ വീടുകൾ ഇടിച്ചു നിരത്തിയപ്പോൾ അതിൽ നിന്നു ലഭിച്ച പാഴ്‌വസ്തുക്കൾ ഉപയോഗിച്ചു കൂടാരമുണ്ടാക്കി അതിനുള്ളിൽ കാത്തിരിക്കുന്ന ജഗദീഷും കുടുംബവും. വളർത്തുനായ ചമക്കിന് അകത്തു കയറാൻ സ്ഥലമില്ലാത്തതിനാൽ പുറത്ത് നിൽക്കുന്നതും കാണാം. മുൻപ് ഇവരുടെ വീടിരുന്ന സ്ഥലത്താണ് ഇപ്പോൾ കാത്തിരിക്കുന്നത്. 2700കുടുംബങ്ങളാണ് ഇവിടെ താമസിച്ചിരുന്നത്.

നഗരത്തിൽ ഫുട്പാത്തിനോടു ചേർന്ന് നിർത്തിയിടുന്ന വാഹനങ്ങൾ സാധാരണഗതിയിൽ മുനിസിപ്പാലിറ്റി വാഹനം എത്തി പൊക്കിയെടുത്തുകൊണ്ടുപോകും. പക്ഷേ അത് സർക്കാർ വണ്ടിതന്നെ ആയാൽ ഇത്തിരി ‘ആശങ്ക’ ബാക്കിയാണ്. ഡൽഹി പാർലമെന്റ് സ്ട്രീറ്റ് പൊലീസ് സ്റ്റേഷനു മുന്നിലെ നടപ്പാതയിൽ നിർത്തിയിട്ടിരിക്കുന്ന ‘ഭാരത സർക്കാർ’ എന്ന് എഴുത്തുള്ള വാഹനം.

മോദി സർക്കാരിന്റെ ഭരണ നേട്ടങ്ങൾ വിവരിക്കാനെത്തിയ മന്ത്രി ജെ.പി. നഡ്ഡ. മന്ത്രി അശ്വിനി വൈഷ്ണവ് സമീപം.

കനത്തചൂട് അനുഭവപ്പെടുന്ന അയോധ്യയിൽ രാമക്ഷേത്രത്തിനു സമീപത്തെ റോഡിൽ വെള്ളം തളിച്ചു നീങ്ങുന്ന വാഹനത്തിനു സമീപത്തുകൂടി നനഞ്ഞു നീങ്ങുന്ന തീർഥാടകർ.

ഡൽഹി മെഹ്റോളിയിലെ ബുൽബുലിയാ.

ഡൽഹിയിൽ ഉമീദ് പോർട്ടൽ ഉദ്ഘാടനവേളയിൽ റിമോട്ട് അമർത്തിയപ്പോൾ സ്ക്രീനിലെ കർട്ടൻ മാറുന്ന ദൃശ്യം സാവധാനം പ്രവർത്തിക്കുന്നതു കണ്ട് ചിരിക്കുന്ന കേന്ദ്രമന്ത്രിമാരായ ജോർജ് കുര്യനും കിരൺ റിജിജുവും.

‘പ്രത്യേകം’ ഇടമുണ്ട്: ഡൽഹിയിൽ കേന്ദ്രമന്ത്രി നിതിൻ ഗഡ്കരിയെ സന്ദർശിക്കാനെത്തിയ മുഖ്യമന്ത്രി പിണറായി വിജയനും മന്ത്രി മുഹമ്മദ് റിയാസും ട്രാൻസ്പോർട്ട് ഭവനിലെ ലിഫ്റ്റിൽ കയറിയപ്പോൾ, പിന്നാലെ കയറാനൊരുങ്ങുന്ന കേരള സർക്കാരിന്റെ ഡൽഹിയിലെ പ്രത്യേക പ്രതിനിധി കെ.വി. തോമസ്.

ഡൽഹിയിൽ സിപിഎം കേന്ദ്ര കമ്മിറ്റി യോഗത്തിനെത്തിയ പി. സതീദേവി, സി.എസ്.സുജാത, പി.കെ. ശ്രീമതി എന്നിവർ പുതിയ അംഗം കെ.എസ്. സലീഖക്കൊപ്പം.

ഓപ്പറേഷൻ സിന്ദൂറുമായി ബന്ധപ്പെട്ടു പ്രത്യേക പാർലമെന്റ് സമ്മേളനം വിളിച്ചു ചേർക്കണമെന്ന് ആവശ്യപ്പെട്ടു ഡൽഹിയിൽ ഇന്ത്യാസഖ്യം അംഗങ്ങളുടെ യോഗത്തിനു ശേഷം പുറത്തേക്ക് വരുന്ന മനോജ് ത്സാ (ആർജെഡി), ഡെറക് ഒബ്രയൻ (ടിഎംസി), രാംഗോപാൽ യാദവ് (സമാജ്‌വാദി പാർട്ടി), ദീപേന്ദർ ഹൂഡ (കോൺഗ്രസ്) സഞ്ജയ് റാവുത്ത് (ശിവസേന) ജയ്റാം രമേശ് (കോൺഗ്രസ്) എന്നിവർ.

ഡൽഹിയിൽ കേന്ദ്രമന്ത്രി അശ്വിനി വൈഷ്ണവുമായി കൂടിക്കാഴ്ച നടത്തുന്ന മുഖ്യമന്ത്രി പിണറായി വിജയൻ. കേരള സർക്കാരിന്റെ ഡൽഹിയിലെ പ്രത്യേക പ്രതിനിധി കെ.വി. തോമസ് സമീപം.

ചിന്താഭാരം: ഡൽഹിയിൽ രാജ്യാന്തര വ്യോമഗതാഗത സംഘടനയുടെ (അയാട്ട) വാർഷിക സമ്മേളനത്തിലെ പ്രസംഗങ്ങൾ ശ്രദ്ധയോടെ ശ്രവിക്കുന്ന വിദേശ പ്രതിനിധികൾ.