‘1789’ വെറുമൊരു സംഖ്യയല്ല; പഠിച്ചാൽ റാങ്ക് ലിസ്റ്റിൽ ഇടം നേടാം

പിഎസ്‌സി പരീക്ഷകളിൽ ലോകവിപ്ലവങ്ങൾ ചോദ്യമായി വരാറുണ്ട്. കൂടുതൽ തവണ ചോദ്യങ്ങൾ വന്നിട്ടുള്ളത് ഫ്രഞ്ച് വിപ്ലവം സംബന്ധിച്ചാണ്. സ്കൂൾതലത്തിൽ വിവിധ ക്ലാസുകളിൽ ഫ്രഞ്ച് വിപ്ലവത്തെക്കുറിച്ചു പഠിക്കാനുണ്ട്. ഫ്രഞ്ച് വിപ്ലവം സംബന്ധിച്ച ചില ചോദ്യങ്ങൾ നോക്കാം:
∙ ഫ്രഞ്ച് വിപ്ലവം നടന്ന വർഷം: 1789
∙ വിപ്ലവകാലത്ത് ഫ്രാൻസ് ഭരിച്ചിരുന്നത്: ലൂയി പതിനാറാമൻ
∙ ‘ഞാനാണ് രാഷ്ട്രം’ എന്നു പ്രഖ്യാപിച്ചത്: ലൂയി പതിനാലാമൻ
∙ ‘എനിക്കു ശേഷം പ്രളയം’ എന്നു പ്രഖ്യാപിച്ചത്: ലൂയി പതിനഞ്ചാമൻ|
∙ ‘ഞാനാണ് വിപ്ലവം’ എന്നു പ്രഖ്യാപിച്ചത്: നെപ്പോളിയൻ ബോണപ്പാർട്ട്
∙ ഡയമണ്ട് നെക്‌ലസ് വിവാദവുമായി ബന്ധപ്പെട്ടത്: മേരി അന്റോണിറ്റ്
∙ കർഷകർ സർക്കാരിലേക്ക് അടച്ചിരുന്ന നികുതി: തൈലേ
∙ കർഷകർ പുരോഹിതർക്കു നൽകിയിരുന്ന നികുതി: തിഥൈ
∙ ഫ്രാൻസിൽ ഉപ്പുനികുതി അറിയപ്പെട്ടിരുന്നത്: ഗബല്ലേ
∙ ടെന്നിസ് കോർട്ട് പ്രതിജ്ഞ നടന്നത്: 1789 ജൂൺ 20
∙ ബാസ്റ്റിൽ കോട്ടയുടെ പതനം നടന്നത്: 1789 ജൂലൈ 14

∙ ഫ്രഞ്ച് വിപ്ലവത്തിനു തുടക്കമായി കണക്കാക്കുന്നത്: ബാസ്റ്റിൽ കോട്ടയുടെ പതനം
∙ ഫ്രഞ്ച് വിപ്ലവത്തെ സ്വാധീനിച്ച റൂസോയുടെ വാക്കുകൾ: ‘മനുഷ്യൻ സ്വതന്ത്രനായാണു ജനിക്കുന്നത്. പക്ഷേ, എല്ലായിടത്തും ചങ്ങലയിലാണ്’
∙ ‘സ്വാതന്ത്ര്യം, സമത്വം, സാഹോദര്യം’ എന്ന മുദ്രാവാക്യം ആരുമായി ബന്ധപ്പെട്ടിരിക്കുന്നു: റൂസോ
∙ റൂസോയുടെ കൃതി: സാമൂഹിക ഉടമ്പടി 
∙ നിയമങ്ങളുടെ അന്തഃസത്ത എന്ന കൃതി രചിച്ചത്: മൊണ്ടസ്ക്യൂ
∙ കാൻഡിഡ് എന്ന കൃതി രചിച്ചത്: വോൾട്ടയർ
∙ ഗവൺമെന്റിന്റെ രണ്ട് ഉടമ്പടികൾ എന്ന കൃതി രചിച്ചത്: ജോൺ ലോക്ക്
∙ ഫ്രാൻസ് റിപ്പബ്ലിക് ആയ വർഷം: 1792
∙ ഫ്രഞ്ച് വിപ്ലവത്തിന്റെ ശിശു: നെപ്പോളിയൻ ബോണപ്പാർട്ട്
∙ നെപ്പോളിയൻ ബോണപ്പാർട്ട് പരാജയപ്പെട്ട യുദ്ധം: വാട്ടർ ലൂ