റാങ്ക് ലിസ്റ്റിൽ ഇടം നേടണോ? തീരസമതലങ്ങളെക്കുറിച്ച് അറിയണം

ഇന്ത്യയുടെ പടിഞ്ഞാറൻ തീരസമതലം, കിഴക്കൻ തീരസമതലം എന്നിവ സംബന്ധിച്ച ചോദ്യങ്ങൾ പിഎസ്‌സി പരീക്ഷകളിൽ പതിവായി കാണാറുണ്ട്. ഇന്ത്യയുടെ ഭൂപടത്തിൽ ദക്ഷിണേന്ത്യൻ ഭാഗത്ത് കടലിനോടു ചേർന്ന് ഇരുവശത്തുമായി കാണപ്പെടുന്ന ഭാഗങ്ങളാണിവ. ഭൂപടം ഉപയോഗിച്ച് ഈ ഭാഗങ്ങളെക്കുറിച്ചു കൃത്യമായി പഠിക്കണം. പ്രസ്താവനാരൂപത്തിലുള്ള ചോദ്യങ്ങളും ഈ ഭാഗത്തുനിന്നു പ്രതീക്ഷിക്കാം. ഇവ തമ്മിലുള്ള വ്യത്യാസങ്ങൾ എന്തൊക്കെയാണെന്നു നോക്കാം

പടിഞ്ഞാറൻ തീരസമതലം
∙ സ്ഥിതി ചെയ്യുന്നത് അറബിക്കടലിനും പശ്ചിമഘട്ടത്തിനും ഇടയിൽ.
∙ റാൻ ഓഫ് കച്ച് മുതൽ കന്യാകുമാരി വരെ വ്യാപിച്ചിരിക്കുന്നു.
∙ താരതമ്യേന വീതി കുറവ്.
∙ ഗുജറാത്ത് തീരസമതലം, കൊങ്കൺ തീരസമതലം, മലബാർ തീരസമതലം എന്നിങ്ങനെ വേർതിരിച്ചിരിക്കുന്നു.
∙ കായലുകളും അഴിമുഖങ്ങളും കാണപ്പെടുന്നു.
കിഴക്കൻ തീരസമതലം
∙ പ്രധാനമായും ബംഗാൾ ഉൾക്കടലിനും പൂർവഘട്ടത്തിനും ഇടയിൽ സ്ഥിതി ചെയ്യുന്നു.
∙ സുന്ദർബൻ മുതൽ കന്യാകുമാരി വരെ വ്യാപിച്ചിരിക്കുന്നു.
∙ വീതി താരതമ്യേന കൂടുതൽ.
∙ കൊറമാണ്ഡൽ തീരസമതലം, വടക്കൻ സിർകാർസ് തീരസമതലം എന്നിങ്ങനെ തരംതിരിക്കാം
∙ ഡെൽറ്റ രൂപീകരണം നടക്കുന്നു.