ഇഎഫ്ടിഎ രാജ്യങ്ങളുമായുള്ള വ്യാപാരക്കരാർ ഈ വർഷം

ന്യൂഡൽഹി∙ ഇന്ത്യയും യൂറോപ്യൻ സ്വതന്ത്ര വ്യാപാര അസോസിയേഷൻ (ഇഎഫ്ടിഎ) രാജ്യങ്ങളുമായുള്ള വ്യാപാര, സാമ്പത്തിക പങ്കാളിത്ത കരാർ ഇക്കൊല്ലം തീരും മുൻപ് നടപ്പാക്കുമെന്ന് കേന്ദ്ര വാണിജ്യമന്ത്രി പീയൂഷ് ഗോയൽ പറഞ്ഞു.

സ്വിറ്റ്സർലൻഡ്, നോർവേ, ഐസ്‍ലൻഡ്, ലിക്‌റ്റൻസ്‌റ്റെൻ എന്നിവയാണ് ഇഎഫ്ടിഎ അംഗരാജ്യങ്ങൾ. ആദ്യ 10 വർഷത്തിനിടയിൽ ഏകദേശം 5,000 കോടി ഡോളറിന്റെ നിക്ഷേപമാണ് ഇന്ത്യ പ്രതീക്ഷിക്കുന്നത്. പിന്നീടുള്ള 5 വർഷവും 5,000 കോടി ഡോളറിന്റെ നിക്ഷേപമെത്തുമെന്നാണ് കരുതുന്നു. ഇതുവഴി 10 ലക്ഷം തൊഴിലവസരങ്ങളാണ് ഇന്ത്യ ലക്ഷ്യംവയ്ക്കുന്നത്.

കൂടുതൽ ബിസിനസ് വാർത്തകൾക്ക്: manoramaonline.com/business