എഫ്എംജിഇ: ഈ വർഷം യോഗ്യത നേടിയത് 13,149 പേർ

ന്യൂഡൽഹി ∙ വിദേശത്ത് എംബിബിഎസ് പഠിച്ച ഇന്ത്യക്കാർക്ക് ഇവിടെ പ്രാക്ടിസ് അനുമതിക്കുള്ള പരീക്ഷയായ എഫ്എംജിഇ (ഫോറിൻ മെഡിക്കൽ ഗ്രാജ്വേറ്റ് എക്സാം) ഡിസംബർ സെഷനിൽ 29.62% വിജയം. റജിസ്റ്റർ ചെയ്ത 45,550 വിദ്യാർഥികളിൽ 44,392 പേരാണു പരീക്ഷയെഴുതിയത്. 13,149 പേർ വിജയിച്ചു. 31,236 പേർ പരാജയപ്പെട്ടു. 7 പേരുടെ ഫലം തടഞ്ഞുവച്ചിരിക്കുകയാണ്. സ്കോർ കാർഡ് 27 മുതൽ ഡൗൺലോഡ് ചെയ്യാം. https://natboard.edu.in/

റജിസ്ട്രേഷനുവേണ്ടി ഈ സ്കോർ കാർഡ് സംസ്ഥാന മെ‍ഡിക്കൽ കൗൺസിലിൽ ഹാജരാക്കിക്കൂടാ. വിദ്യാർഥിയുടെ തിരിച്ചറിയൽ നേരിട്ട് ഉറപ്പുവരുത്തിയിട്ടു മാത്രമേ എഫ്എംജിഇ പാസ് സർട്ടിഫിക്കറ്റ് നൽകൂ. തിരിച്ചറിയലിൽ പിശകു കണ്ടെത്തിയാൽ സ്കോർ റദ്ദാക്കും.
കഴിഞ്ഞ 3 വർഷങ്ങൾക്കിടെ ഏറ്റവുമധികം വിദ്യാർഥികൾ റജിസ്റ്റർ ചെയ്യുകയും പരീക്ഷയെഴുതുകയും ചെയ്ത സെഷനായിരുന്നു ഡിസംബറിലേത്. വിജയശതമാനവും വർധിച്ചു. ജൂൺ സെഷനിൽ 7233 പേർ (21.65%) മാത്രമാണു വിജയിച്ചത്.
സംശയപരിഹാരത്തിന് 011-45593000; https://exam.natboard.edu.in/communication.php?page=main