സ്വർണവിലയിൽ ഇന്ന് നേരിയ കുറവ്; മാറ്റമില്ലാതെ വെള്ളി
Mail This Article
×
സംസ്ഥാനത്ത് സ്വർണവില ഗ്രാമിന് ഇന്ന് 10 രൂപ കുറഞ്ഞ് 7,150 രൂപയായി. 80 രൂപ കുറഞ്ഞ് 57,200 രൂപയാണ് പവൻവില. 18 കാരറ്റ് സ്വർണത്തിനും ഗ്രാമിന് 5 രൂപ താഴ്ന്ന് വില 5,910 രൂപയായി. വെള്ളിവില ഗ്രാമിന് 97 രൂപയിൽ മാറ്റമില്ലാതെ തുടരുന്നു. ഇന്നലെ ഗ്രാമിന് ഒറ്റയടിക്ക് 70 രൂപയും പവന് 560 രൂപയും കൂടിയിരുന്നു.
രാജ്യാന്തരവിലയുടെ ചുവടുപിടിച്ചായിരുന്നു ഇന്നലെ വിലക്കുതിപ്പ്. രാജ്യാന്തരവില ഇന്ന് ഔൺസിന് 8 ഡോളർ വർധിച്ച് 2,649 ഡോളറിൽ എത്തിയെങ്കിലും കേരളത്തിൽ വില താഴുകയായിരുന്നു. ഇസ്രയേൽ-ഹമാസ്, റഷ്യ-യുക്രെയ്ൻ യുദ്ധങ്ങൾ വീണ്ടും കലുഷിതമാകുന്നതിനാലും യുഎസ് വീണ്ടും അടിസ്ഥാന പലിശനിരക്ക് കുറയ്ക്കാൻ സാധ്യതയുള്ളതിനാലും രാജ്യാന്തരവില വരുംദിവസങ്ങളിൽ കൂടിയേക്കാമെന്ന് നിരീക്ഷകർ വിലയിരുത്തുന്നു. അങ്ങനെയെങ്കിൽ കേരളത്തിലെ വിലയിലും വരുംദിവസങ്ങളിൽ ചാഞ്ചാട്ടം പ്രതീക്ഷിക്കാം.
English Summary:
Kerala Gold Price - Gold Price Dips in Kerala, Silver Holds Steady: Gold prices in Kerala experienced a slight dip today, while silver prices remained stable. This follows a significant surge in gold prices yesterday, influenced by international market trends. Experts predict potential fluctuations in the coming days due to geopolitical tensions and economic factors.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.